ខេត្តមណ្ឌលគិរី ៖ នៅរសៀលថ្ងៃទី២៨ កក្កដា នេះ ជនសង្ស័យពីរនាក់ដែលជាប់ពាក់ព័ន្ឋករណីឃា.ត.ក.ម្មលើនារីវ័យក្មេងក្នុងចម្ការដំឡូងមី នៅឃុំស្រែឈូក ស្រុកកែវសីមា និងត្រូវបញ្ជូនទៅសាលាដំបូងខេត្តមណ្ឌលគិរី នេះបើតាមការបញ្ជាក់ពីអ្នកនាំពាក្យស្នងការដ្ឋាននគរបាលខេត្តមណ្ឌលគិរី ។ សូមរំលឹកថា៖ ដំបូងឆ្លើយពង្វាងសមត្ថកិច្ច លុះ២៤ម៉ោងក្រោយសារភាពប្រាប់ទង្វើខ្លួនទាំងអស់
លោកឧត្តមសេនីយ៏ត្រី សូ សុវណ្ណ ស្នងការរងនគរបាលខេត្តមណ្ឌលគិរីបានឲ្យដឹងថា ឯកសារសំនុំរឿងករណីខាងលើ សមត្ថកិច្ចបានប្រមូលគ្រប់គ្រាន់ ហើយអាចបញ្ជូនទៅសាលាដំបូងនៅរសៀលថ្ងៃទី២៨ កក្កដា នេះតែម្តង។
សូមរំលឹកថា កាលពីម៉ោង០៩និង៤៥នាទីព្រឹកថ្ងៃទី២៦ កក្កដា ឆ្នាំ២០២២ កម្លាំងជំនាញ នៃស្នងការដ្ឋាននគរបាលខេត្តមណ្ឌលគិរី សហការជាមួយកម្លាំងជំនាញនៃនាយកដ្ឋាននគរបាលព្រហ្មទណ្ឌ និងកម្លាំងនគរបាលព្រហ្មទណ្ឌខេត្តត្បូងឃ្មុំ កម្លាំងប៉ុស្តិ៍រដ្ឋបាលនាងទើត បានចុះអនុវត្តដីកាបញ្ជាឲ្យចូលខ្លួននៅចំណុចភូមិចំបក់ ឃុំនាងទើត ស្រុកតំបែរ ខេត្តត្បូងឃ្មុំ បានឃាត់ខ្លួនឈ្មោះ ឆៃ សុខា ភេទប្រុស អាយុ២៦ឆ្នាំជនជាតិខ្មែរ។
របាយការណ៍បន្តថា ប្រតិបត្តិការខាងលើនេះ សមត្ថកិច្ចឃាត់ជនសង្ស័យក្នុងករណីមនុស្សឃា.ត កាលពីថ្ងៃទី២៩ មិថុនា ឆ្នាំ២០២២ នៅចំណុចភូមិស្រែអណ្ដោល ឃុំស្រែឈូក ស្រុកកែវសីមា ខេត្តមណ្ឌលគិរី ។
តាមចម្លើយសារភាពរបស់ជនសង្ស័យឈ្មោះ ឆៃ សុខា បានសារភាពថា ខ្លួនពិតជាបានច្របាច់.កស.ម្លា.ប់ជនរងគ្រោះឈ្មោះ លិ ភេទស្រី ប្រាកដមែន ដោយមូលហេតុ ទាស់សម្តីគ្នាពេលអង្គុយលេងនៅក្នុងចំការ ។
ចែករំលែកព័តមាននេះ