ជប៉ុននឹងសម្រេចចិត្តជុំវិញការបញ្ជូន ឬមិនបញ្ជូនអ្នកការទូតចូលរួមព្រឹត្តិការណ៍អូឡាំពិករដូវរងារទីក្រុងប៉េកាំង
ជប៉ុន ៖ នាយករដ្ឋមន្ត្រីជប៉ុន លោក Fumio Kishida បាននិយាយនៅថ្ងៃអង្គារនេះថា ជប៉ុននឹងធ្វើការសម្រេចចិត្តដោយខ្លួនឯង
ជប៉ុន ៖ នាយករដ្ឋមន្ត្រីជប៉ុន លោក Fumio Kishida បាននិយាយនៅថ្ងៃអង្គារនេះថា ជប៉ុននឹងធ្វើការសម្រេចចិត្តដោយខ្លួនឯងថាតើត្រូវបញ្ជូនអ្នកតំណាងការទូតទៅចូលរួមព្រឹត្តិការណ៍អូឡាំពិករដូវរងារឆ្នាំ ២០២២នៅទីក្រុងប៉េកាំង ឬយ៉ាងណា។ គួររំលឹកថា ផ្លូវការ! អាមេរិកប្រកាសធ្វើពហិការ ការទូតព្រឹត្តិការណ៍អូឡាំពិកក្រុងប៉េកាំង
លោកថ្លែងថា ជប៉ុននឹងពិចារណាលើកត្តាមួយចំនួននៅពេលធ្វើការសម្រេចចិត្តរួមមាន គោលបំណងនៃកីឡាអូឡាំពិក ស្ថានភាពការទូត និងផលប្រយោជន៍របស់ជប៉ុន។
ការថ្លែងរបស់មេដឹកនាំជប៉ុនកើតឡើងក្រោយពេលអាមេរិកបានប្រកាសមិនបញ្ជូនគណៈប្រតិភូការទូតទៅចូលរួមព្រឹត្តិការណ៍អូឡាំពិកនៅទីក្រុងប៉េកាំងឡើយ ដោយមានការព្រួយបារម្ភពីកំណត់ត្រារំលោ.ភសិទ្ធិមនុស្សរបស់ចិន។ ចំណែកចិនវិញនិយាយថាខ្លួននឹងចាត់វិធានការប្រឆាំងវិញក្នុងករណីមានការធ្វើពហិការ។
ព្រឹត្តិការណ៍អូឡាំពិករដូវរងារឆ្នាំ ២០២២ នឹងប្រព្រឹត្តិទៅចាប់ពីថ្ងៃទី៤ ដល់ទី២០ ខែកុម្ភៈ ឆ្នាំ ២០២២ ក្នុងទីក្រុងប៉េកាំង៕ (យោងតាមប្រភព៖ Channel News Asia)
ចែករំលែកព័តមាននេះ