ខេត្តព្រះសីហនុ ៖ ជនសង្ស័យចំនួន២នាក់ជាប់ពាក់ព័ន្ធករណីជិះម៉ូតូស៊ីផ្លេដាក់គ្នា រួចដកកាំភ្លើ.ងបា.ញ់បុរសម្នាក់
ខេត្តព្រះសីហនុ ៖ ជនសង្ស័យចំនួន២នាក់ជាប់ពាក់ព័ន្ធករណីជិះម៉ូតូស៊ីផ្លេដាក់គ្នា រួចដកកាំភ្លើ.ងបា.ញ់បុរសម្នាក់ បណ្តាលឱ្យស្លា.ប់ភ្លាមៗនៅកន្លែងកើតហេតុ បង្កការភ្ញាក់ផ្អើលនៅចំណុចរង្វង់មូលតោ២ ស្ថិតក្នុងភូមិ៤ សង្កាត់៤ ក្រុងព្រះសីហនុ កាលពីវេលាម៉ោង១២និង៣០នាទីយប់រំលងអាធ្រាត្រឈានចូលថ្ងៃទី១ ខែឧសភា ឆ្នាំ២០២២ កន្លងទៅនេះ ត្រូវបានសមត្ថកិច្ចកំណត់អត្តសញ្ញាណជនសង្ស័យ និងចាប់ឃាត់ខ្លួនបានចំនួន២នាក់ ក្នុងនោះជនដៃដល់គឺជាមន្ត្រីកងរាជអាវុធហត្ថខេត្តព្រះសីហនុ ។ គួររំលឹកថា គ្រាន់តែរឿងចុចស៊ីផ្លេ! ដកកាំភ្លើ.ងបា.ញ់បុរសម្នាក់កណ្ដាលក្រុងព្រះសីហនុ
ជនរងគ្រោះឈ្មោះ ចាន់ប៉ូ រាណ ភេទប្រុស អាយុ១៩ឆ្នាំ មានស្រុកកំណើតនៅខេត្តកំពត បច្ចុប្បន្នស្នាក់នៅបន្ទប់ជួល ស្ថិតក្នុងសង្កាត់៤ ក្រុងព្រះសីហនុ ខេត្តព្រះសីហនុ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញម៉ូតូ២គ្រឿង ស៊ីផ្លេដាក់គ្នាទៅវិញទៅមក នៅតាមបណ្តោយផ្លូវ២ធ្នូ (ផ្លូវកន្ទុយនាគ) លុះមកដល់ចំណុចរង្វង់មូលតោ២ម៉ូតូទាំង២គ្រឿងឈប់នៅក្លែងកើតហេតុ រួចទាស់សំដីគ្នាបន្តិចបន្តួច ទំនងជាខឹងរឿងស៊ីផ្លេម៉ូតូឌឺដងដាក់គ្នា រួចជនដៃដល់រូបនោះក៏បានវាយ.មកលើជនរងគ្រោះ ហើយបានបើកកែបម៉ូតូយកកាំភ្លើ.ងមកវា.យទៅលើភាគីជនរងគ្រោះម្នាក់បែ.កក្បាល រួចបា.ញ់ជនរងគ្រោះ បណ្ដាលឱ្យស្លា.ប់ក្នុងថ្លុ.កឈា.ម ។ បន្ទាប់មកជនដៃដល់ក៏បានជិះម៉ូតូគេចខ្លួនបាត់ស្រមោលតែម្តង ។
តាមប្រភពពីសមត្ថកិច្ចបានបញ្ជាក់ថា បន្ទាប់ពីកើតហេតុភ្លាមៗនោះ កម្លាំងជំនាញនៃស្នងការដ្ឋាននគរបាលខេត្តព្រះសីហនុបានសហការជាកម្លាំងអធិការដ្ឋាននគរបាលក្រុងព្រះសីហនុ ចុះទៅដល់កន្លែងកើតហេតុ ដើម្បីធ្វើការស្រាវជ្រាវ រហូតនៅវេលាម៉ោង១និង៤០នាទីរំលងអាធ្រាត្រថ្ងៃដដែល កម្លាំងជំនាញកំណត់បានអត្តសញ្ញាណរបស់ជនសង្ស័យ និងឈានដល់ការឃាត់ខ្លួនបានជនសង្ស័យម្នាក់ឈ្មោះជិន រដ្ឋា ភេទប្រុស អាយុ៣០ឆ្នាំ ។ ចំណែកជនសង្ស័យម្នាក់ទៀត គឺជាជនដៃដល់ដែលបានបា.ញ់ជនរងគ្រោះឈ្មោះ អំ ឆេកូ ជាមន្ត្រីកងរាជអាវុធហត្ថខេត្តព្រះសីហនុ បានរត់គេចខ្លួនចូលក្នុងព្រៃមួយកន្លែង ។ ប៉ុន្តែរហូតដល់វេលាម៉ោង៥ទៀបភ្លឺ ទើបសមត្ថកិច្ចចាប់ខ្លួនជនសង្ស័យបានម្នាក់ទៀត ។
ក្រោយពេលឃាត់ខ្លួនបាន ជនសង្ស័យទាំង២នាក់ត្រូវបានសមត្ថកិច្ចនាំយកទៅធ្វើការសាកសួរតាមនីតិវិធី ៕
ចែករំលែកព័តមាននេះ