សមត្ថកិច្ចប្រគល់ទូរស័ព្ទដែលជនជាតិចិនភ្លេច ទៅឲ្យម្ចាស់ដើមវិញ
ខេត្តសៀមរាប ៖ ជនជាតិចិនម្នាក់បានភ្លេចទូរស័ព្ទដៃ ត្រូវបាននគរបាលខេត្ត ដែលប្រចាំការនៅម្តុំតំបន់ផាប់ស្ទ្រីត រកឃើញប្រគល់ជូនវិញហើយ ដោយយោងតាមលោកឧត្តមសេនីយ៍ទោ
ខេត្តសៀមរាប ៖ ជនជាតិចិនម្នាក់បានភ្លេចទូរស័ព្ទដៃ ត្រូវបាននគរបាលខេត្ត ដែលប្រចាំការនៅម្តុំតំបន់ផាប់ស្ទ្រីត រកឃើញប្រគល់ជូនវិញហើយ ដោយយោងតាមលោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប តែងតែប្រជុំដាក់ផែនការណែនាំ និងបែងចែកវេនប្រចាំបញ្ជានៅតំបន់ផាប់ស្ទ្រីត ដល់កងកម្លាំងនគរបាលទាំងអស់ នៃស្នងការដ្ឋាននគរ បាលខេត្តសៀមរាប ត្រូវតែមកប្រចាំនៅតំបន់ផាប់ស្ទ្រីត ( POLICE BOX )ទាំងពេលថ្ងៃ និងពេលយប់ ដើម្បីរៀបចំសន្តិសុខ សុវត្ថិភាព សណ្ដាប់ធ្នាប់ ជូនភ្ញៀវទេសចរណ៍ជាតិ អន្តរជាតិ អាជីវករ ឱ្យកាន់តែមានលក្ខណៈល្អប្រសើរទ្វេឡើងថែមទៀត។
ជាក់ស្ដែងនៅយប់ថ្ងៃទី២៨ ឈានចូលថ្ងៃទី២៩ ខែសីហា ឆ្នាំ២០១៦នេះ លោកវរសេនីយ៍ទោ វ៉ាន រិទ្ធ នាយការិយាល័យនគរបាលអន្តោប្រវេសន៍ តំណាងលោកវរសេនីយ៍ទោ ជា គឹមសាន ស្នងការរងទទួលផែនអន្តោប្រវេសន៍ បានដឹកនាំកម្លាំងមកប្រចាំវេនបញ្ជា នៅតំបន់ផាប់ស្ទ្រីត ( POLICE BOX ) ហើយបានទទួលពាក្យបណ្ដឹងភ្លេចទូរស័ព្ទ IPhone 6s មួយគ្រឿងពីជនជាតិ ចិនតៃវ៉ាន មានឈ្មោះ SHIN YUN ភេទស្រី អាយុ២៨ ឆ្នាំ កាន់លិខិតឆ្លងដែនលេខ ៣០៣៤៨៣៨២៤ ជាភ្ញៀវទេសចរណ៍ស្នាក់នៅសណ្ឋាគារ MIRCLE បន្ទប់លេខ៣៩២។
ក្រោយពីទទួលបានពាក្យបណ្ដឹងភ្លាម លោកប្រធានការិយាល័យបានយកទូរស័ព្ទជនជាតិបរទេសម្នាក់ទៀតហៅ ( CALL ) ទៅទូរស័ព្ទដែលបានបាត់ ហើយចូលត្រូវបានម្ចាស់រ៉ឺម៉កលើកនិយាយ ហើយលោកប្រធានការិយាល័យបានធ្វើការសួរនាំ និងឲ្យគាត់យកទូរស័ព្ទមកប្រគល់ជូនភ្ញៀវបរទេសវិញនៅកន្លែងវេនប្រចាំបញ្ជាតំបន់ផាប់ស្ទ្រីត ( POLICE BOX )។ លោកវរសេនីយ៍ទោ វ៉ាន រិទ្ធ ប្រធានការិយាល័យបានបន្តឱ្យដឹងថា ម្ចាស់រ៉ឺម៉កម៉ូតូកង់បី មានឈ្មោះ ខាន់ ថេអូ ភេទប្រុស អាយុ២៧ឆ្នាំ ស្នាក់នៅភូមិវត្តដំណាក់ សង្កាត់សាលាកំរើក ក្រុង-ខេត្តសៀមរាប នេះជាទឹកចិត្តដ៏ល្អរបស់ម្ចាស់រ៉ឺម៉ក។ គួរបញ្ជាក់ផងដែរថា ក្នុងនាមកងកម្លាំងនគរបាលខេត្តសៀមរាប សូមសំណូមពរដល់បងប្អូនប្រជាពលរដ្ឋដែលប្រកបមុខរបររត់រ៉ឺម៉កម៉ូតូកង់បីទាំងអស់ត្រូវមានសណ្ដានចិត្តល្អដូចបុរសខាងលើនេះ៕
ចែករំលែកព័តមាននេះ