រាជធានីភ្នំពេញ ៖ រដ្ឋបាលរាជធានីភ្នំពេញ ចាប់ផ្តើមរៀបចំសោភ័ណភាព និងកាត់តម្រឹមមែកឈើ នៅតំបន់វត្តភ្នំ ដើម្បីត្រៀមអបអរសាទរ «សង្ក្រាន្តភ្នំពេញ» ។ នេះបើយោងតាម…
រាជធានីភ្នំពេញ ៖ រដ្ឋបាលរាជធានីភ្នំពេញ ចាប់ផ្តើមរៀបចំសោភ័ណភាព និងកាត់តម្រឹមមែកឈើ នៅតំបន់វត្តភ្នំ ដើម្បីត្រៀមអបអរសាទរ «សង្ក្រាន្តភ្នំពេញ» ។
នេះបើយោងតាម ទូរទស្សន៍ជាតិកម្ពុជា ទទក បានប្រកាសនាព្រឹកថ្ងៃទី៣០ ខែមីនានេះថា ៖ គិតត្រឹមថ្ងៃទី៣០ មីនា ឆ្នាំ២០២៦ រដ្ឋបាលរាជធានីភ្នំពេញ មន្ទីរសាធារណការ និងដឹងជញ្ជូនរាជធានីភ្នំពេញ ជាសេនាធិការ បានចាប់ផ្តើមកាត់យកមែកឈើចាស់ៗ និងមែកឈើ ដែលមានសភាពទោល មិនមានសណ្តាប់ធ្នាប់សុវត្ថិភាព ដល់ភ្ញៀវទេសចរណ៍ នៅតំបន់រមណីយដ្ឋានប្រវត្តិសាស្ត្រវត្តភ្នំ ។
ម្យ៉ាងដើម្បីត្រៀមព្រឹត្តិការណ៍ អបអរសាទរពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី ឆ្នាំ២០២៦ «នគរសង្គ្រាន្ត» នាពេលខាងមុខនេះ និងសោភ័ណ្ឌភាពរាជធានីភ្នំពេញឱ្យកាន់តែស្រស់ស្អាតបន្ថែមទៀត ។
សូមបញ្ជាក់ថា ការរៀបចំសោភ័ណភាពនៅតំបន់វត្តភ្នំ ដែលជាបេះដូងនៃរាជធានីភ្នំពេញ គឺជារឿងចាំបាច់បំផុតក្នុងការទាក់ទាញភ្ញៀវទេសចរ និងបង្ហាញពីភាពរីកចម្រើននៃទីក្រុង ។ បន្ថែមពីលើការកាត់តម្រឹមមែកឈើ រដ្ឋបាលរាជធានីភ្នំពេញក៏កំពុងមមាញឹកក្នុងការតុបតែងភ្លើងលម្អ ការលាងសម្អាតផ្លូវ និងការរៀបចំទីតាំងសម្រាប់ល្បែងប្រជាប្រិយខ្មែរផងដែរ ៕
ចែករំលែកព័តមាននេះ