សង្គ្រាមអ៉ីរ៉ង់ ៖ នេះជាល់ើកដំបូង តាំងពីចាប់ផ្ដើមសង្គ្រាមនៅមជ្ឈឹមបូព៌ាមក ដែលពួកឧទ្ទាមហ៊ូធីយេម៉ែនសម្ព័ន្ធមិត្តអ៉ីរ៉ង់ វាយប្រហារលើអ៉ីស្រាអែលក្រោយពីស្ងាត់ស្ងៀមមួយរយៈ។ ពួកឧទ្ទាមនោះអះអាង កាលពីថ្ងៃទី២៨ មីនា ថា…
សង្គ្រាមអ៉ីរ៉ង់ ៖ នេះជាល់ើកដំបូង តាំងពីចាប់ផ្ដើមសង្គ្រាមនៅមជ្ឈឹមបូព៌ាមក ដែលពួកឧទ្ទាមហ៊ូធីយេម៉ែនសម្ព័ន្ធមិត្តអ៉ីរ៉ង់ វាយប្រហារលើអ៉ីស្រាអែលក្រោយពីស្ងាត់ស្ងៀមមួយរយៈ។ ពួកឧទ្ទាមនោះអះអាង កាលពីថ្ងៃទី២៨ មីនា ថា បានវាយប្រហារទីតាំងច្រើនកន្ហែងរបស់អ៉ីស្រាអែលជួយទ្រទ្រង់ដល់ការតស៊ូរបស់អ៉ីរ៉ង់ និងរបស់ក្រុមហេសប៊ុលឡាហ៍លីបង់។
ពួកហ៊ូធីអះអាងថា ការវាយប្រហាររបស់ខ្លួននឹងបន្តទៀត រហូតដល់អ៉ីស្រាអែលបញ្ឈប់ការវាយលុកខាងយោធារបស់ខ្លួនលើគ្រប់់រណសិរ្ស ។ ការវាយប្រហាររបស់ពួកហ៊ូធីជាមួយការបាញ់ស្រោកមីស៊ីល សំដៅលើបណ្ដាទីតាំងរសើបរបស់អ៉ីស្រាអែល ។ ពួកហ៊ូធីអះអាងកាលពីថ្ងៃទី២៧មីនាថា ពួកគេនឹងចូលប្រឡូកក្នុងសង្គ្រាម ប្រសិនបើការវាយប្រហារប្រឆាំងអ៉ីរ៉ង់នៅបន្ត និងប្រសិនបើប្រទេសនានាចូលរួម ក្នុងការវាយលុករបស់អាមេរិក និងអ៉ីស្រាអែល ឬប្រសិនបើមានការវាយប្រហារចេញពីសមុទ្រក្រហម។
អ្នកនាំពាក្យយោធារបស់ហ៊ូធីលោកយ៉ាហ៍យ៉ាសារេថ្លែងតាមបណ្ដាញសង្គមX ថា យើងត្រៀមធ្វើអន្តរាគមន៍យោធាដោយផ្ទាល់ប្រសិនបើ សម្ព័ន្ធមិត្តថ្មីជាមួយអាមេរិក និងអ៉ីស្រាអែលធ្វើប្រតិបត្តិការប្រទូស្តរ៉ាយចំពោះអ៉ីរ៉ង និងប្រទេសអ៊ិស្លាមទាំងអស់ ចេញពីសមុទ្រក្រហមនិងក្នុងករណីមានការបន្តបង្កើនសង្គ្រាមប្រឆាំងអ៉ីរ៉ង់។ លោកក៏អះអាងដែរថា ពួកហ៊ូធីនឹងឆ្លើយតបរាល់វិធានការអយុត្តិធម៌ប្រឆាំងយេម៉ែន។
ពួកហ៊ូធីស្និទ្ធអ៉ីរ៉ង់ដែលត្រួតត្រាផ្លែកមួយធំរបស់ប្រទេស ធ្លាប់វាយប្រហារប្រឆាំងអ៉ីស្រាអែលជាច្រើនលើក និងបណ្ដានាវាពាណិជ្ជកម្មក្នុងសមុទ្រក្រហម ក្នុងសង្គ្រាមរវាងអ៉ីស្រាអែល និងក្រុមហាម៉ាស់ប៉ាឡេស្ទីននៅជ្រោយហ្គាហ្សា រវាងឆ្នាំ២០២៣និង២០២៥។ ការបាញ់មីស៊ីល និងការប្រើដ្រូនបាននាំឲ្យមានការស្ទះដល់ការធ្វើនាវាចរណ៍តាមផ្លូវសមុទ្រយុទ្ធសាស្ត្រនោះ ដែលបច្ចុប្បន្នប្រើប្រាស់ជាពិសេស ដោយអារ៉ាប៊ីសាអូឌីត សម្រាប់ដឹកប្រេងចេញដោយមិនចាំបាច់ឆ្លងកាត់ច្រក
សមុទ្រហ័រមូស ជាច្រកដែលអ៉ីរ៉ង់កំពុងបិទខ្ទប់។
ពួកហ៊ូធីមកទល់ពេលនេះ នៅមិនទាន់ហក់ចូលក្នុងការប្រទូស្តរ៉ាយនៅឡើយ តែប្រមុខក្រុមឧទ្ទាមដ៏ខ្លាំងនោះធ្លាប់បានគំរាមថា ពួកគេនឹងហក់ចូលធ្វើអន្តរាគមន៍យោធាដោយមិនមានពេលកំណត់ប្រសិនបើសង្គ្រាមទាមទារ ៕
ចែករំលែកព័តមាននេះ