ខេត្តកំពង់ឆ្នាំង ៖ រថយន្តទួរីសមួយគ្រឿងត្រូវបានអគ្គីភ័យឆេះខ្ទេចទាំងស្រុងរួមទាំងស្បៀង ជាច្រើន ខណៈកំពុងតែបើកបរលើផ្លូវក្រាលកៅស៊ូមួយកន្លែង ក្នុងភូមិសិរី ឃុខុនរ៉ង ស្រុកបរិបូណ៌ បង្កការភ្ញាក់ផ្អើលកើតឡើងនៅវេលាម៉ោង ៨និង…
ខេត្តកំពង់ឆ្នាំង ៖ រថយន្តទួរីសមួយគ្រឿងត្រូវបានអគ្គីភ័យឆេះខ្ទេចទាំងស្រុងរួមទាំងស្បៀង ជាច្រើន ខណៈកំពុងតែបើកបរលើផ្លូវក្រាលកៅស៊ូមួយកន្លែង ក្នុងភូមិសិរី ឃុខុនរ៉ង ស្រុកបរិបូណ៌ បង្កការភ្ញាក់ផ្អើលកើតឡើងនៅវេលាម៉ោង ៨និង ៣០ នាទីព្រឹក ថ្ងៃទី ២២ ខែធ្នូឆ្នាំ ២០២៥ ។
តាមការបញ្ជាក់កម្លាំងនគរបាលនៃអធិការដ្ឋាននគរបាលស្រុកបរិបូរណ៍ដែលបានជួយអន្តរាគមន៍បាញ់ទឹកពន្លត់ បានឲ្យដឹងថា អ្នកបើកបររថយន្តខាងលើមានឈ្មោះ អ៊ុយ សំអាត ភេទប្រុស អាយុ ៤២ឆ្នាំ រស់នៅភូមិឃុំខាងលើ។ ។
មុនពេលកើតហេតុ បុរសខាងលើបានដឹកស្បៀងមានអង្ករទឹកត្រីទឹកស៊ីអ៊ីវ ជាច្រើនតាមរថយន្តទួរីសមួយគ្រឿង ពណ៌លឿង ពាក់ស្លាកលេខតាកែវ 2A-13 36 ចេញពីបាត់ដំបង ឆ្ពោះទៅរាជធានីភ្នំពេញ ។ ប៉ុន្តែពេលមកដល់ឃុំខុនរង អ្នកបើករថយន្តបានបើកចេញពីផ្លូវជាតិលេខ៥ ក្នុងបំណងសំដៅទៅផ្ទះរបស់ខ្លួនបន្តិច ដើម្បីសម្រាក និងបន្តដំណើរទៅមុខទៀត ។ តែជាអកុសល ពេលមកដល់ចំណុចកើតហេតុ ស្រាប់តែទុស្សេខ្សែភ្លើង បណ្ដាលឱ្យឆេះរថយន្តស្ទើរទាំងស្រុង ចំណែកអង្ករ ទឹកត្រី ទឹកស៊ីវ ក៏ឆេះជាមួយគ្នាផងដែរ។
ក្រោយពេលកើតហេតុ សមត្ថកិច្ចបានយករថយន្តពន្លត់អគ្គីភ័យទៅជួយអន្តរាគមន៍បាញ់ទឹកពន្លត់ ប៉ុន្តែរថយន្តទៅបានឆេះស្ទើរទាំងស្រុងទៅហើយ។ ចំពោះការខូចខាតរួមមាន ឆេះរថយន្តទាំងស្រុងមួយគ្រឿង អង្ករចំនួន ៣តោន ទឹកត្រី ទឹកស៊ីអ៊ីវ ចំនួន ៣០០យួរ។
ក្នុងហេតុការណ៍ខាងលើនោះពុំមានមនុស្សណាម្នាក់រងគ្រោះថ្នាក់នោះឡើយ ៕
ចែករំលែកព័តមាននេះ