ខេត្តព្រះវិហារ ៖ យោងតាមការចុះផ្សាយរបស់អាជ្ញាធរជាតិព្រះវិហារ បានឱ្យដឹងថា ថ្នាក់ដឹកនាំស្ថាប័ននេះបានចុះពិនិត្យផ្ទាល់លើលទ្ធផលការងារអភិរក្ស និងជួសជុលប្រាសាទបុរាណជាច្រើនក្នុងតំបន់រមណីយដ្ឋានប្រាសាទកោះកេរ ។ ជាក់ស្តែងនេះបើយោងតាមផេកអាជ្ញាធរជាតិព្រះវិហារ បានប្រកាសនាថ្ងៃទី១៥ ខែមីនា…
ខេត្តព្រះវិហារ ៖ យោងតាមការចុះផ្សាយរបស់អាជ្ញាធរជាតិព្រះវិហារ បានឱ្យដឹងថា ថ្នាក់ដឹកនាំស្ថាប័ននេះបានចុះពិនិត្យផ្ទាល់លើលទ្ធផលការងារអភិរក្ស និងជួសជុលប្រាសាទបុរាណជាច្រើនក្នុងតំបន់រមណីយដ្ឋានប្រាសាទកោះកេរ ។
ជាក់ស្តែងនេះបើយោងតាមផេកអាជ្ញាធរជាតិព្រះវិហារ បានប្រកាសនាថ្ងៃទី១៥ ខែមីនា ឆ្នាំ២០២៦នេះថា ៖ ថ្នាក់ដឹកនាំអាជ្ញាធរជាតិព្រះវិហារចុះពិនិត្យមើលលទ្ធផលការងារអភិរក្សនៅរមណីយដ្ឋានប្រាសាទកោះកេរ ។
នាថ្ងៃទី១៤ ខែមីនា ឆ្នាំ២០២៥ ឯកឧត្តម គង់ ពុទ្ធិការ អគ្គនាយកអាជ្ញាធរជាតិព្រះវិហារ រួមជាមួយថ្នាក់ដឹកនាំ និងមន្ត្រីជំនាញ បានចុះពិនិត្យមើលលទ្ធផលការងារអភិរក្ស និងជួសជុលប្រាសាទ ក្នុងរមណីយដ្ឋានប្រាសាទកោះកេរ ក្នុងនោះមាន ប្រាសាទខ្នារ ប្រាសាទគោកគ្រង ប្រាសាទក្រចាប់ ប្រាសាទបល្ល័ង្កត្បូង និងប្រាសាទក្រហម ។
ថ្នាក់ដឹកនាំ និងមន្ត្រីជំនាញ បានពិភាក្សាអំពីស្ថានភាពសំណង់ប្រាសាទ បច្ចេកទេសជួសជុល វឌ្ឍនភាពការងារ និងផែនការបន្តទៅថ្ងៃខាងមុខ ។
ឆ្លៀតក្នុងឱកាសនោះដែរ ក្រុមការងារក៏បានពិភាក្សាគ្នាអំពីការរៀបចំកែលម្អរចំណតប្រាសាទប្រាំ រួមនឹងសម្បទាទេសចរណ៍ចាំបាច់មួយចំនួន ដើម្បីទទួលភ្ញៀវទេសចរឱ្យបានកាន់តែប្រសើរ ៕
ចែករំលែកព័តមាននេះ