ប្រទេសកូរ៉េទាំង២ ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ទាហានកូរ៉េខាងជើងម្នាក់នាថ្ងៃទី២០តុលា កំពុងត្រូវបានសួរចម្លើយ បន្ទាប់ពីគេប្រថុយហ៊ានឆ្លងកាត់ព្រំដែនអន្តរកូរ៉េដែលមានកិច្ចការពារខ្ពស់បំផុត រត់មកកាន់កូរ៉េខាងត្បូង។ នេះជាការរត់ចោលជួរដ៏កម្ររបស់ទាហានកូរ៉េខាងជើង មកកាន់កូរ៉េខាងត្បូង។ កងទ័ពកូរ៉េខាងត្បូងគូសបញ្ជាក់ថា…
ប្រទេសកូរ៉េទាំង២ ៖ តាមទីភ្នាក់ងារព័ត៌មានកូរ៉េខាងត្បូងYONHAPថា ទាហានកូរ៉េខាងជើងម្នាក់នាថ្ងៃទី២០តុលា កំពុងត្រូវបានសួរចម្លើយ បន្ទាប់ពីគេប្រថុយហ៊ានឆ្លងកាត់ព្រំដែនអន្តរកូរ៉េដែលមានកិច្ចការពារខ្ពស់បំផុត រត់មកកាន់កូរ៉េខាងត្បូង។ នេះជាការរត់ចោលជួរដ៏កម្ររបស់ទាហានកូរ៉េខាងជើង មកកាន់កូរ៉េខាងត្បូង។
កងទ័ពកូរ៉េខាងត្បូងគូសបញ្ជាក់ថា កងទ័ពនាថ្ងៃទី២០តុលាបានឃុំខ្លួនទាហានរូបនោះ ដែលឆ្លងកាត់នាផ្នែកកណ្ដាលនៃព្រំដែន។ កងទាហានកូរ៉េខាងត្បូងងកំណត់ឃើញទាហានរូបនេះ ហើយតាមដាន ដើម្បីអាចធ្វើប្រតិបត្តិការធម្មតា ជួយគេឲ្យបានមកដល់កូរ៉េខាងត្បូង។
អាជ្ញាធរពាក់ព័ន្ធកំពុងសួរចម្លើយគេ លើហេតុផលនិងការប្រព្រឹត្តទៅនៃការរត់ចោលជួររបស់គេ។ កងទ័ពកូរ៉េខាងត្បូងគូសបញ្ជាក់ទៀតថា ពុំកំណត់ឃើញចលនាខុសប្លែកធម្មតារបស់កងទ័ពកូរ៉េខាងជើងឡើយមកទល់ពេលនេះ។ ការរត់ចោលជួរនោះជាលើកទី៣ចាប់តាំងពីខែមិថុនាមក។ អ្នករត់ចោលជួរលើកមុន២នាក់គឺកាលពីខែកក្កដាតែពួកគេជាជនស៊ីវិល៕
ចែករំលែកព័តមាននេះ