រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងល្បាត នៃអធិការដ្ឋានខណ្ឌទួលគោក ឃាត់ខ្លួន ខណៈពេលដែលកំពុងធ្វើសកម្មភាពជួញដូរ និងចែកចាយគ្រឿងញៀន នៅតាមបណ្ដោយផ្លូវរថភ្លើង ។
ការឃាត់ខ្លួនជនសង្ស័យរូបនេះ ធ្វើឡើងនៅវេលាម៉ោង០២និង៣០នាទីរំរលងអធ្រាត្រចូលថ្ងៃទី១៧ ខែកក្កដា ឆាំ្ន២០២៦ នៅចំណុចផ្លូវរថភ្លើង ក្រុម៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
ជនសង្ស័យរូបនោះ ឈ្មោះ ពិន ដារ៉ា អាយុ ៤៥ឆ្នាំ មុខរបរ ស្នាក់នៅបន្ទប់ជួលតាមផ្លូវរថភ្លើង ក្នុងភូមិ១៤ ក្រុមទី៥៤ សង្កាត់បឹងកក់១ ខណ្ឌទួលគោក រាជធានីភ្នំពេញ ត្រូវបានសមត្ថកិច្ចចោទប្រកាន់ពីបទ ៖ ជួញដូរ និងរក្សាទុកប្រើប្រាស់ដោយខុសច្បាប់ នូវសារធាតុញៀន ។
តាមនគរបាលខណ្ឌទួលគោក បានឲ្យដឹងថា កម្លាំងជំនាញ នៃអធិការដ្ឋានខណ្ឌទួលគោក បានសហការជាមួយកម្លាំងនគរបាលប៉ុស្តិ៍ បានជិះល្បាញនៅក្នុងមូលដ្ឋានគោក ប្រទះឃើញជនសង្ស័យកំពុងតែធ្វើសកម្មភាពជួញដូរ និងចែកចាយគ្រឿងញៀន ហើយត្រូវកម្លាំងសមត្ថកិច្ច ឃាត់ខ្លួនបានជាក់ស្តែង តែម្តង ។
សមត្ថកិច្ចបានឲ្យដឹងទៀតថា បន្ទាប់ពីឃាត់ខ្លួន ឆែកឆេរដកហូតវត្ថុតាងរួមមាន ៖ ក្រាមពណ៌សថ្លា សង្ស័យជាគ្រឿងញៀនចំនួន១២កញ្ចប់តូច ថង់សម្រាប់ច្រកគ្រឿងញៀនមួយចំនួន ។
បច្ចុប្បន្ន ជនសង្ស័យ ត្រូវបញ្ជូនទៅអធិការដ្ឋាននគរបាលខណ្ឌទួលគោក ដើម្បីធើ្វការសាកសួរ និងកសាងសំណុំរឿងចាត់ការតាមនីតិវិធីច្បាប់ ៕
ចែករំលែកព័តមាននេះ