រាជធានីភ្នំពេញ ៖ ក្នុងរយៈពេល១៥ថ្ងៃ កន្លងមកនេះ ពោលគិតចាប់ពីថ្ងៃទី១ ដល់ថ្ងៃទី១៥ ខែមីនា ឆ្នាំ២០២៦ នៅទូទាំងប្រទេសមានគ្រោះអគ្គិភ័យបានកើតឡើងចំនួន២៨ករណី ។…
រាជធានីភ្នំពេញ ៖ ក្នុងរយៈពេល១៥ថ្ងៃ កន្លងមកនេះ ពោលគិតចាប់ពីថ្ងៃទី១ ដល់ថ្ងៃទី១៥ ខែមីនា ឆ្នាំ២០២៦ នៅទូទាំងប្រទេសមានគ្រោះអគ្គិភ័យបានកើតឡើងចំនួន២៨ករណី ។ នេះបើតាមរបាយការណ៍ក្រសួងមហាផ្ទៃ ។
បើតាមរបាយការណ៍ដដែលបានលើកឡើងថា គ្រោះអគ្គិភ័យទាំងនោះបានបណ្ដាលឱ្យមានការខូចខាត និងឆេះផ្ទះសំបែងប្រជាពលរដ្ឋ២២ខ្នង បន្ទប់ស្នាក់នៅ៣ ព្រៃ៣កន្លែង តូបលក់ដូរ២ ឡថ្នាំជក់១ រោងដាក់ចំបើង១ ព្រមទាំងសម្ភារប្រើប្រាស់មួយចំនួន ។
ករណីអគ្គិភ័យទាំងនេះ មាននៅមូលដ្ឋានជាអាទិ៍ រាជធានីភ្នំពេញ ខេត្តកណ្តាល កំពត កែប ព្រះសីហនុ ពោធិសាត់ ប៉ៃលិន បន្ទាយមានជ័យ ឧត្តរមានជ័យ ព្រះវិហារ សៀមរាប កពង់ធំ ស្ទឹងត្រែង ត្បូងឃ្មុំ ខេត្តស្វាយរៀង និងខេត្តព្រៃវែង ។
សូមជម្រាបថា ក្នុងខែកុម្ភៈកន្លងទៅនៅទូទាំងប្រទេស មានគ្រោះអគ្គិភ័យកើតឡើង ៩៧ករណី បណ្ដាលឱ្យខូចខាត និងឆេះផ្ទះសម្បែងប្រជាពលរដ្ឋ ៨៣ខ្នង តូប១ខ្នង ឃ្លាំង១០ខ្នង កុដិ៨ខ្នង វិហារ១ខ្នង បន្ទប់៤បន្ទប់ និងអគារស្នាក់នៅ១ខ្នង ៕
ចែករំលែកព័តមាននេះ