រាជធានីភ្នំពេញ ៖ សាឡង់ដឹកខ្សាច់មួយគ្រឿងត្រូវបានខ្សែទឹកហូរបុកបោកខ្ទប់ក្រឡាប់ជាប់នឹងសសរស្ពានបេឡេ បណ្តាលអោយរងការខូចខាតហើយត្រូវបានមន្ទីរសាធារណៈប្រកាសផ្អាកចរាចរណ៍ជាបណ្តោះអាសន្ត។ ហេតុការណ៍គ្រោះថ្នាក់នោះបង្កអោយមានការភ្ញាក់ផ្អើល កាលពីវេលាម៉ោង៤និង៥០នាទីរសៀល ថ្ងៃទី២០ ខែវិច្ឆិកា ឆ្នាំ២០២២។ស្ពានបេឡេ ត្រូវគេដឹងថា…
រាជធានីភ្នំពេញ ៖ សាឡង់ដឹកខ្សាច់មួយគ្រឿងត្រូវបានខ្សែទឹកហូរបុកបោកខ្ទប់ក្រឡាប់ជាប់នឹងសសរស្ពានបេឡេ បណ្តាលអោយរងការខូចខាតហើយត្រូវបានមន្ទីរសាធារណៈប្រកាសផ្អាកចរាចរណ៍ជាបណ្តោះអាសន្ត។
ហេតុការណ៍គ្រោះថ្នាក់នោះបង្កអោយមានការភ្ញាក់ផ្អើល កាលពីវេលាម៉ោង៤និង៥០នាទីរសៀល ថ្ងៃទី២០ ខែវិច្ឆិកា ឆ្នាំ២០២២។ស្ពានបេឡេ ត្រូវគេដឹងថា ជាស្ពានដែកឆ្លងទន្លេសាបពីឬស្សីកែវទៅខណ្ឌជ្រោយចង្វារ រាជធានីភ្នំពេញ។
តាមព័ត៌មានពីក្រុមវិស្វករសាងសង់ស្ពាននៅក្បែរកន្លែងកើតហេតុបានឲ្យដឹងថា មុនពេលកើតហេតុគេឃើញសាឡង់ដឹកខ្សាច់មួយគ្រឿង ដែលមានប្រវែងប្រមាណជាង៤០ម៉ែត្រ និងមានទទឹងប្រមាណ១០ម៉ែត្របានដឹកខ្សាច់ពេញបានធ្វើដំណើរបញ្ច្រាស់ទឹកហូរក្នុងទិសដៅពីត្បូងទៅជើង ដើម្បីយកទៅដាក់នៅដេប៉ូគីឡូម៉ែត្រលេខ១០។
នៅពេលធ្វើដំណើរឆ្លងកាត់ក្រោមស្ពានបេឡេ ក៏បានទឹកហូរបុកខ្លាំង ជាហេតុធ្វើអោយសាឡង់បើកឡើងទឹកហូរមិនរួចហើយ អ្នកបើកបរខំតម្លើងរោរ្តិ៍ម៉ាស៊ីហ៊ុយផ្សែងនៅតែមិនរួចថយក្រោយបន្តិចម្តងៗហើយផ្នែកខាងក្រោយប៉ះសសរស្ពានហើយរ៉េក្បាលបោកខ្ទប់នឹងសសរស្ពានម្ខាងទៀតនៅទទឹងហើយក្រឡាប់ចាក់ខ្សាច់ចោលតែម្តង។ទោះបីជាយ៉ាងណា មនុស្សនៅលើសាឡង់ចំនួន៣នាក់ ពុំបណ្តាលអោយរងគ្រោះថ្នាក់ឡើយ។
ភ្លាមៗមន្ត្រីជំនាញព្រមក្រុមហ៊ុនOCIC ដែលជាម្ចាស់ស្ពានក៏បានចុះទៅកន្លែងកើតហេតុ និងបានសម្រេចបិទចរាចរណ៍ស្ពានបេឡេជាបណ្តោះអាសន្ន។ទោះបីជាយ៉ាងណា គេពុំបានដឹងពីទំហំនៃការខូចខាតនោះទេ។
តាមព័ត៌មានអោយដឹងថា រហូតមកដល់រសៀលថ្ងៃទី២១ ខែវិឆ្ឆិកានេះ សាឡង់បានកាំងជាប់នឹងសសរស្ពាននៅឡើយ ដោយមិនអាចយកចេញបានឡើយ ព្រោះទឹកហូរបុកខ្លាំង។
លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញបានឱ្យកោះសន្តិភាពដឹងថា ស្ពានបេឡេឆ្លងទន្លេសាបតភ្ជាប់ពីក្រុងរណបជ្រោយចង្វារមកកាន់ផ្លូវជាតិលេខ៥ នៅល្ងាចថ្ងៃទី២០ ខែវិច្ឆិកា ឆ្នាំ២០២២នេះ មានស្រឡង់ដឹកខ្សាច់មួយគ្រឿងបានបើកបុកបណ្តាលឱ្យលិចសាឡង់ និងកំពិតជាប់ជាមួយសសរស្ពានតែម្តង។ លោកបន្តទៀតថា ពេលនេះស្ពានបេឡត្រូវបានបិទជាបណ្តោះអាសន្ន តែនៅមិនទាន់ដឹងច្បាស់ថា ត្រូវបិទរយៈពេលប៉ុន្មានថ្ងៃនោះទេ ដោយរងចាំការវា.យតម្លៃពីមន្ត្រីជំនាញពិនិត្យ និងសិក្សាសិន៕
ចែករំលែកព័តមាននេះ