គ្រាន់តែរឿងចុចស៊ីផ្លេ! ដកកាំភ្លើ.ងបា.ញ់បុរសម្នាក់កណ្ដាលក្រុងព្រះសីហនុ
- ព្រះសីហនុ
ខេត្តព្រះសីហនុ ៖ បុរសម្នាក់ត្រូវជនសង្ស័យបា.ញ់សម្លា.ប់ ដោយករណីនេះត្រូវបានមិត្តរបស់ជនរងគ្រោះអះអាងថា
ខេត្តព្រះសីហនុ ៖ បុរសម្នាក់ត្រូវជនសង្ស័យបា.ញ់ បណ្តាលឱ្យស្លា.ប់ភ្លាមៗនៅកន្លែងកើតហេតុ ដោយករណីនេះត្រូវបានមិត្តរបស់ជនរងគ្រោះអះអាងថា ផ្តើមចេញពីរឿងជិះម៉ូតូចុចស៊ីផ្លេដាក់គ្នា ធ្វើឱ្យជនសង្ស័យខឹងក៏វា.យ និងដកកាំភ្លើ.ងបា.ញ់បែបនេះតែម្តង ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១២និង៤០នាទីរំលងអធ្រាត្រឈានចូលថ្ងៃទី១ ឧសភា ឆ្នាំ២០២២ ត្រង់ចំណុចរង្វង់មូលតោ២ ស្ថិតក្នុងសង្កាត់លេខ៤ ខេត្តព្រះសីហនុ ។
បុរសរងគ្រោះមិនស្គាល់អត្តសញ្ញាណនោះទេ ។ ចំណែកជនសង្ស័យ ក៏មិនស្គាល់អត្តសញ្ញាណដែរ ពាក់អាវយឺតពណ៌ខ្មៅ ស្លៀកខោខ្លីពណ៌ខ្មៅ ជាអ្នកបើកបរម៉ូតូមួយគ្រឿងម៉ាកភីស៊ីអ៊ិច ពណ៌ខ្មៅ មិនចាំស្លាកលេខ ។
តាមប្រភពព័ត៌មានពីមិត្តរបស់ជនរងគ្រោះបានឲ្យដឹងថា នៅមុនពេលកើតហេតុ គាត់និងមិត្តបានជិះម៉ូតូចេញពីកន្ទុយនាគត្រឡប់ទៅកាន់គេហដ្ឋានវិញ ខណៈពេលធ្វើដំណើរ តាមបណ្តោយផ្លូវដល់ចំណុចកើតហេតុ ស្រាប់តែជនបង្កបានជិះម៉ូតូមកក្បែររួចហើយស៊ីផ្លេខ្លាំងៗ ។ ពេលនោះគាត់ក៏ស៊ីផ្លេតបទៅវិញ ស្រាប់តែជនបង្កដែលស្ថិតក្នុងស្ថានភាពស្រវឹងផងនោះខឹង ក៏បានចុះមកវា.យគាត់ និងមិត្តភក្តិ ។
តាមប្រភពដដែលបានបន្តថា ពេលនោះគាត់ និងមិត្តភក្តិ បន្ទាប់ពីត្រូវជនបង្កវា.យហើយ ក៏បានលើកដៃសំពះសុំទោសជនបង្កព្រមទាំងសុំយកម៉ូតូជិះទៅផ្ទះវិញ តែជនបង្កមិនអស់ចិត្តក៏បានដកកាំភ្លើ.ងចេញមកបា.ញ់ទៅលើមិត្តភក្តិ(ជនរងគ្រោះ) បណ្តាលឲ្យស្លា.ប់ភ្លាមៗនៅនឹងកន្លែងកើតហេតុតែម្តង ។ បន្ទាប់មកជនបង្កជិះម៉ូតូគេចខ្លួនបាត់តែម្តង ។
ក្រោយពេលកើតហេតុ កម្លាំងសមត្ថកិច្ចជំនាញព្រហ្មទ័ណ្ឌកម្រិតស្រាលប្រចាំក្រុងព្រះសីហនុបានចុះមកដល់ទីតាំងកើតហេតុ ព្រមទាំងបានយកខ្សែរុំព័ទ្ធ ដើម្បីពិនិត្យ និងស្រាវជ្រាវភ្លាមៗនៅជុំវិញទីតាំងកើតហេតុ ។ ចំណែកស.ពជនរងគ្រោះត្រូវបានក្រុមគ្រូពេទ្យរៀបចំយកទៅរក្សាទុកជាបណ្តោះអាសន្ននៅមន្ទីរពេទ្យបង្អែកខេត្តចំការចេកដើម្បីរង់ចាំក្រុមគ្រួសារជនរងគ្រោះមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ