រាជធានីភ្នំពេញ ៖ បុរស២នាក់ជិះម៉ូតូធុនធំមួយគ្រឿងគេចម៉ូតូកង់បីមួយគ្រឿង បណ្តាលឲ្យដួលអូសម៉ូតូជាច្រើនម៉ែត្រ បង្កជាផ្កាភ្លើងឆាបឆេះម៉ូតូសន្ធោសន្ធៅផ្អើលពលរដ្ឋជាបាញ់ទឹកពន្លត់ កាលពីវេលាម៉ោង១និង៤០នាទីរំលងអាធ្រាត្រឈានចូលថ្ងៃទី១៩ខែធ្នូឆ្នាំ២០២៥ ទល់មុខក្រសួងអប់រំយុវជននិងកីឡា ផ្លូវព្រះនរោត្ដម សង្កាត់ចតុមុខ ខណ្ឌដូនពេញ…
រាជធានីភ្នំពេញ ៖ បុរស២នាក់ជិះម៉ូតូធុនធំមួយគ្រឿងគេចម៉ូតូកង់បីមួយគ្រឿង បណ្តាលឲ្យដួលអូសម៉ូតូជាច្រើនម៉ែត្រ បង្កជាផ្កាភ្លើងឆាបឆេះម៉ូតូសន្ធោសន្ធៅផ្អើលពលរដ្ឋជាបាញ់ទឹកពន្លត់ កាលពីវេលាម៉ោង១និង៤០នាទីរំលងអាធ្រាត្រឈានចូលថ្ងៃទី១៩ខែធ្នូឆ្នាំ២០២៥ ទល់មុខក្រសួងអប់រំយុវជននិងកីឡា ផ្លូវព្រះនរោត្ដម សង្កាត់ចតុមុខ ខណ្ឌដូនពេញ រាជធានីភ្នំពេញ។
តាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរស២នាក់ ជិះម៉ូតូធន់ធំមួយគ្រឿងម៉ាក HONDA CB 400 ពណ៌ខ្មៅ ធ្វើដំណើរតាមបណ្ដោយផ្លូវ ព្រះនរោត្តម ទិសដៅពីជើងទៅត្បូងក្នុងល្បឿនលឿន លុះមកដល់ចំណុចកើតហេតុ ដែលជាផ្លូវបំបែកជាបួន ក៍គេចនិងម៉ូតូកង់បីឥណ្ឌាមួយគ្រឿងជិះឆ្លងផ្លូវធ្វើអោយម៉ូតូដួលអូសជាច្រើនម៉ែត្រ បង្កជាការឆាបឆេះសន្ធោសន្ធៅ ផ្អើលពលរដ្ឋរស់ក្បែរនោះនាំគ្នាទាញទុយយោទឹកមកបាញ់ពន្លត់មួយសន្ទុះទើបធ្វើអោយភ្លើងរលត់ទៅវិញផងដែរ ។
ករណីនេះផងដែរ អ្នកជិះម៉ូតូទាំង២នាក់រងរបួសរលាត់ដៃជើងតិចតួច ចំណែកម៉ូតូខូចខាតប្រហែល៥០ភាគរយ ត្រូវម្ចាស់យកទៅជួសជុលដោយខ្លួនឯង ៕
ចែករំលែកព័តមាននេះ