សង្គ្រាមអ៉ីរ៉ង់់ ៖ អ៉ីរ៉ង់អះអាង នាថ្ងៃទី២៩ មីនា ថា បានវាយប្រហារទីតាំងរំលាយអាលុយមីនីញ៉ូមសំខាន់បំផុតនៃពិភពលោកនៅប្រទេសបារ៉ែន និងអេមីរ៉ាត់អារ៉ាប់រួម ដែលបែបនេះនាំឲ្យមានការភ័យខ្លាចពីការស្ទះដ៏ចម្បងសម្រាប់សេដ្ឋកិច្ចពិភពក្រោយ១ខែនៃសង្គ្រាមនៅមជ្ឈឹមបូព៌ា ។…
សង្គ្រាមអ៉ីរ៉ង់់ ៖ អ៉ីរ៉ង់អះអាង នាថ្ងៃទី២៩ មីនា ថា បានវាយប្រហារទីតាំងរំលាយអាលុយមីនីញ៉ូមសំខាន់បំផុតនៃពិភពលោកនៅប្រទេសបារ៉ែន និងអេមីរ៉ាត់អារ៉ាប់រួម ដែលបែបនេះនាំឲ្យមានការភ័យខ្លាចពីការស្ទះដ៏ចម្បងសម្រាប់សេដ្ឋកិច្ចពិភពក្រោយ១ខែនៃសង្គ្រាមនៅមជ្ឈឹមបូព៌ា ។
អ៉ីស្រាអែល និងអ៉ីរ៉ង់បន្តវាយប្រហារគ្នាទៅវិញទៅមក កាលពីថ្ងៃទី២៩ មីនា ហើយប្រទេសជាច្រើននៅតំបន់់ឈូងសមុទ្រពែរ្ស៍ រៀបរាប់ពីការវាយប្រហារថ្មីៗរបស់អ៉ីរ៉ង់ប្រឆាំងដែនដីពួកគេ។ កងឆ្មាំបដិវត្តន៍អ៉ីរ៉ង់អះអាងតាមវិទ្យុ-ទូរទស្សន៍រដ្ឋថា ការវាយប្រហារដោយមីស៊ីល និងដ្រូនទាំងឡាយកាលពីថ្ងៃទី២៨ មីនា បណ្ដាលឲ្យខូចខាតរោងចក្រអាលុយមីនីញ៉ូមធំ២នៅបារ៉ែន និងនៅអេមីរ៉ាត់អារ៉ាប់រួម។
រោងចក្ររំលាយអាលុយមីនីញ៉ូមALBA ជារោងចក្រធំបំផុតមួយ ក្នុងចំណោមរោងចក្រធំៗនៃពិភពលោក ធ្លាប់ប្រកាសរួចហើយកាលពីថ្ងៃទី១៥ មីនា ពីការបិទ១៩% នៃសមត្ថភាពផលិតកម្មរបស់ខ្លួន ប្រឈមមុខនឹងការស្ទះការផ្គត់ផ្គង់ ដោយសារការបិទច្រកសមុទ្រហ័រមូសដោយអ៉ីរ៉ង់។ រោងចក្រនោះអះអាង កាលពីថ្ងៃទី២៩មីនាថា និយោជិតរបស់ខ្លួន២នាក់រងរបួសស្រាល ក្នុងការវាយប្រហាររបស់អ៉ីរ៉ង់ និងថា កំពុងតែវាយតម្លៃលើទំហំនៃការខូចខាតក្នុងរោងចក្រខ្លួន។
រួចកាលពីថ្ងៃទី២៨ មីនា ក្រុមហ៊ុន EGA ប្រកាសថា រោងចក្ររបស់ខ្លួនៅក្រុងអាប៊ូដាប៊ី ជារោងចក្រមួយក្នុងចំណោមរោងចក្រ២របស់ខ្លួន នៅអេមីរ៉ាត់អារ៉ាប់រួម រងការខូចខាតធ្ងន់ធ្ងរ ក្នុងឱកាសនៃការវាយប្រហារបណ្ដាលឲ្យមនុស្ស៦នាក់រងរបួស។ កងឆ្មាំបដិវត្តន៍អ៉ីរ៉ង់និយាយថាសហគ្រាសទាំងនោះ បង្កើតឡើងដោយសារការបោះទុនវិនិយោគនិងការចូលរួមរបស់ក្រុមហ៊ុនអាមេរិក ដើរតួនាទីសំខាន់ក្នុងការផ្គត់ផ្គង់ឧស្សាហកម្មយោធា របស់កងទ័ពអាមេរិក។ ការវាយប្រហារនោះជាការវាយប្រហារសងសឹក ចំពោះការវាយប្រហាររបស់អាមេរិក និងអ៉ីស្រាអែលប្រឆាំងហេដ្ឋារច នា សម្ព័ន្ធឧស្សាហកម្មនៅអ៉ីរ៉ង់ ។
កងឆ្មាំបដិវត្តន៍ក៏គំរាមផងដែរវាយប្រហារប្រឆាំងបណ្ដាសាកលវិទ្យាល័យនៅមជ្ឈឹមបូព៌ា ជាការសងសឹកចំពោះការវាយប្រហារធ្វើឲ្យខូចខាតសាកលវិទ្យាល័យ២នៅអ៉ីរ៉ង់។ ការបាញ់មីស៊ីលនិងការបញ្ជូនដ្រូននៅបន្តកាលពីថ្ងៃទី២៩មីនាក្នុងតំបន់ទាំងមូល។ នៅក្រុងតេហេរ៉ង់លាន់ឮស្នូរផ្ទុះខ្លាំងៗនាថ្ងៃទី២៨មីនានៅភាគខាងជើងក្រុងនោះ ។
នៅអ៉ីស្រាអែលដូចជាយប់មុនៗដែរ កងទ័ពរៀបរាប់ពីបណ្ដាមីស៊ីលអ៉ីរ៉ង់ កំពុងហោះសំដៅដែនដីខ្លួន និងស្នើដល់ប្រជនឲ្យស្ថិតក្នុងទីជម្រក។ រោងចក្រចម្រាញ់ប្រេងកាតសំខាន់មួយរបស់អ៉ីស្រា
អែលនៅក្រុងរ៉ាហ្វាហ៍រងការវាយប្រហាររបស់អ៉ីរ៉ង់ បណ្ដាលឲ្យមានភ្លើងឆាបឆេះ។ គុយវ៉ែតនិង
អេមីរ៉ាត់អារ៉ាប់រួមក៏រាយការណ៍ដែរពីការវាយប្រហារដោយដ្រូននិងមីស៊ីល នាព្រឹកព្រលឹមថ្ងៃទី២៩មីនា។
ចំណែកអាមេរិកវិញកំពុងរៀបចំ ប្រតិបត្តិការតាមជើងគោកនៅអ៉ីរ៉ង់។ តាមកាសែតវ៉ាស៊ីនតោនប៉ុស្តិ៍ថា មន្ទីរប៉ង់តាហ្គោនបានរៀបចំប្រតិបត្តិការ វាយប្រហារតាមជើងគោក ពេលដែលអាមេរិកកំពុងតែពង្រឹងវត្តមានយោធារបស់ខ្លួននៅមជ្ឈឹមបូព៌ា ។ បណ្ដាសារព័ត៌មានអាមេរិករាយការណ៍រយៈពេលប៉ុន្មានសប្ដាហ៍ចុងក្រោយនេះថា ប្រធានាធិបតីមានបំណងបញ្ជូននាពេលខាងមុខនេះ នូវទាហានយ៉ាងតិច១០.០០០នាក់មកកាន់មជ្ឈឹមបូព៌ា ៕
ចែករំលែកព័តមាននេះ