ADផ្ទាំងផ្សព្វផ្សាយពាណិជ្ជកម្ម

Picture

Djokovic ជាន់​ទីលាន​ជា​លើក​ដំបូង ក្រោយ​រឿង​ចម្រូង​ចម្រាស​ជិត​១​ស​ប្តា​ហ៍​នៅ​អូស្ត្រាលី

7 ខែ មុន

អូស្ត្រាលី ៖ កីឡាករ Novak Djokovic បាន​ជាន់​ទីលាន​វាយ​កូន​បាល់​វិញ​ហើយ កាលពី​ថ្ងៃ​ទី​១០ ខែមករា ឆ្នាំ​២០២២ សម្រាប់​ការ​ហ្វឹក

អូស្ត្រាលី ៖ កីឡាករ Novak Djokovic បាន​ជាន់​ទីលាន​វាយ​កូន​បាល់​វិញ​ហើយ កាលពី​ថ្ងៃ​ទី​១០ ខែមករា ឆ្នាំ​២០២២ សម្រាប់​ការ​ហ្វឹកហាត់ ក្រោយ​ឈ្នះ​បណ្តឹងឧទ្ធរណ៍​ប្រឆាំង​នឹង​ការ​និរទេស​ចេញពី​ប្រទេស​អូស្ត្រាលី ដើម្បី​អាច​មាន​សិទ្ធិ​ចូលរួម​ប្រកួត​ព្រឹត្តិការណ៍ Australian Open 2022​។ គួររំលឹកថា ក្តៅ​! Djokovic ឈ្នះ​បណ្តឹងឧទ្ធរណ៍​ប្រឆាំង​នឹង​ការ​និរទេស​ចេញពី​អូស្ត្រាលី

កីឡាករ​លេខ​១​ពិភពលោក​សញ្ជាតិ​ស៊ែ​ប​វ័យ​៣៤​ឆ្នាំ ដែល​មិន​បាន​ចាក់​វ៉ាក់សាំង​បង្ការ​កូ​វី​ដ​រូប​នេះ ត្រូវ​បាន​ដោះ​លែង​ពី​ការ​ឃុំឃាំង​នៅ​ក្នុង​សណ្ឋាគារ​អន្តោប្រវេសន៍​រយៈពេល​៤​យប់​កាលពី​ថ្ងៃ​ទី​១០ ខែមករា ក្រោយ​ចៅក្រម​តុលាការ​សហព័ន្ធ​លោក Anthony Kelly សម្រេច​ឱ្យ​រូបគេ​អាច​ស្នាក់​នៅ​ដោយ​មាន​សេរីភាព​ក្នុង​ប្រទេស​អូស្ត្រាលី​។

គួរ​រំលឹក​ថា Djokovic បាន​ធ្វើ​ដំណើរ​មក​ដល់​អូស្ត្រាលី​កាលពី​ថ្ងៃ​ទី​៥​ស​ប្តា​ហ៍​មុន ហើយ​ត្រូវ​បាន​ឃាត់ខ្លួន និង​ក្រោយមក​ត្រូវ​បាន​មន្ត្រី​ព្រំដែន​សម្រេច​លុប​ចោល​ទិដ្ឋាការ​ក្រោយ​រក​ឃើញ​ថា រូបគេ​មិន​បំពេញ​តាម​លក្ខណៈ​វិនិច្ឆ័យ​ត្រឹមត្រូវ ចំពោះ​ច្បាប់​ដែល​ជនបរទេស​ទាំងអស់​ត្រូវ​តែ​ចាក់​វ៉ាក់សាំង​ពេញលេញ​។ បើ​ទោះបីជា​គេ​មាន​លិខិត​លើកលែង​ផ្នែក​វេជ្ជសាស្ត្រ​យ៉ាងណា​ក៏​ដោយ​។ ខណៈ​មេធាវី Djokovic បាន​បញ្ជាក់​ថា ចាប់តាំងពី​គេ​ជា​សះស្បើយ​ពី​កូ​វី​ដ គេ​ពុំ​ចាំបាច់​ចាក់​វ៉ាក់សាំង​នោះ​ទេ ហើយ​ផ្អែក​លើ​មូលដ្ឋាន​នេះ គេ​មាន​សិទ្ធិ​ទទួល​បានការ​លើកលែង​ស្របច្បាប់ និង​ការ​ណែនាំ​របស់​រដ្ឋាភិបាល​អូស្ត្រាលី​។

បើ​ទោះ​ឈ្នះ​បណ្តឹងឧទ្ធរណ៍​ប្រឆាំង​ការ​និរទេស​ខ្លួន​ក៏​ពិតមែន ប៉ុន្តែ​មេធាវី​រដ្ឋាភិបាល​អូស្ត្រាលី លោក Christopher Tran បាន​ប្រាប់​ចៅក្រម​ថា រដ្ឋមន្ត្រី​អន្តោប្រវេសន៍​នឹង​ជា​អ្នក​ពិចារណា​ថា តើ​ត្រូវ​ប្រើ​អំណាច​ផ្ទាល់ខ្លួន​ដើម្បី​លុប​ចោល​ទិដ្ឋាការ​របស់ Djokovic ឬ​ក៏​អត់?

សូម​ជម្រាប​ថា ព្រឹត្តិការណ៍ Australian Open 2022 នឹង​ចាប់ផ្តើម​ដំណើរការ​ប្រកួត​ចាប់ពី​ថ្ងៃ​ទី​១៧ រហូត​ដល់​ថ្ងៃ​ទី​៣០ ខែមករា ឆ្នាំ ២០២២ ខាង​មុខ​នេះ​៕ (​ដកស្រង់​ចេញពី Reuters និង AP)

Picture
Picture
Picture
Picture
Picture
Picture
Picture
Picture
Picture
Picture
Picture