ហុងកុងព្រមានចាត់វិធានការដល់ពលរដ្ឋណារារាំងការសម្លា.ប់កណ្តុរ Hamster
ហុងកុង ៖ អាជ្ញាធរហុងកុងនិយាយថាប៉ូលីសនឹងចាត់វិធានការចំពោះអ្នកស្រឡាញ់សត្វចិញ្ចឹមទាំងឡាយណាដែលព្យាយាមរារាំង
ហុងកុង ៖ អាជ្ញាធរហុងកុងនិយាយថាប៉ូលីសនឹងចាត់វិធានការចំពោះអ្នកស្រឡាញ់សត្វចិញ្ចឹមទាំងឡាយណាដែលព្យាយាមរារាំង
ហុងកុង ៖ អាជ្ញាធរហុងកុងនិយាយថាប៉ូលីសនឹងចាត់វិធានការចំពោះអ្នកស្រឡាញ់សត្វចិញ្ចឹមទាំងឡាយណាដែលព្យាយាមរារាំងប្រជាជនមិនឲ្យបោះបង់ចោលសត្វកណ្តុរហាមស្ទឺរ (Hamster) របស់ពួកគេ ឬអ្នកណាដែលស្ម័គ្រចិត្តទទួលយកកណ្តុរត្រូវគេបោះបង់ចោល។ គួររំលឹកថា សូមប្រុងប្រយ័ត្ន! រកឃើញកណ្តុរ Hamsters ប្រមាណ២ពាន់ក្បាល ឆ្លងកូវីដ-១៩
ការព្រមានបែបនេះកើតឡើង ក្រោយអាជ្ញាធរហុងកុងបញ្ជាឲ្យសម្លា.ប់ប្រភេទសត្វកកេរនេះដើម្បីទប់ស្កាត់ការរឆ្លងរីករាលដាលវីរុសកូវីដ។
កាលពីថ្ងៃអង្គារ ទី១៨ មករា កន្លងទៅនេះ មន្ត្រីហុងកុងបានបញ្ជាឲ្យសម្លា.ប់សត្វកណ្តុរហាមស្ទឺរប្រហែល ២.០០០ក្បាលនៅហាងលក់សត្វចិញ្ចឹមជាច្រើនកន្លែង ក្រោយពេលមានករណីផ្ទុះវីរុសកូវីដ និងឆ្លងទៅបុគ្គលិកម្នាក់ក្នុងហាង។ សត្វកណ្តុរចំនួន ១១ផ្សេងទៀតនៅក្នុងហាងនោះត្រូវបានរកឃើញថាមានផ្ទុកកូវីដ ១៩។
ប្រជាជនរាប់ពាន់នាក់បានស្ម័គ្រចិត្តទទួលយកសត្វកណ្តុរហាមស្ទឺរដែលគេបោះបង់ចោលទៅចិញ្ចឹម ចំពេលមានការតវ៉ារបស់សាធារណៈជនប្រឆាំងនឹងរដ្ឋាភិបាល និងទីប្រឹក្សាផ្នែកវីរុសរាតត្បាត។
នាយកដ្ឋានកសិកម្ម ជលផល និងអភិរក្សរបស់ហុងកុងហៅការព្យាយាមជួយសង្គ្រោះសត្វកណ្តុរទាំងនោះថានឹងត្រូវរងវិធានការ។
នាយកដ្ឋាននេះបញ្ជាក់ថា «ប្រសិនជាប្រជាជនដែលព្រួយបារម្ភនៅតែបន្តសកម្មភាពបែបនេះ ឬខកខានក្នុងការប្រគល់សត្វទាំងនោះត្រឡប់ទៅវិញ នាយកដ្ឋាននឹងតាមដានយ៉ាងតឹងរឹង ហើយប្រគល់វាទៅឲ្យប៉ូលីសចាត់ការ»។
នាយកដ្ឋានកសិកម្ម ជលផល និងអភិរក្សរបស់ហុងកុង បានណែនាំឲ្យពលរដ្ឋហុងកុងកុំធ្វើការថើបសត្វចិញ្ជឹមរបស់ពួកគេ។
រដ្ឋាភិបាលហុងកុងនិយាយថាសត្វទាំងនោះកំពុងត្រូវបានសម្លា.ប់ និងបានអំពាវនាវឲ្យគ្រប់វិស័យពាក់ព័ន្ធទាំងអស់រួមគ្នាប្រយុទ្ធប្រឆាំងនឹងការរាតត្បាតកូវីដ ១៩។
សម្រាប់ជុំវិញពិភពលោកវិញ មានករណីឆ្លងកូវីដ ១៩នៅក្នុងប្រភេទសត្វចិញ្ជឹមជាច្រើនដូចជា ឆ្កែ និងឆ្មា ទោះបីអ្នកវិទ្យាសាស្ត្របាននិយាយថា មិនមានភស្ថុតាងណាដែលសត្វចិញ្ជឹមដើរតួក្នុងការចម្លងវីរុសទៅកាន់មនុស្ស។
មិនដូចក្រុងដទៃឡើយ ទីក្រុងហុងកុងបានរក្សាយុទ្ធសាស្ត្រកូវីដសូន្យ ដោយផោ្តតលើការលុបំបាត់វីរុសនេះ ដោយសាលារៀន និងកន្លែងហាត់ប្រាណត្រូវបានបិទ ចំណែកភោជនីដ្ឋានត្រូវបិទម៉ោង ៦ល្ងាច។
អាជ្ញាធរក៏បានធ្វើតេស្តលើសត្វទន្សាយ និងពូជកណ្តុរប្រភេទ chinchilla ផងដែរ ប៉ុន្តែមានតែកណ្តុរ Hamster ប៉ុណ្ណោះមានផ្ទុកវីរុស។ បើតាមប្រព័ន្ធផ្សព្វផ្សាយកណ្តុរទាំងនោះត្រូវបាននាំចូលពីប្រទេសហូឡង់៕ (យោងតាមប្រភព៖ Reuters)
ចែករំលែកព័តមាននេះ