សាលាដំបូងខេត្តតាកែវ បើកកិច្ចប្រជុំពង្រឹងប្រសិទ្ធភាពការងារលើចំណុចសំខាន់ៗចំនួន៣
- តាកែវ
ខេត្តតាកែវ ៖ នារសៀលថ្ងៃទី១៦ ខែកក្កដា ឆ្នាំ២០២៦នេះ នៅសាលប្រជុំសាលាដំបូងខេត្តតាកែវ បានរៀបចំកិច្ចប្រជុំក្រោមអធិបតីភាព លោក ធាម ច័ន្ទពិសិដ្ឋ ប្រធានសាលាដំបូង និងលោក ឯក ឆេងហួត ព្រះរាជអាជ្ញានៃអយ្យការអមសាលាដំបូង និងមានការចូលរួមពី លោកអនុប្រធានសាលាដំបូង លោក-លោកស្រីចៅក្រម លោក លោកស្រី ព្រះរាជអាជ្ញារង លោកប្រធាន-អនុប្រធានលេខាធិការដ្ឋាន និងមន្ត្រីលេខាធិការដ្ឋានរដ្ឋបាលពាក់ព័ន្ធមួយចំនួន។
លោកប្រធានសាលាដំបូងខេត្តបានអោយដឹងថាចំពោះកិច្ចប្រជុំនេះ សាលាដំបូង និងអយ្យការអមសាលាដំបូងបានពិភាក្សាគ្នាលើចំណុចសំខាន់ៗចំនួន៣ ដូចខាងក្រោម៖
១-រៀបចំ និងថែរក្សាវត្ថុតាងឱ្យបានត្រឹមត្រូវ ច្បាស់លាស់ និងមានសណ្ដាប់ធ្នាប់
២-ពិនិត្យ និងដោះស្រាយបញ្ហាប្រឈមនានារវាងចៅក្រម និងតំណាងអយ្យការ
៣-ណែនាំ និងជំរុញក្រុមការងារនៃគណៈកម្មការអនុវត្តការចាត់ចែងជាបណ្ដោះអាសន្ននូវវត្ថុចាប់យកខេត្តតាកែវ រៀបចំនីតិវិធីប្រតិបត្តិការស្តង់ដារ (SOP) លើការងារគ្រប់គ្រង និងចាត់ចែងវត្ថុតាង។
កិច្ចប្រជុំនេះបានបញ្ចប់ដោយការតាំងចិត្ត និងការប្តេជ្ញាចិត្តចូលរួមពី លោក-លោកស្រីទាំងអស់ ខិតខំប្រឹងប្រែងអនុវត្តការងារឱ្យសម្រេចតាមផែនការ ដោយស្មារតីទទួលខុសត្រូវច្បាស់លាស់៕
ចែករំលែកព័តមាននេះ