Felix សាងកំណត់ត្រាមិនធ្លាប់មាននៅ Chelsea ក្រោយបង្ហាញខ្លួនប្រកួតដំបូងបានកាតក្រហម
អង់គ្លេស ៖ ខ្សែប្រយុទ្ធចំណូលថ្មី Joao Felix ទទួលបានកាតក្រហមនៅក្នុងការបង្ហាញខ្លួនលើកដំបូង
អង់គ្លេស ៖ ខ្សែប្រយុទ្ធចំណូលថ្មី Joao Felix ទទួលបានកាតក្រហមនៅក្នុងការបង្ហាញខ្លួនលើកដំបូង
អង់គ្លេស ៖ ខ្សែប្រយុទ្ធចំណូលថ្មី Joao Felix ទទួលបានកាតក្រហមនៅក្នុងការបង្ហាញខ្លួនលើកដំបូងសម្រាប់ក្រុម Chelsea ខណៈដែលក្រុមរហស្សនាម តោខៀវ មួយនេះ រងបរាជ័យក្រោមថ្វីជើងក្រុម Fulham នៅក្នុងការប្រកួតក្របខណ្ឌលីគកំពូលអង់គ្លេស Premier League ដោយលទ្ធផល ២-១ កាលពីថ្ងៃទី១២ ខែមករា ឆ្នាំ២០២៣។ គួររំលឹកថា Chelsea ខ្ចីជើង Joao Felix ពី AT Madrid ដើម្បីដោះស្រាយបញ្ហាប្រព័ន្ធប្រយុទ្ធ
ខ្សែប្រយុទ្ធ Joao Felix ត្រូវបានលោក Graham Potter ដាក់ជាជម្រើស១១នាក់ដំបូង នៅក្នុងការបង្ហាញខ្លួនលើកដំបូងសម្រាប់ Chelsea នៅក្នុងការប្រកួតទល់នឹងក្រុមម្ចាស់ផ្ទះ Fulham បន្ទាប់ខ្សែប្រយុទ្ធសញ្ជាតិព័រទុយហ្គាល់វ័យ២៣ឆ្នាំរូបនេះ ត្រូវបានក្លិប Chelsea ខ្ចីជើងពីក្លិប Atletico Madrid កាលពីថ្ងៃទី១១ ខែមករា កន្លងទៅ នៅក្នុងកិច្ចព្រមព្រៀងរហូតដល់ចប់រដូវកាលនេះ។
ការបង្ហាញខ្លួនលើកដំបូងសម្រាប់ក្រុម Chelsea បើទោះបីជារូបគេបានបង្ហាញទម្រង់លេងបានល្អក៏ពិតមែន ប៉ុន្តែសមាជិកក្រុមជម្រើសជាតិព័រទុយហ្គាល់រូបនេះ បែរជាទទួលបានកាតក្រហម នៅក្នុងនាទី៥៨ នៃវគ្គទី២ ក្រោយបង្កកំហុសឈូសបើកបាតបំបុកខ្សែការពារ Kenny Tete របស់ក្រុម Fulham។ ការប្រជែងរបស់ Felix ត្រូវបានចាត់ទុកជាសកម្មភាពដ៏គ្រោះថ្នាក់ ដែលមានន័យថា រូបគេនឹងត្រូវខកខាន៣ប្រកួតបន្ទាប់សម្រាប់ Chelsea នៅក្នុងក្របខណ្ឌ Premier League ។
Joao Felix ក្លាយជាកីឡាករដំបូងគេ ដែលបានកាតក្រហមក្នុងការបង្ហាញខ្លួនលើកដំបូងសម្រាប់ Chelsea ក្នុងការប្រកួត Premier League ហើយក៏ជាកីឡាករដំបូងគេ ដែលទទួលបានកាតក្រហមក្នុងការបង្ហាញខ្លួនលើកដំបូងសម្រាប់ក្រុមថ្មីរបស់ខ្លួន បន្ទាប់កីឡាករ Federico Fazio អតីតខ្សែការពារក្រុម Tottenham Hotspur ដែលកើតឡើងក្នុងជំនួបទល់នឹងក្រុម Manchester City កាលពីខែតុលា ឆ្នាំ ២០១៤ កន្លងទៅ។
ជាមួយនឹងការបរាជ័យនេះ Chelsea កំពុងស្ថិតស្ថានភាពគ្រោះថ្នាក់មួយ ដោយឈរនៅចំណាត់ថ្នាក់លេខ១០ មាន២៥ពិន្ទុ តាមពីក្រោយក្រុមកំពូលតារាង Arsenal រហូតសល់១៩ពិន្ទុ និង ១០ពិន្ទុពីក្រុមចំណាត់ថ្នាក់លេខ៤ Manchester United៕ (ដកស្រង់ចេញពី BBC និង Football London)
ចែករំលែកព័តមាននេះ