ខេត្តរតនគិរី ៖ បុរសម្នាក់ដែលបាត់ខ្លួនក្នុងឧបទ្ទវហេតុលិចទូកដរចម្លងនៅចំណុចភូមិ៥ ឃុំត្រពាំងច្រេសស្រុកកូនមុំ ខេត្តរតនគិរី ពេលនេះ ត្រូវសមត្ថកិច្ចបានរកឃើញសា.ក.ស.ពហើយអណ្ដែតទឹកមកទើរនៅចំណុចអូរសូរភូមិក្បាលរមាស ឃុំក្បាលរមាស ស្រុកសេសាន ខេត្តស្ទឹងត្រែង…
ខេត្តរតនគិរី ៖ បុរសម្នាក់ដែលបាត់ខ្លួនក្នុងឧបទ្ទវហេតុលិចទូកដរចម្លងនៅចំណុចភូមិ៥ ឃុំត្រពាំងច្រេសស្រុកកូនមុំ ខេត្តរតនគិរី ពេលនេះ ត្រូវសមត្ថកិច្ចបានរកឃើញសា.ក.ស.ពហើយអណ្ដែតទឹកមកទើរនៅចំណុចអូរសូរភូមិក្បាលរមាស ឃុំក្បាលរមាស ស្រុកសេសាន ខេត្តស្ទឹងត្រែង ថ្ងៃទី១២ខែសីហា ។ សូមរំលឹកថា៖ ញាក់សាច់! ទូកដរកំពុងតែចម្លង ស្រាប់តែទឹកកួចលិចមនុស្ស១២នាក់ និងម៉ូតូ៤គ្រឿង
ប្រភពឱ្យដឹងថា សា.ក.ស.ពដែលប្រទះឃើញមានឈ្មោះ ជី សឿង ភេទប្រុស អាយុ៤៧ឆ្នាំ ជនជាតិ ខ្មែរ មុខរបរ កសិករ មានទីលំនៅ ភូមិ០៥ ឃុំត្រពាំងច្រេស ស្រុកកូនមុំ ខេត្តរតនគិរី។
ប្រភពពីសមត្ថកិច្ចថា ក្រោយពីប្រទះឃើញសា.ក.ស.ពភ្លាម កម្លាំងនគរបាលប៉ុស្តិ៍ឃុំក្បាលរមាសសហការជាមួយកម្លាំងប្រជាការពារភូមិ ក្របីជ្រុំ ស្រុកសេសាន ខេត្តស្ទឹងត្រែង និងកម្លាំងអធិការនគរ បាលស្រុកកូនមុំ ខេត្តរតនគិរី បានចុះទៅកាន់កន្លែងប្រទះឃើញសពនោះ ហើយបានធ្វើការស្រង់សាកសពធ្វើកំណត់ហេតុប្រគល់ឱ្យសាច់ ញាតិយកទៅធ្វើបុណ្យតាប្រពៃណី។
សូមរំលឹកថា ក្នុងហេតុការណ៍គ្រោះថ្នាក់ខាងលើ គឺកើតឡើងកាលពីថ្ងៃទី១០ សីហា កន្លងមក ដោយទូកដរចម្លងមួយគ្រឿងកំពុងឆ្លងកាត់ទន្លេស្រែពកចំណុចកំពង់ចម្លងឈ្មោះ ភោគ បូរិទ្ធ ហើយមានដឹកផ្ទុកមនុស្សមនុស្សចំនួន១២នាក់ស្រី ៦ នាក់និងម៉ូតូ៤គ្រឿង ត្រូវបានទឹកកួចលិច ដែលការបើកបរទូកដរឆ្លងនោះ បានប៉ះចំកន្លែងដែលទឹកកំពុងឡើង ហើយកួចខ្លាំងលិចតែម្តង។
ក្នុងហេតុការណ៍នោះដែរ ក៏មានអ្នកភូមិបាននាំគ្នាបើកទូកជាច្រើនទៀតមកជួយសង្គ្រោះទាន់ពេលជួយបានតែមនុស្ស១១នាក់ ឯម្នាក់ទៀតបានបាត់ខ្លួន និងរួមទាំងម៉ូតូ៤គ្រឿងផងដែររួមមាន៖ម៉ូតូម៉ាក ហុងដាទ្រីម ០២ គ្រឿងនិងម៉ូតូ ម៉ាក វេវ ឆ្លាម ០២ គ្រឿង បានលិចចូលទៅក្នុងទន្លេបាត់។
ចែករំលែកព័តមាននេះ