រាជធានីភ្នំពេញ ៖ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការ ដោយសារ មីន (អាជ្ញាធរមីន) បានគូសបញ្ជាក់ថា អ្វីដែលជាការចោទប្រកាន់របស់យោធាថៃលើកម្ពុជា អំពី…
រាជធានីភ្នំពេញ ៖ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការ ដោយសារ មីន (អាជ្ញាធរមីន) បានគូសបញ្ជាក់ថា អ្វីដែលជាការចោទប្រកាន់របស់យោធាថៃលើកម្ពុជា អំពី ការដាក់មីនថ្មី គឺតែងតែពឹងផ្អែកលើការអះអាង ជាឯកតោភាគីរបស់យោធាខ្លួនតែប៉ុណ្ណោះ ។
យោងតាមសេចក្តីថ្លែងការណ៍របស់អាជ្ញាធរមីន នៅថ្ងៃទី២៣ ខែធ្នូ ឆ្នាំ២០២៥នេះ បានឲ្យដឹងថា ការចោទប្រកាន់របស់ថៃ តាមរយៈការប្រើប្រាស់រូបភាពមួយចំនួន និងអមដោយអំណះអំណាង ដោយឯកតោភាគី គឺជាចេតនាបំភាន់ការពិត និងបង្វែរការចាប់អារម្មណ៍ អន្តរជាតិពីទង្វើ ឈ្លាន ពានដែលកំពុងបន្តរបស់ខ្លួន ដោយរួមទាំងការទម្លាក់គ្រាប់នៅក្នុងតំបន់ស៊ីវិល និងការប្រើប្រាស់ សព្វាវុធខុសច្បាប់មកលើកម្ពុជា ។
អាជ្ញាធរមីនបានលើកឡើងថា កម្ពុជាបញ្ជាក់ជាថ្មីនូវការព្រួយបារម្ភ អំពីការប្រើប្រាស់គ្រាប់បែក ចង្កោមនិងផ្សែងពុលដោយថៃនៅក្នុង ឬនៅជិតតំបន់ស៊ីវិល។ អាវុធទាំងនេះ គឺមិនរើស អើង ឡើយ និងមានផលប៉ះពាល់វែងដល់ប្រជាជន បំពុលដីជាច្រើនជំនាន់ និងនៅបន្តគំរាមកំហែង ទោះបី សង្គ្រាមបានបញ្ចប់។
ការប្រើប្រាស់អាវុធបែបនេះ នៅក្នុងតំបន់ដែលមានប្រជាជនរស់ នៅគឺជាទង្វើអមនុស្សធម៌ ខុសច្បាប់ និងចាត់ទុកជាឧក្រិដ្ឋកម្មសង្គ្រាមក្រោមច្បាប់អន្តរជាតិ។ ប្រភពដដែលបន្ថែមថា ស្របពេលយោធាថៃបង្កភាពតានតឹង ថៃបានប្រើប្រាស់បញ្ហាមីន តាម រយៈរូប ភាពដែលគ្មានការផ្ទៀងផ្ទាត់ត្រឹមត្រូវ ឈុតឆាកដែលបានរៀបចំជាមុន និងការបំភាន់ព័ត៌មាន ដើម្បីបិទបាំងទង្វើរបស់ខ្លួននោះ កម្ពុជាច្រានចោលដាច់ខាតចំពោះចេតនាប្រើ ប្រាស់ប ញ្ហាមនុស្សធម៌ ដើម្បីបិទបាំងទង្វើមកលើជនស៊ីវិល និងបង្វែរចំណាប់អារម្មណ៍អន្តរជាតិ ចេញ ពីការឈ្លានពានរបស់ថៃមកលើកម្ពុជា និងទង្វើខុសច្បាប់របស់អន្តរជាតិ។
ជាមួយគ្នានោះដែរ អាជ្ញាធរមីនបានអះអាងថា កម្ពុជានឹងមិនអនុញ្ញាតឱ្យមានការប្រើប្រាស់គោលការណ៍នៃសន្ធិសញ្ញាសព្វាវុធការ ឬសកម្មភាពមីនមនុស្សធម៌ ជាការបិទបាំងដល់ សកម្មភាពយោធា ឬការបង្វែរចំណាប់អារម្មណ៍អន្តរជាតិចេញពីការឈ្លានពានមកលើកម្ពុជា។
អាជ្ញាធរមីនបានបញ្ជាក់ថា៖ «កម្ពុជាកត់សម្គាល់ថា ការចោទប្រកាន់របស់ថៃ តែងតែពឹង ផ្អែកលើការអះអាងជាឯកតោភាគីរបស់យោធា មិនមានការផ្ទៀងផ្ទាត់ឯករាជ្យ ការស៊ើប អង្កេតដោយយុត្តិធម៌ ឬយន្តការស្វែងរកការពិតដែលទទួលស្គាល់ជា អន្តរជាតិ។ រូបថត និងភស្តុ តាងដែលគ្មានការផ្ទៀងផ្ទាត់ទីតាំង កាលបរិច្ឆេទ ការរក្សាទុក ឬការវាយតម្លៃ បច្ចេកទេសអ ព្យាក្រឹត មិនអាចចាត់ទុកជាភស្តុតាងបានទេ ក្រោមច្បាប់អន្តរជាតិ» ៕
ចែករំលែកព័តមាននេះ