ADផ្ទាំងផ្សព្វផ្សាយពាណិជ្ជកម្ម

Picture

អ្នក​​ជំនាញត្រៀម​ស្រង់​​សា​ឡង់​ដឹក​ខ្សាច់​ដែល​ទឹក​ហួរ​គួ​ច​បោ.ក​ផ្ទប់​ក្រឡាប់​ជាប់​សរសរ​ស្ពាន​បេ​ឡេ​ត៍

1 អាទិត្យ មុន
  • ភ្នំពេញ

សា​ឡង់​ដឹក​ខ្សាច់​មួយគ្រឿង ដែល​ទឹក​ហូរ​កួច​បោក​ផ្ទប់​ក្រឡាប់​ជាប់នឹង​សសរស្ពាន​បេ​ឡេ​ត៍​ឆ្លងកាត់​ទន្លេសាប ស្ថិត​ក្នុង​សង្កាត់​ឫស្សី​កែវ ខណ្ឌឫស្សីកែវ បាន​ត្រូវម្ចាស់​រៀបចំ​ក្រុម​ជំនាញ​ចុះ​ទៅ​អូស​យក​ចេញ​

រា​ជ​ធានី​ភ្នំពេញ ៖ សា​ឡង់​ដឹក​ខ្សាច់​មួយគ្រឿង ដែល​ទឹក​ហូរ​កួច​បោក​ផ្ទប់​ក្រឡាប់​ជាប់នឹង​សសរស្ពាន​បេ​ឡេ​ត៍​ឆ្លងកាត់​ទន្លេសាប ស្ថិត​ក្នុង​សង្កាត់​ឫស្សី​កែវ ខណ្ឌឫស្សីកែវ បាន​ត្រូវម្ចាស់​រៀបចំ​ក្រុម​ជំនាញ​ចុះ​ទៅ​អូស​យក​ចេញ​កាលពី​រសៀល​ថ្ងៃ​ទី​២៣ ខែវិច្ឆិកា ឆ្នាំ​២០២២ ក្រោម​ការ​ត្រួតពិនិត្យ​ពី​សំណាក់​តំណាង​​ក្រុមហ៊ុន OCIC មន្ត្រី​សាធារណការ​ និង​ដឹក​ជញ្ជូន និង​នគរបាល​ការិយាល័យ​ចរាចរណ៍​ផ្លូវទឹក​នៃ​ស្នងការដ្ឋាន​នគរបាល​រាជធានី​ភ្នំពេញ ។

Picture

ទោះបី​ជា​យ៉ាងណា គេ​នៅ​ពុំ​ទាន់​ដឹង​ថា ក្រុម​ជំនាញ​យកសា​ឡង់​នោះ ​ចេញ​បាន​ឬ​យ៉ាងណា​នោះ​ទេ? ព្រោះ​ខ្សែទឹក​កំពុង​តែ​ហូរ​កួច​យ៉ាង​ខ្លាំង ។

តាម​ព័ត៌មាន​ឱ្យ​ដឹង​ថា នៅ​វេលា​ម៉ោង​ប្រមា​ណ​២​រសៀល​ថ្ងៃ​ទី​២៣ ខែវិច្ឆិកា ឆ្នាំ​២០២២ នោះ ខាង​ម្ចាស់​​សា​ឡង់​ក៏​បាន​ហៅ​អ្នកជំនាញ​យក​សម្ភារៈ​ ដើម្បី​មក​អូស​ទាញ​សា​ឡង់​ដែល​នៅជាប់​សរសរ​ស្ពាន​បេ​ឡត៍​​នោះ​ចេញ​ដែរ តែ​គេ​ពុំ​ទាន់​ដឹង​ថា យក​ចេញ​បាន​នៅ​ពេល​ណា​នោះ​ទេ ?

Picture

គួរ​បញ្ជាក់​ថា សា​ឡង់​ដឹក​ខ្សាច់​មួយ​គ្រឿង បាន​ត្រូវ​ទឹក​ហូរ​កួច​ទៅ​បោក​ផ្ទប់​ក្រឡាប់​ជាប់​នឹង​សសរស្ពាន​បេ​ឡេ​ត៍ កាលពី​វេលា​ម៉ោង​ប្រមាណ​៤​និង​៥០​នាទី​ល្ងាច​ថ្ងៃ​ទី​២០ ខែវិច្ឆិកា ឆ្នាំ​២០២២ បណ្តាល​ឲ្យ​រង​ការ​ខូចខាត ហើយ មន្ទីរ​សាធារណការ​និង​ដឹក​ជញ្ជូន​រាជធានី​ភ្នំពេញ​និង​ក្រុមហ៊ុន បាន​ទៅ​ត្រួតពិនិត្យ​និង​ប្រកាស​បិទ​ចរាចរណ៍​ជា​បណ្តោះអាសន្ន ចៀសវាង​មាន​គ្រោះថ្នាក់​ជាយថាហេតុ ។

Picture

សា​ឡង់​នោះ​មាន​ប្រវែង​ជាង​៤០​ម៉ែត្រ ទទឹង​ប្រមាណ​១០​ម៉ែត្រ ដឹក​ខ្សាច់​ពេញ ធ្វើ​ដំណើរ​បញ្ច្រាស​ទឹក​ហូរ​​ក្នុង​ទិស​ដៅ​ពី​ខាងត្បូង​ទៅ​ខាងជើង​ ដើម្បី​យក​ខ្សាច់​ទៅ​ដាក់​នៅ​ដេប៉ូ​គីឡូម៉ែត្រ​លេខ​១០ ។ នៅ​ពេល​ធ្វើ​ដំណើរ​ឆ្លងកាត់​ក្រោម​ស្ពាន​បេ​ឡេ​ត៍​ដែល​ទឹក​ហូរ​បុក​ខ្លាំង ជា​ហេតុ​ធ្វើ​ឲ្យ​សា​ឡង់​បើក​ឡើង​ទឹក​ហូរ​មិន​រួច ហើយ​អ្នក​បើកបរ​ខំ​ដំឡើង​រោទ៍​ម៉ាស៊ីន​យ៉ាងណា​ក៏​នៅ​តែ​ឡើង​មិន​រូ​ច និង​ថយក្រោយ​បន្តិច​ម្តង​ៗ ។

Picture

ពេល​នោះ ផ្នែក​ខាងក្រោយ​បាន​ប៉ះ​សសរស្ពាន​ហើយ​រេ​ក្បាល​បោក​ផ្ទប់​នឹង​សសរស្ពាន​ម្ខាង​ទៀត​នៅទទឹងង៉ាង និង​ក្រឡាប់ចាក់​ខ្សាច់​ជាប់​តែ​ម្តង ។ រហូត​មក​ដល់​ថ្ងៃ​ទី​២៣ ខែវិច្ឆិកា ឆ្នាំ​២០២២ ការ​ធ្វើ​ចរាចរណ៍​លើ​ស្ពាន​បេ​ឡេ​ត៍​នេះ នៅ​មិន​ទាន់​អនុញ្ញាត​ឱ្យ​ឆ្លងកាត់​ឡើង​វិញ​នៅឡើយ​ទេ។

គួររំលឹកថា ៖ សា​ឡង់​ដឹក​ខ្សាច់​បើក​ឡើង​ខ្សែទឹក​ហូរ​បោក​ខ្ទប់​ក្រឡាប់​ជាប់ សរសរ​ស្ពាន​បេ​ឡេ​បណ្តាល​ឲ្យ​ផ្អាក​ចរាចរណ៍​បណ្តោះអាសន្ន

Picture
Picture
Picture
Picture
Picture
Picture