រាជធានីភ្នំពេញ ៖ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិតសភាចារ្យហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មជ្ឈមណ្ឌលជាតិហ្វឹកហ្វឺនកីឡា បានរៀបចំវគ្គសិក្ខាសាលាស្តីពីវិន័យ…
រាជធានីភ្នំពេញ ៖ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិតសភាចារ្យ
ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មជ្ឈមណ្ឌលជាតិហ្វឹក
ហ្វឺនកីឡា បានរៀបចំវគ្គសិក្ខាសាលាស្តីពីវិន័យ និងក្រមសីលធម៌ដល់ប្រតិភូកីឡាកម្ពុជាចូលរួមប្រកួតកីឡាស៊ីហ្គេមលើក៣៣ នៅប្រទេសថៃ ចាប់ពីថ្ងៃទី១ដល់ទី២ ខែវិច្ឆិកា ឆ្នាំ២០២៥។
ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាបានថ្លែងក្នុងពិធីនោះថា នេះជាវគ្គមួយដែលបំប៉នស្មារតី បច្ចេកទេសផ្នែកសុខភាពផ្លូវកាយ និងសុខភាពផ្លូវចិត្តដល់ប្រតិភូកីឡាកម្ពុជា ។ យើងក៏បានដាក់ចេញនូវវិធានការនិងវិន័យផ្សេងៗទៀតដែលពាក់ព័ន្ធទៅនឹងសមត្ថភាពខ្ពស់របស់កីឡាករកីឡាការិនី ដែលទទួលបានគោលការណ៍ពីថ្នាក់ដឹកនាំរួចហើយ។ ឯកឧត្តមក៏បានដាស់តឿនទៅកាន់ប្រតិភូ គ្រូបង្វឹក នូវយន្តការសំខាន់ៗ រួមមាន ការចូលរួមជាកិត្តិយសតំណាងមុខមាត់កម្ពុជា ការធានាឱ្យបាននូវសុខសុវត្ថិភាពពេលប្រកួត និងពេលត្រឡប់មកទឹកដីកំណើតវិញ។
ជាពិសេសការជំរុញឱ្យអត្តពលិកដណ្តើមឱ្យបាននូវកិត្តិយសជូនជាតិក្នុងកាលៈទេសៈដ៏សំខាន់មួយនេះ។
ព្រឹត្តិការណ៍កីឡាអាស៊ីអាគ្នេយ៍លើកទី៣៣ នឹងចាប់ផ្តើមប្រកួតផ្លូវការពីថ្ងៃទី៩ ដល់ថ្ងៃទី២០ ខែធ្នូ ឆ្នាំ២០២៥ ក្នុងនោះម្ចាស់ផ្ទះថៃ បានដាក់៥០ប្រភេទកីឡាលើ៥៧៤វិញ្ញាសាដើម្បីឱ្យអត្តពលិកទាំងអស់ប្រកួតប្រជែងដណ្ដើមមេដាយ។
គួរបញ្ជាក់ផងដែរថា ប្រតិភូគ្រូបង្វឹកអត្តពលិកទាំង១២ប្រភេទកីឡាដែលបានចូលរួមវគ្គសិក្ខាសាលាខាងលើនេះរួមមាន អត្តពលកម្ម, ហែលទឹក, ជិះសេះ, គុនដាវ, ជឺជិតស៊ូ, បាល់ទាត់លើតុ, កីឡាអេឡិចត្រូនិក, ម៉ូតូទឹក, កាយសម្ព័ន្ធ,ឃីកបុកស៊ីង, ទ្រីយ៉ាត្លុង និងតេក្វាន់ដូ៕
ចែករំលែកព័តមាននេះ