ក្រោយចាញ់ម្ចាស់ផ្ទះថៃ ៣-១ កម្ពុជាអស់ឱកាសឡើងវគ្គបន្ដ
- ភ្នំពេញ
ប្រទេសថៃ ៖ ក្រុមបាល់ទាត់ជម្រើសជាតិកម្ពុជា បានបាត់បង់ឱកាសឡើងវគ្គបន្ត ក្រោយបរាជ័យ
ប្រទេសថៃ ៖ ក្រុមបាល់ទាត់ជម្រើសជាតិកម្ពុជា បានបាត់បង់ឱកាសឡើងវគ្គបន្ត ក្រោយបរាជ័យ
ប្រទេសថៃ ៖ ក្រុមបាល់ទាត់ជម្រើសជាតិកម្ពុជា បានបាត់បង់ឱកាសឡើងវគ្គបន្ត ក្រោយបរាជ័យក្រោមថ្វីជើងក្រុមម្ចាស់ផ្ទះថៃក្នុងលទ្ធផល ៣-១ ក្នុងជំនួបបញ្ចប់ពូល A ពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022 នៅកីឡដ្ឋាន Thammasat ប្រទេសថៃ កាលពីរាត្រីថ្ងៃទី០២ មករា ឆ្នាំ២០២៣។ គួររំលឹកថា គ្រូបង្វឹកថៃថានឹងយកឈ្នះកម្ពុជា ខណៈគ្រូកម្ពុជាថានឹងធ្វើរឿងមួយចំនួនតទល់ម្ចាស់ផ្ទះនៅយប់នេះ
នៅក្នុងការប្រកួតនេះ នៅក្នុងតង់ទី១ កម្ពុជា បានរបូត ១គ្រាប់ នៅនាទីទី៤៥+២ បន្ទាប់ពីខ្សែការពារ យ៉ើ មូស្លីម បង្កកំហុសក្នុងប្រអប់គ្រោះថ្នាក់ ត្រូវបានអាជ្ញាកណ្ដាលពិន័យផ្ដល់បាល់ប៉េណាល់ទីដល់ក្រុមជម្រើសជាតិថៃ ហើយកីឡាករ Teerasil Dangda ជាអ្នកស៊ុតបំប៉ោងសំណាញ់ទីក្រុមកម្ពុជា។
ចូលដល់តង់ទី២ ក្រុមថៃ នៅតែព្យាយាមដាក់សម្ពាធ ហើយបន្ថែមគ្រាប់ទី២ បន្ទាប់ពីចាប់ផ្ដើមបាន ៥នាទី ដោយកីឡាករ Sumanya Purisai នៅនាទីទី៥០ ។ ប៉ុន្ដែនៅនាទីទី៦៨ ក្រុមកម្ពុជា ក៏វាយបកបាន ១គ្រាប់វិញ ដោយកីឡាករ សៀង ចន្ធា ។ បន្ទាប់មកក្រុមទាំងពីរបានព្យាយាមវាយសម្រុកកាន់តែខ្លាំង ពិសេសក្រុមកម្ពុជា តែពុំមានឱកាសបន្ថែមគ្រាប់បាល់ឡើយ ផ្ទុយទៅវិញ ថៃ បានបន្ថែមគ្រាប់បាល់ទី៣ នៅចុងម៉ោង ដែលធ្វើបានសម្រេចដោយកីឡាករ Teerasil Dangda នៅនាទីទី៩០ មុនអាជ្ញាកណ្ដាលផ្លុំកញ្ចែបញ្ចប់ការប្រកួតពេញម៉ោង ដោយថៃ ឈ្នះកម្ពុជា ៣-១ តែម្ដង ។
ជ័យជម្នះនេះ បានធ្វើឲ្យក្រុមជើងឯក ៦សម័យថៃ បញ្ចប់ការប្រកួតសន្សំពិន្ទុ ដោយឈរកំពូលតារាងពូល A មាន ១០ពិន្ទុ ស្មើក្រុមជម្រើសជាតិឥណ្ឌូណេស៊ី ដែលបានយកឈ្នះហ្វីលីពីន ២-១ ដំណាលគ្នា មុនដឹកដៃគ្នាឡើងវគ្គពាក់កណ្ដាលផ្ដាច់ព្រ័ត្រ នៃពានរង្វាន់ប្រចាំតំបន់នេះ ខណៈក្រុមកម្ពុជា បានត្រឹមឈរចំណាត់ថ្នាក់លេខ៣ ក្នុងពូល A ដោយរកបាន ៦ពិន្ទុប៉ុណ្ណោះ ក្រោយឆ្លងកាត់ ៤ប្រកួត ឈ្នះ ២ និងចាញ់ ២ប្រកួត ៕
ចែករំលែកព័តមាននេះ