អបអរសាទរ! ក្រុមកីឡាបាល់ទះអង្គុយបុរសកម្ពុជា ឈ្នះមេដាយមាសហើយ
- ភ្នំពេញ
ឥណ្ឌូណេសុី ៖ ក្រុមកីឡាបាល់ទះអង្គុយកម្ពុជា ដណ្តើមបានមេដាយមាសហើយ ក្រោយឈ្នះថៃ ដោយ
ឥណ្ឌូណេសុី ៖ ក្រុមកីឡាបាល់ទះអង្គុយកម្ពុជា ដណ្តើមបានមេដាយមាសហើយ ក្រោយឈ្នះថៃ ដោយ
ឥណ្ឌូណេសុី ៖ ក្រុមកីឡាបាល់ទះអង្គុយកម្ពុជា ដណ្តើមបានមេដាយមាសហើយ ក្រោយឈ្នះថៃ ដោយលទ្ធផល ៣-១ សិត នៅក្នុងវគ្គផ្ដាច់ព្រ័ត្រព្រឹត្តិការណ៍អាស៊ានប៉ារ៉ាហ្គេមលើកទី១១ ឆ្នាំ២០២២ នាទីក្រុងសូឡូ ប្រទេសឥណ្ឌូណេស៊ី កាលពីថ្ងៃទី៤ ខែសីហា ។ គួររំលឹកថា ក្រុមបាល់ទះអង្គុយជនពិការកម្ពុជាត្រៀមប៉ះថៃនៅវគ្គផ្ដាច់ព្រ័ត្រដណ្ដើមមេដាយមាស
ក្រុមកីឡាបាល់ទះអង្គុយបុរសកម្ពុជាពិតជាធ្វើបានល្អមែនទែនសម្រាប់ព្រឹត្តិការណ៍អាស៊ានប៉ារ៉ា
ហ្គេមលើកទី១១នេះ ។ ការប្រកួតវគ្គជម្រុះសន្សំពិន្ទុក្នុងពូលB កម្ពុជាបានយកឈ្នះហ្វីលីពីន ៣-០ (២៥-៩, ២៥-៨, ២៥-១១) ឈ្នះមីយ៉ាន់ម៉ា ៣-១ (២៥-១៤, ២៦-២៤, ១៧-២៥, ២៥-២១)។
នៅវគ្គពាក់កណ្តាល់ផ្តាច់ព្រ័ត្រកម្ពុជាបន្តយកឈ្នះម្ចាស់ផ្ទះឥណ្ឌូណេស៊ីដោយលទ្ធផល ៣-២ (២១-២៥, ២៥-១៥, ២១-២៥, ២៥-១៣, ១៥-១១)។
ចំណែកនៅក្នុងវគ្គផ្តាច់ព្រ័ត្រនេះកម្ពុជាបានយកឈ្នះក្រុមថៃដោយលទ្ធផល៣-១(២៥-២៣, ២៥-២២, ១៩-២៥, ២៥-២២)។
សម្រាប់កម្ពុជា គិតត្រឹមព្រឹកថ្ងៃទី៤ ខែសីហា ដណ្ដើមបានមេដាយសរុប២២គ្រឿង ក្នុងនោះមេដាយមាស៦គ្រឿង ប្រាក់៨គ្រឿង និងសំរឹទ្ធ៨គ្រឿង។ តាមរយៈជ័យជម្នះបង្ហាញឱ្យឃើញថា កម្ពុជាពិតជាបានត្រៀមខ្លួនរួចរាល់ក្នុងការទទួលធ្វើម្ចាស់ផ្ទះកីឡាអាស៊ានប៉ារ៉ាហ្គេមលើកទី១២ និងកីឡាស៊ីហ្គេមលើកទី៣២ នៅឆ្នាំ២០២៣៕
ចែករំលែកព័តមាននេះ