ខេត្តតាកែវ ៖ ព្រឹកថ្ងៃទី២០ ខែតុលា ឆ្នាំ២០២៥ មានឡាន១គ្រឿងដឹកលៀសរាប់តោននៅចំណុចកំពង់ប្រឡាយ០១២ ស្ថិតភូមិព្រតាផ ឃុំគោគធ្លក ស្រុកអង្គរបូរី ទម្លាក់ចូលទូកជាច្រើនគ្រឿងដើម្បីដឹកជញ្ជូនទៅប្រទេសវៀតណាមតាមច្រកទ្វេភាគីបាក់ដៃ។…
ខេត្តតាកែវ ៖ ព្រឹកថ្ងៃទី២០ ខែតុលា ឆ្នាំ២០២៥ មានឡាន១គ្រឿងដឹកលៀសរាប់តោននៅចំណុចកំពង់ប្រឡាយ០១២ ស្ថិតភូមិព្រតាផ ឃុំគោគធ្លក ស្រុកអង្គរបូរី ទម្លាក់ចូលទូកជាច្រើនគ្រឿងដើម្បីដឹកជញ្ជូនទៅប្រទេសវៀតណាមតាមច្រកទ្វេភាគីបាក់ដៃ។
យោងតាមម្ចាស់ឡានដឹកលៀសបានអោយដឹងថាលោកគ្រាន់តែស៊ីឈ្នួលដឹកទេគឺដឹកមកពីទន្លេសាបចំណែកម្ចាស់លៀសឈ្មោះយូ មិនដឹងត្រកូលអ្វីទេ ពីទៅបីថ្ងៃទើបដឹកមកម្ដង។
យោងតាមប្រភពពីពលរដ្ឋនៅតំបន់នោះបានអោយដឹងថាទីតាំងខាងលើគេដឹកលៀសមកទម្លាក់យូរឆ្នាំមកហើយមិនដែលមានសមត្ថកិច្ចណាមកបង្ក្រាបឡើយជួនកាលលៀសកំពុងទម្លាក់ចូលទូកមានមន្ត្រីប៉ូលីសមិនដឹងឈ្មោះអីទេ មកជួយយាមផ្លូវអោយទៀតផង។
ពាក់ពន្ធ័ករណីខាងលើលោកសៅ កុសល់នាយខណ្ឌ័រដ្ឋបាលជលផលខេត្តតាកែវបានអោយដឹងថាលោកសំ សុខយូជាមន្ត្រីប៉ូលីសខេត្តតាកែវនឹងខាងជលផលចតុមុខធ្វើការផាកពិន័យម្ដងរួចហើយអស់២០លានរៀលកាលពីពេលកន្លងមកនៅតែមិនរាងចាលនៅហ៊ានរកស៊ីទៀត។
លោកសៅ កុសល់បានបន្តទៀតថាលោកមិនបានដឹងទេរឿងលៀសចុះព្រឹកមិញ បើលោកដឹងលោកនិងចាត់កំលាំងចុះបង្ក្រាបភ្លាមៗតែឥឡូវវាហួសពេលហើយព្រោះលៀសបានចុះដល់ទូកដឹកចេញទៅអស់ហើយ។
ចំណែកប៉ូលិសឈ្មោះសំ សុខយូ ពេលនេះកំពុងប្រកែកថា លោកមិនមែនជាម្ចាស់លៀសទេ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ