ខេត្តរតនគិរី ៖ ទូកដរចម្លងអ្នកដំណើរមួយគ្រឿងបានលិចបាត់ ខណៈកំពុងតែមានផ្ទុកមនុស្សនិងម៉ូតូផង សំណាងល្អត្រូវបានជួយសង្គ្រោះទាន់ពេល ប៉ុន្តែមានមនុស្សម្នាក់កំពុងបាត់ខ្លួន ។ ហេតុ ការណ៍ទូកដរលិចនោះ បានកើតឡើងកាលពីវេលាម៉ោងប្រមាណ៧,១៥នាទីព្រឹកថ្ងៃទី១០…
ខេត្តរតនគិរី ៖ ទូកដរចម្លងអ្នកដំណើរមួយគ្រឿងបានលិចបាត់ ខណៈកំពុងតែមានផ្ទុកមនុស្សនិងម៉ូតូផង សំណាងល្អត្រូវបានជួយសង្គ្រោះទាន់ពេល ប៉ុន្តែមានមនុស្សម្នាក់កំពុងបាត់ខ្លួន ។ ហេតុ ការណ៍ទូកដរលិចនោះ បានកើតឡើងកាលពីវេលាម៉ោងប្រមាណ៧,១៥នាទីព្រឹកថ្ងៃទី១០ ខែសីហា ឆ្នាំ២០២២ ស្ថិតត្រង់ចំណុចកំពុងចម្លងឈ្មោះ ភោគ បូរិទ្ធ ស្ថិតនៅ ភូមិ០៥ ឃុំត្រពាំង ច្រេស ស្រុកកូនមុំ ខេត្តរតនគិរី ។
កងរាជអាវុធហត្ថមូលដ្ឋានស្រុកកូនមុំបានឱ្យដឹងថា ករណីលិចទូកចម្លងដរនោះមានផ្ទុកមនុស្សចំនួន១២នាក់ និងម៉ូតូចំនួន០៤គ្រឿង ហើយបានលិចបាត់ចូលក្នុងទឹកបាត់តែម្តង ។ ខណៈនោះដែរ មនុស្សចំនួន១១នាក់ បានជួយសង្គ្រោះទាន់ពេល និងបាត់ខ្លួនម្នាក់ឈ្មោះជី សឿង ភេទប្រុស អាយុ៤២ឆ្នាំ ជាកសិករ មានទីលំនៅបច្ចុប្បន្ន ភូមិ០៥ ឃុំត្រពាំងច្រេស ស្រុកកូនមុំ ខេត្តរតនគិរី។
សម្រាប់សម្ភារមួយចំនួនត្រូវបានបាត់បង់រួមមានម៉ូតូ០៤គ្រឿង, ម៉ូតូម៉ាកហុងដាឌ្រីម០២គ្រឿង,.ម៉ូតូវេវ២គ្រឿង ។
ប្រភពបន្តទៀតថា ទូកដរចម្លងលិចនោះ មូលហេតុគឺបណ្តាលមកពីទឹកឡើងខ្លាំង ហើយមានទឹកកួចផង ឯទូកទំហំតូចដឹកលើសចំណុះទៀត ។ បច្ចុប្បន្ន កំពុងតាមរកមនុស្សម្នាក់ដែលកំពុងបាត់ខ្លួន ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ