រាជធានីភ្នំពេញ ៖ ប្រជាពលរដ្ឋចំនួន ៤គ្រួសារ បានប្រតិកម្ម និងតវ៉ាហាមឃាត់អាជ្ញាធរខណ្ឌឫស្សីកែវ ដែលបានប្រើកម្លាំងចុះទៅដាំបង្គោលដែកប៉ុនប៉ងបិទរំលោភយកផ្លូវសារធារណៈ ។ ការហាមឃាត់ និងចោទអាជ្ញាធរនេះធ្វើឡើងកាលពីព្រឹកថ្ងៃទី…
រាជធានីភ្នំពេញ ៖ ប្រជាពលរដ្ឋចំនួន ៤គ្រួសារ បានប្រតិកម្ម និងតវ៉ាហាមឃាត់អាជ្ញាធរខណ្ឌឫស្សីកែវ ដែលបានប្រើកម្លាំងចុះទៅដាំបង្គោលដែកប៉ុនប៉ងបិទរំលោភយកផ្លូវសារធារណៈ ។ ការហាមឃាត់ និងចោទអាជ្ញាធរនេះធ្វើឡើងកាលពីព្រឹកថ្ងៃទី ៨ ខែមករា ឆ្នាំ ២០២៦ បន្ទាប់ពីអាជ្ញាធរបានព្យាយាមធ្វើរបងបិតផ្លូវដែលមានប្លង់រឹងត្រឹមត្រូវនៅមុខដីរបស់ពួកគាត់ដែលជាម្ខាស់កម្មសិទ្ធិ ។ តាមប្រជាពលរដ្ឋបានអោយដឹងថា ផ្លូវដែលអាជ្ញាធរបិទនោះគីកំណាត់ផ្លូវលេខ ១៨២០ មានទទឹង១០ម៉ែត្រ ប្រវែង ៦០ម៉ែត្រ ដែលតភ្ជាប់ពីផ្លូវ ១៧១៥ ទៅ ១៧០៩ស្ថិតនៅភូមិក្រោលគោ សង្កាត់គីឡូម៉ែត្រលេខ ៦ ខណ្ឌឬស្សីកែវ ។
តាមប្រជាពលរដ្ឋបានឲ្យដឹងទៀតថា ពួកគាត់ចំនួន ៤គ្រួសារ មានដី ៤ឡូតិ៍ នៅជាប់នោះគីក្បាលដី លេខ ២៨៤១,២៨៧០,២៨៣៩ និង ២៨៧២ បាននាំគ្នាតវ៉ាបន្ទាប់ពីសុខៗត្រូវបានអាជ្ញាធរបិទផ្លូវមិនដឹងមូលហេតុបែបនេះ ។
ប្រជាពលរដ្ឋបានឲ្យដឹងថា កាលពីថ្ងៃទី ៦ ខែមករាឆ្នាំ ២០២៦ អាជ្ញាធរខណ្ឌឫស្សីកែវបានបើករថយន្តគណៈបញ្ជាការឯកភាពខណ្ឌដឹកម៉ាស៊ីនភ្លើងនាំគ្នាទៅបោះបង្គោលផ្សារដែកបិតផ្លូវខាងលើផ្នែកខាងកើត ដោយពួកគាត់ពុំបានដឹងឡើយ ។ លុះថ្ងៃទី ៧ មករា ក៍បន្តបោះបង្គោល បិតខាងលិចទៀតដោយពួកគាត់បានរារាំងក៍ដកថយវិញ ។ នៅព្រឹក ថ្ងៃទី ៨ ខែមករា រថយន្តគណៈបញ្ជាការឯកភាពក៏បានដឹកម៉ាស៊ីនភ្លើងយកមកផ្សារប្រុងបិទផ្លូវនៅផ្នែកខាងកើតតែត្រូវបានពួកគាត់រារាំងក៏បានដកថយទៀត ។
ប្រជាពលរដ្ឋឆ្ងល់ថា ផ្លូវសាធារណៈមានប្លង់រឹងត្រឹមត្រូវហេតុអ្វីបានអាជ្ញាធរមកធ្វើរបងបិទ ផ្លូវនោះទៅធ្វើអ្វី ? ឬមួយបិតផ្លូវយកទុកប្រគល់ឲ្យអ្នកណាម្នាក់ឬបិតយកធ្វើកម្មសិទ្ធិខ្លួនឯង ។ ប្រជាពលរដ្ឋក៍បានស្មើសុំដល់អាជ្ញាធរបកស្រាយ និងពន្យល់ជុំវិញការបិតផ្លូវនេះ ។ ទាក់ទិនការចោទប្រកាន់កោះសន្តិភាព បានទាក់ទងទៅលោក ជិន ប៊ុនធឿន អភិបាលខណ្ឌឫស្សីកែវបានឱ្យដឹងថា លោកបានបញ្ជាឱ្យមន្ត្រីទៅព័ទ្ធដីនោះ ព្រោះដីផ្លូវនោះជាដីរបស់រដ្ឋ ។
លោកបញ្ជាក់ថា ដីនោះជាដីផ្លូវនៅតំបន់អភិវឌ្ឍន៍ ។ ចំពោះហ៊ុមព័ន្ធនោះលោកពុំបានឱ្យដឹងថា យកធ្វើអ្វីឡើយដោយឱ្យចាំជួបនៅថ្ងៃស្អែក ទី ៩ ខែមករា នៅក្នុងកិច្ចប្រជុំជាមួយប្រជាពលរដ្ឋ ។ ទោះបីយ៉ាងណាតាមមន្ត្រីម្នាក់បានឱ្យដឹងថា ការធ្វើរបងព័ទ្ធនេះដើម្បីយកដីទុកចែកឱ្យប្រជាពលរដ្ឋដែលរងផលប៉ះពាល់ពីការអភិវឌ្ឍន៍ផ្លូវ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ