ខេត្តកំពង់ស្ពឺ ៖ អគ្គនាយកដ្ឋានពន្ធនាគារ បានរៀបចំកិច្ចប្រតិបត្តិការផ្ទេរជនជាប់ឃុំជាស្ត្រីចំនួន ៥៦នាក់ ពីពន្ធនាគារខេត្តកំពង់ស្ពឺ ឆ្ពោះទៅកាន់មណ្ឌលអប់រំកែប្រែទី២ (ម២) ដើម្បីកាត់បន្ថយភាពចង្អៀតណែនក្នុងពន្ធនាគារ និងបង្កើនប្រសិទ្ធភាពនៃការគ្រប់គ្រង…
ខេត្តកំពង់ស្ពឺ ៖ អគ្គនាយកដ្ឋានពន្ធនាគារ បានរៀបចំកិច្ចប្រតិបត្តិការផ្ទេរជនជាប់ឃុំជាស្ត្រីចំនួន ៥៦នាក់ ពីពន្ធនាគារខេត្តកំពង់ស្ពឺ ឆ្ពោះទៅកាន់មណ្ឌលអប់រំកែប្រែទី២ (ម២) ដើម្បីកាត់បន្ថយភាពចង្អៀតណែនក្នុងពន្ធនាគារ និងបង្កើនប្រសិទ្ធភាពនៃការគ្រប់គ្រង ។
ជាក់ស្តែងអគ្គនាយកដ្ឋានពន្ធនាគារ បានប្រកាសនាព្រឹកថ្ងៃទី២៣ ខែមេសា ឆ្នាំ២០២៦ ថា ៖ ទណ្ឌិតស្ត្រីចំនួន៥៦នាក់ ត្រូវបានផ្ទេរពីពន្ធនាគារខេត្តកំពង់ស្ពឺ ទៅកាន់មណ្ឌលអប់រំកែប្រែទី២ ដើម្បីរំដោះភាពចង្អៀតណែន ។
អគ្គនាយកដ្ឋានពន្ធនាគារ បានបន្តថា ដោយបានការអនុញ្ញាតជាគោលការណ៍ដ៏ខ្ពង់ខ្ពស់ពី ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រី្តក្រសួងមហាផ្ទៃ អគ្គនាយកដ្ឋានពន្ធនាគារ សហការជាមួយអគ្គស្នងការដ្ឋាននគរបាលជាតិ រួមគ្នាជាមួយនឹងអាជ្ញាធរខេត្ត ស្នងការដ្ឋាន សមត្ថកិច្ចពាក់ព័ន្ធគ្រប់ជាន់ថ្នាក់របស់ ខេត្តកំពង់ស្ពឺ ខេត្តកណ្តាល និងរាជធានីភ្នំពេញ បានធ្វើការផ្ទេរ និងដឹកជញ្ជូនជនជាប់ឃុំជាស្ត្រី ចំនួន៥៦នាក់ ពីពន្ធនាគារខេត្តកំពង់ស្ពឺ ដែលមានភាពចង្អៀតណែន ទៅឃុំបន្តនៅមណ្ឌលអប់រំកែប្រែទី២ ដើម្បីរំដោះភាពចង្អៀតណែន ។
ក្រោមការចុះអនុវត្តន៍បញ្ជាផ្ទាល់ដោយ លោកវរអគ្គានុរក្ស.១ សោម បញ្ញា ប្រធានការិយាល័យសន្តិសុខ និង អន្តរាគមន៍ តំណាងលោកប្រធាននាយកដ្ឋានសន្តិសុខពន្ធនាគារ នៃអគ្គនាយកដ្ឋានពន្ធនាគារ ប្រកបដោយសុវត្ថិភាព ៕
ចែករំលែកព័តមាននេះ