រាជធានីភ្នំពេញ ៖ ទីតាំងកក់ឆ្នោតខុសច្បាបដុះស្លែមួយកន្លែង ស្ថិតនៅតាមបណ្តោយផ្លូវប៉េតុង ខាងក្រោយរោងចក្រស៊ីឡាំងហួរ ក្នុងភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ ត្រូវបានកម្លាំងនគរបាល
រាជធានីភ្នំពេញ ៖ ទីតាំងកក់ឆ្នោតខុសច្បាបដុះស្លែមួយកន្លែង ស្ថិតនៅតាមបណ្តោយផ្លូវប៉េតុង ខាងក្រោយរោងចក្រស៊ីឡាំងហួរ ក្នុងភូមិត្នោតជ្រុំ៣ សង្កាត់បឹងទំពុន ខណ្ឌមានជ័យ ត្រូវបានកម្លាំងនគរបាល និងអាជ្ញាធរខណ្ឌមានជ័យ រួមទាំងមានការចូលរួមពីព្រះរាជអាជ្ញាររងអមសាលាដំបូងរាជធានីភ្នំពេញ លោកចែ សុង បានបើកការបង្ក្រាបជាក់ស្តែង កាលពីវេលាម៉ោង១៤ និង៤៥នាទីរសៀលថ្ងៃទី១៧ ខែតុលា ឆ្នាំ២០១៦ នេះ ដោយធ្វើការឃាត់ខ្លួនមនុស្ស២នាក់ រកឃើញលុយដុល្លារ និងខ្មែរសរុប ជិត៧ម៉ឺនដុល្លារ ។
មេឆ្នោតប្តីប្រពន្ធ២នាក់ដែលត្រូវឃាត់ខ្លូន ទី១មានឈ្មោះ ញឹម កុសល ភេទប្រុស អាយុ៤៧ឆ្នាំ ចំណែកប្រពន្ធមានឈ្មោះ សុខ មួងហេង អាយុ៤៧ឆ្នាំដូចគ្នា ។ ទាំង២នាក់ស្នាក់នៅ ទីតាំងចាប់ខ្លួន ។
សូមបញ្ជាក់ថា ចាក់សោទ្វារពីខាងក្នុង មិនឲ្យសមត្ថកិច្ចចូលបង្ក្រាបទីតាំងកត់កន្ទុយលេខ ក្នុងការចុះបង្ក្រាបនេះ ដំបូងឡើយនៅពេលដែលសមត្ថកិច្ចមកដល់ ម្ចាស់ទីតាំង បានស្រវាទាញទ្វារផ្ទះចាក់សោពីខាងក្នុង ពុំអោយសមត្ថកិច្ចមូលឡើយ ។ លុះបានជាង២០នាទីក្រោយមកសមត្ថកិច្ចបានសម្រេចចិត្តយកម៉ូទ័រត្រៀមកាត់សោរចូលទៅ ទើបម្ចាស់ទីតាំងព្រមបើកទ្វារអោយចូល ។ ក្នុងនោះគេក៏សង្គេតឃើញមានវត្តមានលោកឌីរ័ត្ន ខេមរុណ អភិបាលរងខណ្ឌមានជ័យ ចូលរួមផងដែរ ។
ក្នុងការបង្ក្រាបនេះដែរ សមត្ថកិច្ចបានរកឃើញមាន ចុងសន្លឹកឆ្នោតដែលចាក់សល់រាប់រយសន្លឹក ប៊ិចជាច្រើនដើម ម៉ាស៊ិន Fax សម្រាប់ព្រីនសន្លឹកឆ្នោត ១គ្រឿង កាស្យូ១៥គ្រឿង ក្នុងនោះដែរ រកឃើញលុយដុល្លារជិត ៧ម៉ឺនដុល្លារអាមេរិច និងលុយខ្មែរជាង ១០លានរៀលផងដែរ ។
យ៉ាងណាមិញ បច្ចុប្បន្នមេឆ្នោតទាំង ២នាក់ប្តីប្រពន្ធ រួមទាំងវត្ថុតាង ត្រូវបានឃាត់ខ្លួនបណ្តោះអាសន្នបញ្ចូនទៅកាន់ប៉ុស្តិ៍រដ្ឋបាលនគរបាលបឹងទំពុន រងចាំកសាងសំណុំរឿងបញ្ចូនទៅតុលាការចាត់ការទៅតាមនីតិវិធី នៃច្បាប់នៅពេលក្រោយ ៕
ចែករំលែកព័តមាននេះ