ប្រទេសរុស្ស៊ី ៖ ខណៈអឺរ៉ុបរងគ្រោះដោយរលកក្ដៅខ្លាំង រុស្ស៊ីជួបប្រទះភ្លៀងធ្លាក់ខ្លាំង និងខ្យល់បោកបក់ខ្លាំងក្នុងតំបន់ជា
ច្រើន ។
នៅអ៊ូរ៉ាល់ព្យុះខ្លាំងមួយបណ្ដាលឲ្យដើមឈើទាំងឡាយរលំបាក់ ហើយទឹកជន់លិចវិថីនានា ។ នៅតំបន់ស្វៀរឡូវស្ក៍ ផ្ទះប្រមាណ៤៤០ខ្នងត្រូវទឹកជន់លិច ហើយប្រជាជនត្រូវបានជម្លៀសចេញទៅកាន់បណ្ដាជម្រកបណ្ដោះអាសន្ន ។ នេះបើតាមការគូសបញ្ជាក់កាលពីថ្ងៃទី១៦ កក្កដា របស់ក្រសួងសភាពការណ៍បន្ទាន់រុស្ស៊ី ។
នៅទិក្រុងអេកាតេរីនប៊ូកវិថីនានាប្រែក្លាយជាទន្លេ ក្នុងរយៈពេលត្រឹមតែប៉ុន្មានវិនាទី ។ ខ្យល់បោកបក់ខ្លាំង បណ្ដាលឲ្យប៉ើងដំបូលផ្ទះ ហើយដើមឈើទាំងឡាយរលំបាក់ ។ នៅតំបន់ PERMពបណ្ដាទូនៃរថភ្លើងដឹកទំនិញមួយខ្សែ បានធ្លាក់ពីផ្លូវដែកក្រោយភ្លៀងយ៉ាងខ្លាំង ដែលបំផ្លាញផ្លូវដែកមួយផ្នែកតែមិនមានសេចក្ដីរាយការណ៍ពីជនរងគ្រោះឡើយ ។
ភ្លៀងធ្លាក់ខ្លាំង បណ្ដាលឲ្យមានទឹកជំនន់ និងការបាក់ដីនៅទីក្រុងមាត់សមុទ្រសូតជីភាគខាងត្បូងប្រទេស។ ទឹកបានជន់លិចសង្កាត់នានានៃទីក្រុងនោះ ហើយមានការបាក់ដីហូរធ្លាក់លើវិថីមួយបិទផ្លុវនោះទាំងស្រុង។ ចរាចរណ៍ត្រូវបិទទាំងស្រុងនៅទីនោះហើយរថយន្តជាច្រើនគ្រឿងរងការខូចខាត ៕
ចែករំលែកព័តមាននេះ