មុននេះ អណ្ដាតភ្លើងកំពុងឆាបឆេះអគារកាស៊ីណូប៉ោយប៉ែតរីសតយ៉ាងសន្ធោសន្ធៅ (វីដេអូ)
- បន្ទាយមានជ័យ
គិតត្រឹមម៉ោង៣និង៣០នាទីរសៀល ថ្ងៃទី២៩ ខែធ្នូ ឆ្នាំ២០២២ នេះ អណ្ដាតភ្លើងបានឆាបឆេះយ៉ាងសន្ធោសន្ធៅជាថ្មីម្តងទៀត នៅចំណុចអគារ
គិតត្រឹមម៉ោង៣និង៣០នាទីរសៀល ថ្ងៃទី២៩ ខែធ្នូ ឆ្នាំ២០២២ នេះ អណ្ដាតភ្លើងបានឆាបឆេះយ៉ាងសន្ធោសន្ធៅជាថ្មីម្តងទៀត នៅចំណុចអគារ
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា គិតត្រឹមម៉ោង៣និង៣០នាទីរសៀល ថ្ងៃទី២៩ ខែធ្នូ ឆ្នាំ២០២២ នេះ អណ្ដាតភ្លើងបានឆាបឆេះយ៉ាងសន្ធោសន្ធៅជាថ្មីម្តងទៀត នៅចំណុចអគារកាស៊ីណូប៉ោយប៉ែតរីសត ខាងជើងផ្លូវចូលទៅច្រកទ្វារអន្តរជាតិប៉ោយប៉ែត ។
សេចក្តីរាយការណ៍បន្តថា ហើយខណៈពេលនេះផងដែរ អគារកាស៊ីណូខាងត្បូងផ្លូវជាតិលេខ៥ និងអគារមួយកន្លែងទៀត ក៏កំពុងតែមានផ្សែងហ៊ុយចេញទ្រលោមដដែលនោះទេគិតត្រឹមរសៀលថ្ងៃនេះ។
សេចក្តីរាយការណ៍បន្តទៀតថា រហូតមកដល់ម៉ោង៤រសៀលនេះ អាជ្ញាធរ និងសមត្ថកិច្ចកំពុងតែដុតដៃដុតជើងយករថយន្តពន្លត់អគ្គិភ័យមកអន្តរាគមន៍បាញ់ទឹកពន្លត់ហើយ ។ ចំណែកចំនួនអ្នកស្លា.ប់គិតត្រឹមម៉ោងនេះគឺកើនដល់១៩នាក់ហើយ ប៉ុន្តែមិនទាន់បានបញ្ជាក់ពីអត្តសញ្ញាណរបស់ជនរងគ្រោះថា តើជាជនជាតិអ្វី ឬក៏ជាជនជាតិខ្មែរនោះទេ?
គួររំលឹកថា ៖ មនុស្សជាច្រើននាក់បានស្លា.ប់ និងរងរបួសនៅក្នុងករណីអគ្គិភ័យឆាបឆេះកាស៊ីណូជិតមាត់ច្រកទ្វារព្រំដែនអន្តរជាតិប៉ោយប៉ែត ខណៈកាស៊ីណូចំនួន២ គឺក្រែនដាយម៉ឹនស៊ីធី និងប៉ោយប៉ែតរីសត ស្ទើរតែក្លាយជាផេះផង់ទៅហើយ។
ករណីអគ្គិភ័យខាងលើនេះ បានកើតឡើងតាំងពីវេលាជិតម៉ោង១២យប់កណ្តាលអាធ្រាត្រថ្ងៃទី២៨ ខែធ្នូ ឈានដល់ម៉ោងជិត១២ថ្ងៃត្រង់ ថ្ងៃទី២៩ ខែធ្នូ ឆ្នាំ២០២២ គឺព្រះអគ្គីនៅបន្តឆាបឆេះដដែល។ ហើយអាជ្ញាធរ និងសមត្ថកិច្ចខេត្ត ជាប់ព្រំដែនខ្មែរ-ថៃ ស្ថិតក្នុងខេត្តបន្ទាយមានជ័យ និងខេត្តស្រះកែវ បានដុតដៃដុតជើងអន្តរាគមន៍ហៅរថយន្តពន្លត់អគ្គិភ័យ និងរថយន្តសង្គ្រោះជាច្រើនគ្រឿងចុះដល់កន្លែងកើតហេតុ ដើម្បីជួយបាញ់ទឹកពន្លត់ និងសង្គ្រោះដល់អ្នករងរបួសផងដែរ។រថយន្តពន្លត់អគ្គិភ័យខ្មែរ-ថៃរាប់សិបគ្រឿង បានអន្តរាគមន៍បាញ់ទឹកពន្លត់ ខណៈរថយន្តសង្គ្រោះបន្ទាន់របស់ថៃជាច្រើនគ្រឿង បានមកដល់ និងចតត្រៀបត្រានៅមាត់ច្រកទ្វារព្រំដែនអន្តរជាតិប៉ោយប៉ែត។
ដោយសារការបារម្ភ និងយកចិត្តទុកដាក់លើបញ្ហានេះ នៅព្រឹកថ្ងៃទី២៩ ខែធ្នូ ឆ្នាំ២០២២ គេឃើញវត្តមានថ្នាក់ដឹកនាំរាជរដ្ឋាភិបាល គឺសម្តេចក្រឡាហោម ស ខេង, នាយឧត្តមសេនីយ៍ ខេង សុមេធ៍ និងថ្នាក់ដឹកនាំជាច្រើនទៀត បានចុះដល់កន្លែងកើតហេតុ។ ហើយកាស៊ីណូដែលរងការឆាបឆេះទាំង២ខាងលើ គឺស្ថិតនៅអមសងខាងផ្លូវឆ្ពោះទៅមាត់ច្រកទ្វារអន្តរជាតិប៉ោយប៉ែត។
គួររំលឹកទៀតថា ៖ សោកនាដកម្មឆាបឆេះកាស៊ីណូនៅប៉ោយប៉ែត ស្លា.ប់និងរបួសជាច្រើននាក់(វីដេអូ) ៕
ចែករំលែកព័តមាននេះ