ខេត្តរតនគិរី ៖ ជាកាយវិការប្រកបដោយគុណធម៌ និងសាមគ្គីភាពដ៏កក់ក្តៅ រវាងកងកម្លាំងប្រដាប់អាវុធដូចគ្នា នៅរសៀលថ្ងៃទី២០ ខែវិច្ឆិកា ឆ្នាំ២០២៥ នេះ លោកឧត្តមសេនីយ៍ទោ…
ខេត្តរតនគិរី ៖ ជាកាយវិការប្រកបដោយគុណធម៌ និងសាមគ្គីភាពដ៏កក់ក្តៅ រវាងកងកម្លាំងប្រដាប់អាវុធដូចគ្នា នៅរសៀលថ្ងៃទី២០ ខែវិច្ឆិកា ឆ្នាំ២០២៥ នេះ លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី បានដាក់បទបញ្ជាបន្ទាន់មួយឱ្យកម្លាំងនគរបាលមូលដ្ឋាន ចុះអន្តរាគមន៍ជួយសម្រាលទុក្ខលំបាករបស់គ្រួសារយុទ្ធជនមួយរូប ដែលកំពុងជួបបញ្ហាខ្វះកម្លាំងពលកម្មក្នុងការប្រមូលផលស្រូវ ។
ជាក់ស្តែង ស្នងការដ្ឋាននគរបាលខេត្តរតនគិរី បានប្រកាសនារសៀលថ្ងៃទី២០ ខែវិច្ឆិកានេះថា ៖ នៅរសៀលថ្ងៃទី២០ ខែវិច្ឆិកា ឆ្នាំ២០២៥ លោកឧត្តមសេនីយ៍ទោ អ៊ុង សុភាព ស្នងការនគរបាលខេត្តរតនគិរី បានចេញបញ្ជាដល់កម្លាំងនគរបាល ចុះទៅជួបភរិយាវរ:កងទព័ដល់ផ្ទះ ដើម្បីពិភាក្សានឹងជួយច្រូតកាត់ស្រូវជូនដល់យុទ្ធជនដែលជាប់ភារកិច្ចការពារព្រំដែននៅជួរមុខ(កម្ពុជា-ថៃ) នៅថ្ងៃស្អែក ត្រូវនឹងថ្ងៃទី២១ ខែវិច្ឆិកា ឆ្នាំ២០២៥ ដោយភរិយាលោក(Khan Tey)កំពុងមានផ្ទៃពោះមិនទាន់សម្រាលកូន និងខ្វះខាតកម្លាំងពលកម្មថែមទៀត ព្រមទាំងមានអាស័យដ្ឋាននៅភូមិសិរីមង្គល ឃុំសិរីមង្គល ស្រុកកូនមុំ ខេត្តរតនគិរី ដោយពិនិត្យឃើញបែបនេះ លោកឧត្តមសេនីយ៍ទោស្នងការ ក៏នឹងឧបត្ថម្ភនូវថវិកាផ្ទាល់ខ្លួនរបស់លោកមួយចំនួនទៀត ជូនដល់ភរិយាលោក Khan Tey សម្រាប់ដោះស្រាយបញ្ហា និងប្រើប្រាស់ក្នុងពេលសម្រាលកូននាពេលខាងមុខ ។
សូមបញ្ជាក់ថា ៖ ក្រោយលោកទទួលបានព័ត៌មានតាម រយ:ក្រុមការងារប្រតិកម្មរហ័ស លោកបានចាត់ចេញបញ្ជាភ្លាមៗ ដោយបច្ចុប្បន្នកម្លាំងនគរបាលមូលដ្ឋានបានទៅទំនាក់ទំនងជួបជាមួយភរិយាលោក Khan Tey រួចហើយ គឺបានសម្របសម្រួល និងសហការជាមួយអជ្ញាធរមូលដ្ឋាន ដោយត្រូវគ្នាជួយធ្វើការច្រូតកាត់ជូនគាត់នៅថ្ងៃស្អែកនេះ ៕
ចែករំលែកព័តមាននេះ