សូមប្រុងប្រយ័ត្ន! រកឃើញកណ្តុរ Hamsters ប្រមាណ២ពាន់ក្បាល ឆ្លងកូវីដ-១៩
ហុងកុង ៖ ទីក្រុងហុងកុងប្រកាសថា នឹងស.ម្លា.ប់កណ្តុរបារាំង (Hamsters) ប្រមាណ២ពាន់ក្បាល បន្ទាប់ពីធ្វើតេស្តវិជ្ជមានកូវីដ
ហុងកុង ៖ ទីក្រុងហុងកុងប្រកាសថា នឹងស.ម្លា.ប់កណ្តុរបារាំង (Hamsters) ប្រមាណ២ពាន់ក្បាល បន្ទាប់ពីធ្វើតេស្តវិជ្ជមានកូវីដ
ហុងកុង ៖ ទីក្រុងហុងកុងប្រកាសថា នឹងស.ម្លា.ប់កណ្តុរបារាំង (Hamsters) ប្រមាណ២ពាន់ក្បាល បន្ទាប់ពីធ្វើតេស្តវិជ្ជមានកូវីដ-១៩ជាច្រើនក្បាល នៅក្នុងហាងសត្វចិញ្ចឹមមួយកន្លែង ដែលមានបុគ្គលិកឆ្លងវីរុសនេះកំពុងបម្រើការ។
ទន្ទឹមជាមួយគ្នានោះ អាជ្ញាធរក៏ប្រកាសនឹងបញ្ឈប់ការលក់សត្វកណ្តុរ Hamsters និងការនាំចូលថនិកសត្វតូចៗផងដែរ។ នេះបើយោងតាមមន្ត្រីមកពីនាយកដ្ឋានកសិកម្ម នេសាទ និងអភិរក្ស។
ការផ្លាស់ប្តូរកើតឡើង ក្រោយបុគ្គលិកក្នុងហាងលក់សត្វចិញ្ចឹមម្នាក់ បានតេស្តវិជ្ជមានកូវីដទម្រង់ដែលតា (Delta) កាលពីថ្ងៃទី១៧ ខែមករា។ ខណៈកណ្តុរ Hamsters ជាច្រើនក្បាលក្នុងហាងនោះ ដែលបាននាំចូលមកពីប្រទេសហូឡង់ក៏ចេញលទ្ធផលវិជ្ជមានផងដែរ។
លោក Leung Siu-fai ប្រធាននាយកដ្ឋានបានថ្លែងក្នុងសន្និសីទសារព័ត៌មានថា «ប្រសិនបើអ្នកជាម្ចាស់កណ្តុរ Hamster អ្នកគួរទុកវាក្នុងផ្ទះ កុំយកវាចេញក្រៅ។ ម្ចាស់សត្វចិញ្ចឹមទាំងអស់គួរប្រកាន់ខ្ជាប់អនាម័យផ្ទាល់ខ្លួនឱ្យបានល្អ។ អ្នកគួរតែលាងដៃ បន្ទាប់ពីប៉ះពាល់សត្វ និងអាហាររបស់វា។ ជៀសវាងការថើបសត្វចិញ្ចឹមរបស់អ្នក»។
ទោះយ៉ាងណា អាជ្ញាធរទទួលស្គាល់ថា គ្មានភស្តុតាងណាមួយដែលថា សត្វចិញ្ចឹមអាចចម្លងកូវីដទៅមនុស្សបានទេ។ ប៉ុន្តែជាវិធានការប្រុងប្រយ័ត្ន អតិថិជនដែលបានទិញកណ្តុរ Hamsters ពីហាងដែលរងផលប៉ះពាល់បន្ទាប់ពីថ្ងៃទី៧ ខែមករា ត្រូវតែតាមដាន និងដាក់ខ្លួននៅដាច់ដោយឡែកជាចាំបាច់។ ហើយពួកគេក៏ត្រូវប្រគល់កណ្តុរចិញ្ចឹមទៅកាន់អាជ្ញាធរផងដែរ។
ហាងលក់សត្វចិញ្ចឹមទាំងអស់ដែលលក់កណ្តុរ Hamsters ក្នុងទីក្រុងហុងកុងត្រូវតែបញ្ឈប់ប្រតិបត្តិការជាបន្ទាន់ ហើយថនិកសត្វតូចៗប្រហែល២ពាន់ក្បាល រួមទាំង Hamsters និង Chinchillas នឹងត្រូវបានស.ម្លា.ប់។ ខណៈអតិថិជនដែលបានទិញកណ្តុរ Hamsters ចាប់ពីថ្ងៃទី២២ ខែធ្នូ ឆ្នាំ២០២១ ក៏នឹងត្រូវមកទទួលការធ្វើតេស្តជាកាតព្វកិច្ច និងត្រូវជំរុញកុំឱ្យចូលក្នុងសហគមន៍ដរាបណាមានលទ្ធផលតេស្តអវិជ្ជមាន៕ (ដកស្រង់ចេញពី BBC និង Dailymail)
ចែករំលែកព័តមាននេះ