សហគមន៍ខ្មែរនៅបារាំងរៀបចំបវរកញ្ញាកម្ពុជាប្រចាំប្រទេសបារាំង
សហគមន៍ខ្មែរនៅបារាំង បានរៀបចំកម្មវិធីប្រឡងជ្រើសរើសបវរកញ្ញាកម្ពុជាប្រចាំប្រទេសបារាំង (Miss Cambodge en France) នៅសាលមហោស្រព Pavillon Baltard ។…
សហគមន៍ខ្មែរនៅបារាំង បានរៀបចំកម្មវិធីប្រឡងជ្រើសរើសបវរកញ្ញាកម្ពុជាប្រចាំប្រទេសបារាំង (Miss Cambodge en France) នៅសាលមហោស្រព Pavillon Baltard ។
នេះបើតាមលោក លុយ ដាវីត ឯកអគ្គរាជទូតកម្ពុជាប្រចាំនៅបារាំង បានអះអាងថា កាលពីថ្ងៃទី២៨ ខែមីនា ឆ្នាំ២០២៦ ។
លោកបានអះអាងថា លើសពីការប្រកួតសម្រស់ កម្មវិធីនេះ គឺជាការរំលេចនូវសេចក្តីថ្លៃថ្នូរនៃភាពជាខ្មែរ និងជាព្រឹត្តិការណ៍ផ្សព្វផ្សាយវប្បធម៌ដ៏វិសេសវិសាល ដែលឆ្លុះបញ្ចាំងពីភាពស្វាហាប់ និងរស់រវើកនៃសហគមន៍ខ្មែរនៅលើទឹកដីបារាំង ។
លោកបានបន្តថា តាមរយៈទេពកោសល្យ និងការប្តេជ្ញាចិត្តខ្ពស់ យុវតីទាំងនេះដែលជាទូតសុឆន្ទៈដ៏ពិតប្រាកដនៃមរតកវប្បធម៌ខ្មែរដើរតួជា«ស្ពានសូត្រ» តភ្ជាប់ទំនាក់ទំនងរវាងកម្ពុជា និងបារាំង ។
យុវតីទាំងនេះ គឺជាយុវនារី ដែលមានគ្រឹះវប្បធម៌ពីរ រួមបញ្ចូលគ្នានូវភាពទំនើប និងការផ្សារភ្ជាប់យ៉ាងជិតស្និទ្ធទៅនឹងអត្តសញ្ញាណដើម ដោយលើកស្ទួយកិត្យានុភាពនៃប្រទេសកម្ពុជាជាប្រទេសប្រកបដោយភាពធន់ និងមានចក្ខុវិស័យវែងឆ្ងាយឆ្ពោះទៅកាន់អនាគត ។
លោកបានបន្ថែមថា ស្មារតីនៃការចែករំលែក និងកិច្ចសន្ទនាអន្តរវប្បធម៌នេះបង្កប់នូវអត្ថន័យជ្រាលជ្រៅសម្រាប់ឆ្នាំ២០២៦នេះ ។ នៅខែវិច្ឆិកាខាងមុខ រាជធានីភ្នំពេញ នឹងធ្វើជាម្ចាស់ផ្ទះរៀបចំ«កិច្ចប្រជុំកំពូលហ្វ្រង់កូហ្វូនីលើកទី២០» ដែលនេះសបញ្ជាក់ពីតួនាទីស្នូលរបស់កម្ពុជា ក្នុងមជ្ឈដ្ឋានហ្វ្រង់កូហ្វូន ក៏ដូចជា ការប្តេជ្ញាយ៉ាងមុតមាំរបស់ខ្លួនចំពោះពហុភាគីនិយម និងការលើកកម្ពស់បេតិកភណ្ឌរួមរបស់យើង ។
ស្ថានឯកអគ្គរាជទូតកម្ពុជាប្រចាំប្រទេសបារាំង វាយតម្លៃខ្ពស់ចំពោះការរៀបចំព្រឹត្តិការណ៍វប្បធម៌នេះ និងសូមបញ្ជាក់ជាថ្មីនូវឆន្ទៈក្នុងការគាំទ្ររាល់គំនិតផ្ដួចផ្ដើម ដែលលើកស្ទួយវប្បធម៌ខ្មែរ និងឧត្តមភាពនៃសហគមន៍ខ្មែរនៅប្រទេសបារាំង ៕
ចែករំលែកព័តមាននេះ