សង្គ្រាមអ៉ីរ៉ង់ ៖ រដ្ឋមន្ត្រីការពារប្រទេសហ្វាំងឡង់ លោកANTTI HAKKANEN ្ ថ្លែងប្រាប់EURONEWS កាលពីថ្ងៃទី២៨ មីនា ថា លោកមិនចង់ឲ្យបណ្ដាអាវុធដែលពួកអឺរ៉ុបទិញពីអាមេរិក សម្រាប់ផ្ដល់ដល់អ៊ុយក្រែន ត្រូវបានពង្វាងយកទៅធ្វើសង្គ្រាមជាមួយអ៉ីរ៉ង់ឡើយ។
លោកANTTI HAKKANENថ្លែងថា ហ្វាំងឡង់ជឿជាក់ថា អាមេរិកគោរពបណ្ដាកុងត្រាដែលបានចុះហត្ថលេខា ជាមួយបណ្ដាប្រទេសអឺរ៉ុបជាសមាជិកអូតង់ ដែលបានទិញអាវុធទាំងនោះសម្រាប់អ៊ុយក្រែនពីបណ្ដាសហគ្រាសយោធាអាមេរិក ។ បញ្ហានោះ បន្ទាប់មកត្រូវបានលើកក្នុងអត្ថបទមួយរបស់កាសែតវ៉ាស៊ីនតោនប៉ុស្តិ៍ដែលថា មន្ទីរប៉ង់តាហ្គោន គ្រោងពង្វាងបណ្ដាឧបករណ៍យោធាសំខាន់ទាំងនេះ សម្រាប់ផ្ដល់ដល់កងទ័ពអ៊ុយក្រែន យកទៅប្រើក្នុងសង្គ្រាមប្រឆាំងអ៉ីរ៉ង់វិញ។
ក្នុងបទសម្ភាសន៍មួយជាមួយEURONEWS រដ្ឋមន្ត្រីការពារប្រទេសហ្វាំងឡង់ថ្លែងថា យើងជឿជាក់ថាយន្តការផ្ដល់អាវុធដល់អ៊ុយក្រែននឹងដំណើរការប្រសិនបើមានបញ្ហា នោះប្រាកដណាស់យើងត្រូវធ្វើការវាយតម្លៃជាថ្មីដល់សភាពការណ៍។
អាវុធដែលពួកអឺរ៉ុបទិញពីអាមេរិកសម្រាប់ផ្ដល់ដល់អ៊ុយក្រែន រួមមានបណ្ដាប្រព័ន្ធការពារអាកាសដែលត្រូវការខ្លាំង សម្រាប់ស្ទាក់កម្ទេចបណ្ដាមីស៊ីល និងដ្រូនរុស្ស៊ី ដែលទិញក្នុងក្របខណ្ឌប្រព័ន្ទPURLរបស់អូតង់ ដែលអាចឲ្យបណ្ដាប្រទេសជាសមាជិកអូតង់ទិញពីសហរដ្ឋអាមេរិកបណ្ដាអាវុធសម្រាប់ផ្ដល់ដល់អ៊ុយក្រែន ។
អគ្គលេខាធិការអូតង់លោកMARK RUTTE ថ្លែងទៅកាន់បណ្ដាអ្នកកាសែតថា បណ្ដាឧបករណ៍យោធាដែលចាំបាច់សម្រាប់ផ្ដល់ដល់ក្រុងគៀវ ក្នុងនោះមានបណ្ដាឧបករណ៍ស្ទាក់កម្ទេចនៅបន្តមកដល់អ៊ុយក្រែន។ ប៉ុន្តែប្រទេសអឺរ៉ុបមួយចំនួនមានការបារម្ភថា បើសង្គ្រាមប្រឆាំងអ៉ីរ៉ង់នៅបន្ត ហើយបណ្ដាអាវុធស្តុកក្នុងបណ្ដាឃ្លាំងអាមេរិកកាន់តែខើច នោះនឹងមានការសម្រេច ប្រមូលអាវុធទាំងនេះសម្រាប់យកទៅប្រយុទ្ធជាមួយអ៉ីរ៉ង់វិញ។
ប្រព័ន្ធងPURL ពេលនេះផ្ដល់ប្រមាណជា៧៥%គ្រាប់មីស៊ីលសម្រាប់ប្រព័ន្ធការពារអាកាសប៉ាទ្រីយ៉ូតរបស់អ៊ុយក្រែន និង៩០%គ្រាប់សម្រាប់ប្រើ ក្នុងប្រព័ន្ធការពារអាកាសផ្សេងៗទៀត។ រដ្ឋមន្ត្រីការបរទេសអាមេរិកលោកម៉ារកូរ៉ូប៊ីយ៉ូលើកឡើងថា ការជួយទ្រទ្រង់របស់ក្រុងវ៉ាស៊ីនតោនដល់អ៊ុយក្រែន រងការគំរាមកំហែងប្រសិនបើបណ្ដាសម្ព័ន្ធមិត្តអឺរ៉ុប មិនជួយអាមេរិក ក្នុងការការពារសន្តិសុខនៅច្រកសមុទ្រហ័រមូសទេនោះ ៕
ចែករំលែកព័តមាននេះ