រាជធានីភ្នំពេញ ៖ មហាជន ជាពិសេស បណ្តាអ្នកលេងបណ្តាញសង្គមបានបង្ហាញការភ្ញាក់ផ្អើល បន្ទាប់ពីស្ងាត់ៗតារាសម្តែងភេទទី៣ ផេន ខេក បានទម្លាយរឿងរ៉ាវពាក់ព័ន្ធសុខភាពរបស់នាង ដោយពេលនេះ…
រាជធានីភ្នំពេញ ៖ មហាជន ជាពិសេស បណ្តាអ្នកលេងបណ្តាញសង្គមបានបង្ហាញការភ្ញាក់ផ្អើល បន្ទាប់ពីស្ងាត់ៗតារាសម្តែងភេទទី៣ ផេន ខេក បានទម្លាយរឿងរ៉ាវពាក់ព័ន្ធសុខភាពរបស់នាង ដោយពេលនេះ បានពើបប្រទះនូវបញ្ហាបែកស៊ីលីកូនដើមទ្រូង ហើយស្ថានភាពមួយនេះអាចនឹងឈានដល់មហារីក ប្រសិនបើនាងបន្តទុកនៅក្នុងខ្លួន ។
គេមិនដឹងថា ផេន ខេក បានជួបបញ្ហាមួយនេះ តាំងពីពេលណានោះឡើយ ដោយកន្លងមក គេតែងតែឃើញតារាភេទទី៣រូបនេះ តែងតែបង្ហាញវត្តមានតាមកម្មវិធីនានាជាបន្តបន្ទាប់ ដោយមិនមានរឿងអ្វីកើតឡើង ប៉ុន្តែទើបតែពេលនេះនាងក៏ដាច់ចិត្តទម្លាយរឿងរ៉ាវនេះឡើងជាសាធា
រណៈ។
យ៉ាងណា ផេន ខេក បានបញ្ជាក់ថា នាងទើបតែមានអាការៈមិនស្រួលខ្លួនក្នុងមួយរយៈពេលចុងក្រោយនេះប៉ុណ្ណោះ ទើបនាងសម្រេចទៅឆែកសុខភាពមើល ហើយក៏ឃើញបញ្ហានេះតែម្តង ។
ជាមួយនឹងក្រដាសបញ្ជាក់ពីលទ្ធផលនៃការឆែកសុខភាពនៅក្នុងមន្ទីរពេទ្យឯកជនមួយផេន ខេក បានភ្ជាប់ជាមួយសំណេរបង្ហោះលើបណ្តាញសង្គមថា រយៈពេលប៉ុន្មានឆ្នាំចុងក្រោយនេះ គិតតែពីការងារ ទោះក្តៅរងារក៏មិនហ៊ានសម្រាក🥹😩 ព្រោះតែកាតព្វកិច្ច ប៉ុន្តែភ្លេចថែរក្សាសុខភាពខ្លួនឯង រហូតដល់មួយរយៈចុងក្រោយនេះ ក៏ចាប់ផ្ដើមមានអាការៈមិនស្រួលខ្លួនពីមួយថ្ងៃទៅមួយថ្ងៃ ហើយក៏បានទៅឆែកសុខភាពមើលក៏ឃើញថាមានបញ្ហាទាក់ទងជាមួយនឹង(ស៊ីលីកូនដើមទ្រូង) មានការបែកទន្ទឹមទាំងពេលនេះ មិនទាន់បានធូរស្រាលផងមានរឿងបែបនេះកើតឡើងទៀត😞 ។
នាងថា ពេលខ្លះក៏សុំទោសខ្លួនឯងដែលធ្វើការហត់នឿយរៀងជ្រុលបន្តិច ប៉ុន្តែដោយសារតែកាតព្វកិច្ច និងតួនាទីក៏មិនហ៊ាន សូម្បីតែប្រើពាក្យត្អូញត្អែរ និងចង់សម្រាក😓 សម្រេចទៅតាមដានសុខភាពបន្តក៏លោកគ្រូពេទ្យបានបញ្ជាក់ប្រាប់ថាបើបន្តទុក(ស៊ីលីកូន)នៅក្នុងខ្លួនទៀត អាចនឹងមានបញ្ហារលាកកាន់តែខ្លាំង និងឈានដល់មហារីកជាដើម។
ជាមនុស្សម្នាក់ដែលតែងតែផ្ដល់ស្នាមញញឹមឲ្យមនុស្សគ្រប់គ្នាក៏មិនចង់និយាយពាក្យសម្ដីដែលធ្វើឲ្យខ្លួនឯងទន់ជ្រាយនៅលើបណ្ដាញសង្គម ។ ផេន ខេក បញ្ជាក់ថា នេះជាសាររំលឹកដាស់តឿន ចង់អោយបងប្អូនទាំងអស់គ្នា កុំគិតតែពីការងាររហូតដល់ភ្លេចគិតគូរពីសុខភាព ផ្លូវកាយនិងផ្លូវចិត្តដូចជានាងខ្ញុំ ។
ជាការកត់សម្គាល់ចាត់ទុកថា នេះមិនមែនជាលើកទីមួយទេ ដែល ផេន ខេក បានជួបបញ្ហាទៅលើសុខភាពរាងកាយ បន្ទាប់ពីនាងបានសម្រេចកែភេទរបស់ខ្លួនអស់រយៈពេលប៉ុន្មានឆ្នាំមកនេះ កន្លងមក ផេន ខេក ក៏ធ្លាប់បានលើកឡើងជាការដាស់តឿនទៅកាន់អ្នកដែកធ្វើការកែភេទថា បងប្អូនភេទទីបីទាំងអស់ នៅពេលដែលសម្រេចចិត្ដកែភេទរួចហើយ សូមកុំភ្លេចពិនិត្យសុខភាពឲ្យបានត្រឹមត្រូវផង កុំឲ្យមានបញ្ហាដូចរូបនាង។
ផេន ខេក បានលើកឡើងថា ៖ «សូមផ្ដាំទៅបងប្អូនភេទទីបីទាំងអស់គ្នា អ្នកដែលគាត់កែភេទចាប់ពី៥ ទៅ៦ឆ្នាំ សូមកុំភ្លេចទៅឆែកសុខភាពផង កុំឱ្យដូចខ្ញុំ ពេលឈឺតិចតួចទុក គិតថាមិនអី តែដល់ពេលធ្ងន់ទើបដឹង ៕
ចែករំលែកព័តមាននេះ