ការរលូតកូនគឺជាបទពិសោធដ៏ឈឺចាប់បំផុតសម្រាប់ស្ត្រី និងគ្រួសារ។ ដើម្បីបង្ការហានិភ័យនេះ ស្ត្រីគួរតែយល់ដឹងពីមូលហេតុដើមដែលនាំឲ្យមានការរលូត។ យោងតាមការចុះផ្សាយរបស់មន្ទីរពេទ្យកាល់ម៉ែត មូលហេតុនៃការរលូតកូនត្រូវបានបែងចែកជា ៥ ក្រុមធំៗ៖ ១. មូលហេតុបណ្តាលមកពីស៊ុតមូលហេតុចម្បងក្នុងក្រុមនេះគឺទាក់ទងនឹងបញ្ហារបស់អំប្រ៊ីយ៉ុងផ្ទាល់៖…
ការរលូតកូនគឺជាបទពិសោធដ៏ឈឺចាប់បំផុតសម្រាប់ស្ត្រី និងគ្រួសារ។ ដើម្បីបង្ការហានិភ័យនេះ ស្ត្រីគួរតែយល់ដឹងពីមូលហេតុដើមដែលនាំឲ្យមានការរលូត។
យោងតាមការចុះផ្សាយរបស់មន្ទីរពេទ្យកាល់ម៉ែត មូលហេតុនៃការរលូតកូនត្រូវបានបែងចែកជា ៥ ក្រុមធំៗ៖
១. មូលហេតុបណ្តាលមកពីស៊ុត
មូលហេតុចម្បងក្នុងក្រុមនេះគឺទាក់ទងនឹងបញ្ហារបស់អំប្រ៊ីយ៉ុងផ្ទាល់៖
ភាពមិនប្រក្រតីនៃក្រូម៉ូសូម: ជាមូលហេតុសំខាន់បំផុត ដែលមានរហូតដល់ ៥០% ទៅ ៦០% នៃករណីរលូតកូនទាំងអស់។
កត្តាផ្សេងៗ: រួមមាន កត្តាកូនភ្លោះ, កូនពង, និងការជំរុញបង្កកំណើត។
២. មូលហេតុមកពីស្បូន
បញ្ហានៃរចនាសម្ព័ន្ធស្បូនអាចរារាំងដល់ការលូតលាស់របស់គភ៌៖
រចនាសម្ព័ន្ធស្បូនខុសប្រក្រតី: ដូចជា ស្បូនព្រែក ឬស្បូនតូចខុសពីធម្មតា។
ដុំសាច់ក្នុងស្បូន: រួមមាន Myome, Synéchies (ស្នាមស្អិតក្នុងស្បូន), និង Polype fibreux (ដុំសាច់ប៉ូលីប)។
មាត់ស្បូនចំហ: បញ្ហាមាត់ស្បូនដែលមិនអាចរក្សាគភ៌បានរហូតដល់គ្រប់ខែ។
៣. កត្តាឆ្លងរោគ
ការឆ្លងមេរោគមួយចំនួនក្នុងរាងកាយម្តាយ អាចបង្កគ្រោះថ្នាក់ដល់គភ៌៖
រោគឆ្លងទូទៅ: រួមមាន រោគផ្តាសាយ, រលាកបំពង់ក, និងគ្រុនពោះវៀន។
រោគឆ្លងប្រព័ន្ធបន្តពូជ/ផ្សេងៗ: រោគសង្គម, រោគឆ្លងបង្កដោយ Listériose, Colibacilles, Streptocoques, Mycoplasme, Chlamydia និង Toxoplasmose។
៤. កត្តាអ័រម៉ូន
ភាពមិនប្រក្រតីនៃអ័រម៉ូនអាចរំខានដល់ការរក្សាគភ៌៖
បញ្ហាក្រពេញទីរ៉ូអ៊ីត: ដូចជា ជំងឺពក-ក។
អ័រម៉ូនមិនមានលំនឹង: លើសអង់ដ្រូសែន ឬកង្វះលុយតេអាល់ ដែលចាំបាច់សម្រាប់ការរក្សាគភ៌។
៥. កត្តាទូទៅ
កត្តាទាំងនេះរួមមានបញ្ហាសុខភាពរ៉ាំរ៉ៃ និងទម្លាប់រស់នៅ៖
ជំងឺសុខភាពរ៉ាំរ៉ៃ: ជំងឺទឹកនោមផ្អែមធ្ងន់ធ្ងរ។
កត្តាជីវភាព: មានផ្ទៃពោះញឹកញាប់, បាក់កម្លាំង , និងការធ្វើដំណើរផ្លូវឆ្ងាយពេក។
កត្តាផ្សេងៗ៖ កត្តាផ្លូវចិត្ត និងកត្តាភាពស៊ាំ។
ដើម្បីបង្ការករណីរលូតកូនញឹកញាប់ ស្ត្រីគួរតែមកជួបពិគ្រោះជាមួយ គ្រូពេទ្យឯកទេសសម្ភព និងរោគស្ត្រី មុននិងកំលុងពេលចាប់ផ្តើមមានគភ៌នៅត្រីមាសដំបូង ដើម្បីកំណត់មូលហេតុ និងទទួលបានការណែនាំដ៏ត្រឹមត្រូវ៕
ចែករំលែកព័តមាននេះ