ខេត្តបាត់ដំបង ៖ ក្រុមជនវង្វេងផ្ទះពេលយប់ប្រមាណ១៧នាក់ ដែលពួនសំងំនៅតាមបណ្ដាសួនច្បារនានាក្នុងក្រុងបាត់ដំបង ត្រូវបានកម្លាំងបង្កបង្ក្រាបនៃស្នងការខេត្តចុះល្បាតប្រមូលបានរយៈពេល៥ម៉ោង ដោយគិតចាប់ពីម៉ោង១រំលងអធ្រាត្រ រហូតដល់ម៉ោង៥ព្រឹកថ្ងៃទី១៦ មីនា នាំទៅកាន់ស្នងការខេត្ត ដើម្បីសួរនាំ…
ខេត្តបាត់ដំបង ៖ ក្រុមជនវង្វេងផ្ទះពេលយប់ប្រមាណ១៧នាក់ ដែលពួនសំងំនៅតាមបណ្ដាសួនច្បារនានាក្នុងក្រុងបាត់ដំបង ត្រូវបានកម្លាំងបង្កបង្ក្រាបនៃស្នងការខេត្តចុះល្បាតប្រមូលបានរយៈពេល៥ម៉ោង ដោយគិតចាប់ពីម៉ោង១រំលងអធ្រាត្រ រហូតដល់ម៉ោង៥ព្រឹកថ្ងៃទី១៦ មីនា នាំទៅកាន់ស្នងការខេត្ត ដើម្បីសួរនាំ ។
ស្នងការរងទទូលផែនព្រហ្មទណ្ឌ លោក ឈឿង គឹមសុង បាននិយាយថា ក្រុមជនវង្វេងផ្ទះទាំងនេះ ភាគច្រើបានត្រូវបានរកឃើញថា មានប្រើប្រាស់ថ្នាំញៀន និងមួយចំនួនទៀតបន្លំខ្លួនធ្វើជាអ្នកជិះកង់ដើររើសអេតចាយពេលយប់ តែវាជាមុខសញ្ញាប្រព្រឹត្តអំពើ«ចោរកម្ម» ។
លោកស្នងការរងបានបញ្ជាក់ថា ក្រុមនេះ តែពួនសំងំនៅតាមសួរនច្បារ ប្រើប្រាស់ថ្នាំញៀន ។ ជាក់ស្ដែង ក្រុមវង្វេងផ្ទះទាំង១៧នាក់ ដែលកម្លាំងរបស់លោកឃាត់ខ្លួនយកមកសាកសួរនេះ គឺយើងធ្វើតេស្ដទឹកនោម យើងរកឃើញមានចំនួន១៦នាក់ មានសារធាតុញៀន ។ នេះមិនមែនជាលើកដំបូងទេ ដែលកម្លាំងសមត្ថកិច្ចចុះបង្ក្រាប និងប្រមូលក្រុមវង្វេងផ្ទះពេលយប់នាំយកមកសួរនាំ ហើយរកឃើញថា ពួកគេមានប្រើប្រាស់ថ្នាំញៀន។ ក្រុមអ្នកដើរលេងវង្វេងផ្ទះពេលយប់នេះ មានសមាសសភាពគ្រប់បែបយ៉ាង ក្នុងនោះមានមុខសញ្ញាប្រើប្រាស់ថ្នាំញៀន មុខសញ្ញាជូញដូរថ្នាំញៀន និងមុខសញ្ញាប្រព្រឹត្តអំពើ«ចោរកម្ម»ទៀតផង ។
យ៉ាងណាក្ដី ចំពោះជនវង្វេងផ្ទះទាំងនេះ បើតាមលោកឈឿង គឹមសុង បានបញ្ជាក់ថា ដោយយោងលើគោលការណ៍លោកស្នងការខេត្ត ជនដែលរកឃើញមានសារធាតុញៀន ត្រូវបានបញ្ជូនទៅកាន់ការិយាលប្រឆាំងបទល្មើសគ្រឿងញៀនចាត់ការបន្ត ។ រីឯជនណាដែលជាប់ពាក់ព័ន្ធនិងបទល្មើសព្រហ្មទណ្ឌត្រូវកសាងសំណុំរឿងប្ជូ្នទៅតុលាការ ដោយឡែក ជនដែលពុំមានបទល្មើស ត្រូវអញ្ជើញអាណាព្យាបាលមកធានាកូនយកត្រឡប់ទៅផ្ទះវិញ ក្រោយពេលធ្វើកិច្ចសន្យាប្រព្រឹត្តអំពើពាលាអាវ៉ាសែដើរវង្វេងផ្ទះពេលយប់ ៕
ចែករំលែកព័តមាននេះ