ទីក្រុងបាងកក ៖ នាយករដ្ឋមន្ត្រីថៃ បានបញ្ជាឱ្យឧបនាយករដ្ឋមន្ត្រី ដោះស្រាយបញ្ហាព្រឹត្តិ្កការណ៍កីឡាស៊ីហ្គេមលើកទី ៣៣ (SEA Games) ជាបន្ទាន់ បន្ទាប់ពីមានការរិះគន់ដូចទឹកបាក់ទំនប់ថា…
ទីក្រុងបាងកក ៖ នាយករដ្ឋមន្ត្រីថៃ បានបញ្ជាឱ្យឧបនាយករដ្ឋមន្ត្រី ដោះស្រាយបញ្ហាព្រឹត្តិ្កការណ៍កីឡាស៊ីហ្គេមលើកទី ៣៣ (SEA Games) ជាបន្ទាន់ បន្ទាប់ពីមានការរិះគន់ដូចទឹកបាក់ទំនប់ថា ការរៀបចំមិនល្អដូចកម្ពុជា។ នេះបើយោងតាមប្រភពពីកាសែតថៃ Khaosod English បានចេញផ្សាយកាលពីថ្ងៃទី៤ ខែធ្នូ ឆ្នាំ២០២៥។
នៅរសៀលថ្ងៃទី ៤ ខែ ធ្នូ ឆ្នាំ ២០២៥ នៅឯវិមានរដ្ឋាភិបាល នាយករដ្ឋមន្ត្រីថៃ លោក អនុទីន ចាន់វីរៈគុល (Anutin Charnvirakul) និងជារដ្ឋមន្ត្រីក្រសួងមហាផ្ទៃ បានផ្តល់បទសម្ភាសន៍ទាក់ទងនឹងភាពចលាចលជុំវិញការត្រៀមខ្លួនរៀបចំកីឡាស៊ីហ្គេមលើកទី ៣៣ ដោយបញ្ជាក់ថា គួរតែសួររដ្ឋមន្ត្រីក្រសួងទេសចរណ៍ និងកីឡា។
យ៉ាងណាមិញ នៅពេលអ្នកកាសែតចោទសួរថា តើបញ្ហាស៊ីហ្គេមប៉ះពាល់ដល់មុខមាត់ប្រទេសថៃដែរឬទេ? ស្រាប់តែលោក អនុទីន បាននិយាយថា ការប្រកួតនឹងបើកនៅថ្ងៃទី៩ ខែធ្នូ ហើយលោកនឹងចូលរួមដោយសារតែវត្តមានរបស់ព្រះមហាក្សត្រ។
អ្នកកាសែតបន្តសួរអំពីការរិះគន់យ៉ាងខ្លាំងថា ការរៀបចំស៊ីហ្គេមលើកទី ៣៣ មិនល្អដូចកម្ពុជា (ម្ចាស់ផ្ទះស៊ីហ្គេមលើកទី ៣២) លោក អនុទីន ឆ្លើយថា «នរណានិយាយអីចឹង0x017d7 បើមិនទាន់ចាប់ផ្តើម»។ នៅពេលត្រូវបានសួរអំពីការរិះគន់ទាក់ទងនឹងការប្រើប្រាស់បញ្ញាសិប្បនិម្មិត AI សម្រាប់ផ្ទាំងរូបភាពផ្សព្វផ្សាយព្រឹត្តិការណ៍កីឡាស៊ីហ្គេម លោក អនុទីន និយាយថា លោកឧបនាយករដ្ឋមន្ត្រី ថាំម៉ាណាត់ ព្រំផាវ (Thammamnat Prompao) ជារដ្ឋមន្ត្រីក្រសួងកសិកម្ម និងសហករណ៍ នៅក្នុងឋានៈជាអធិការកិច្ចក្រសួងទេសចរណ៍ និងកីឡា បានប្រាប់ថា លោកនឹងចាត់ចែងយ៉ាងពេញលេញ។ លោកបន្តថា ការប្រកួតកីឡាស៊ីហ្គេម នឹងកាន់តែល្អ នៅពេលដែលមនុស្សម្នាមកចូលរួម។
នៅពេលសួរដល់សំណួរទាក់ទងនឹងបញ្ហាថវិកាចំណាយ លោក អនុទីន ឆ្លើយថា «រឿងនេះមិនមែនទើបតែចាប់ផ្តើមកាលពីពីរខែមុនទេ។ ពេលចូលកាន់តំណែង យើងត្រូវដោះស្រាយបញ្ហានេះឱ្យបានពេញលេញជាបន្ទាន់។ យើងដឹងពីបញ្ហានេះ នោះហើយជាមូលហេតុដែលយើងកំពុងតែដុតដៃដុតជើង។ លោក ថាំម៉ាណាត់ បានធ្វើការឡើងវិលក្បុង។ គាត់ត្រូវដោះស្រាយស្ថានភាពជាច្រើន។ លោក អនុទីន បានបន្តទៀតថា ចំពោះផ្នែករបស់លោកវិញ បញ្ហាពាក់ព័ន្ធគឺនៅស្រុកហាតយ៉ៃ (Hat Yai) ខេត្តសុងក្លា (Songkhla) ដែលការប្រកួតមិនអាចរៀបចំនៅទីនោះបាន (គ្រោះទឹកជំនន់)។ លោកត្រូវតែប្រញាប់ រៀបចំទីកន្លែងសម្រាប់ការប្រកួត និងកន្លែងស្នាក់នៅអត្តពលិក ដែលអាជ្ញាធរទេសចរណ៍ថៃ (TAT) កំពុងដោះស្រាយនាពេលបច្ចុប្បន្ន។
នៅពេលសួរថាតើការអនុវត្តសំខាន់ៗ របស់បណ្តារដ្ឋមន្ត្រីពាក់ព័ន្ធ គួរតែត្រូវបានវាយតម្លៃដែរឬទេ0x017d7 លោក អនុទីន បានឆ្លើយថា «វាយឺតពេលហើយក្នុងការវាយតម្លៃ ព្រោះសភានឹងត្រូវរំលាយចោលក្នុងពេលឆាប់ៗនេះ»៕
ចែករំលែកព័តមាននេះ