ទើបចេញពីពន្ធនាគារ មិនរាងចាល លួ.ចទ្រព្យសម្បត្តិប្រជាពលរដ្ឋ ត្រូវនគរបាលក្រុងច្បារមនក្របួចជាប់
- កំពង់ស្ពឺ
ខេត្តកំពង់ស្ពឺ៖ ជនសង្ស័យម្នាក់ទើបតែចេញពីពន្ធនាគារ មិនរាងចាល ធ្វើសកម្មភាពលួចទ្រព្យសម្បត្តិនិងសម្ភារៈរបស់ប្រជាពលរដ្ឋត្រូវនគរបាលក្រុងច្បារមនឃាត់ខ្លួនបាន បន្ទាប់ពីជនរងគ្រោះដាក់ពាក្យបណ្តឹង ។
នគរបាលក្រុងច្បារមនបាននិយាយឲ្យដឹងថា ÷ដោយទទួលបានបណ្ដឹងពីពលរដ្ឋស្ដីពីករណីលួចសម្ភារៈតាមភូមិក្នុងសង្កាត់រកាធំ ក្រុងច្បារមន ភ្លាមៗ ដោយបានទទួលបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅព្រឹកថៃ្ងទី១៧ ខែកក្កដា ឆ្នាំ២០២៦ លោកអធិការនគរបាលក្រុងច្បារមន បានដឹកនាំកំលាំងជំនាញនិងប៉ុស្ដិ៍នគរបាលរដ្ឋបាល សង្កាត់រការធំ បានធ្វើការចុះស្រាវជ្រាវរហូតឈានដល់ការកំណត់មុខសញ្ញាសង្ស័យបាន និងឈានទៅឃាត់ខ្លួននិងដកហូតបានសម្ភារៈដែលជាផ្ទាំងពន្លឺសឡា និងសម្ភារៈមួយចំនួនថែមទៀតផង ។
នគរបាលក្រុងច្បារមនបាននិយាយឲ្យដឹងថាជនសង្ស័យដែលត្រូវឃាត់ខ្លួនមានឈ្មោះ យី ឆវ័ន្ត ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅក្នុងភូមិស្នោរទី១ សង្កាត់រការធំ ក្រុងច្បារមន ខេត្តកំពង់ស្ពឺ។ ជាមុខសញ្ញាទេីបតែត្រូវបានដោះលែងរួចផុតចេញពន្ធនាគារខេត្ដកំពង់ស្ពឺ ។
បច្ចុប្បន្ននគរបាលបាននាំជនសង្ស័យរួមជាមួយនិងសម្ភារៈមួយចំនួនទៀតមកកាន់អធិការដ្ឋាននគរបាលក្រុងច្បារមនសួរនាំ និងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ