ផ្លូវការ! អាមេរិកប្រកាសធ្វើពហិការ ការទូតព្រឹត្តិការណ៍អូឡាំពិកក្រុងប៉េកាំង
វ៉ាស៊ីនតោន ៖ សហរដ្ឋអាមេរិក បានប្រកាសជាផ្លូវការ ធ្វើពហិការការទូតព្រឹត្តិការណ៍កីឡាអូឡាំពិករដូវរងាឆ្នាំ ២០២២ នៅទីក្រុង
វ៉ាស៊ីនតោន ៖ សហរដ្ឋអាមេរិក បានប្រកាសជាផ្លូវការ ធ្វើពហិការការទូតព្រឹត្តិការណ៍កីឡាអូឡាំពិករដូវរងាឆ្នាំ ២០២២ នៅទីក្រុងប៉េកាំង ប្រទេសចិន។
សេចក្តីប្រកាសពីសេតវិមានបញ្ជាក់ថា គ្មានគណៈប្រតិភូផ្លូវការណាម្នាក់ នឹងត្រូវបញ្ជូនទៅព្រឹត្តិការណ៍នៅទីក្រុងប៉េកាំង ឆ្នាំក្រោយនោះទេ ដោយសារការព្រួយបារម្ភអំពីកំណត់ត្រារំលោភសិទ្ធិមនុស្ស របស់ប្រទេសយក្សអាស៊ីមួយនេះ។
ការប្រកាសធ្វើពហិការការទូត និងមិនប៉ះពាល់ដល់អត្តពលិកអាមេរិក ដែលទៅចូលរួមប្រកួតដណ្តើមមេដាយនោះទេ ហើយពួកគេនៅតែទទួលការគាំទ្រយ៉ាងពេញទំហឹងពីសំណាក់រដ្ឋាភិបាល។
ពាក់ព័ន្ធបញ្ហានេះ កន្លងមក ចិនធ្លាប់បានប្រកាសថា ខ្លួននឹងចាត់វិធានការប្រឆាំងយ៉ាងដាច់ខាត ចំពោះការធ្វើពហិការចូលរួមព្រឹត្តិការណ៍របស់ខ្លួន។
គួររំលឹកថា ប្រធានាធិបតីអាមេរិក ចូ បៃឌិន (Joe Biden) បាននិយាយកាលពីខែមុនថា លោកកំពុងថ្លឹងថ្លែងអំពីការធ្វើពហិការការទូតព្រឹត្តិការណ៍នេះ។ មុនពេលលេខាធិការសារព័ត៌មានសេតវិមានលោកស្រី Jen Psaki បានប្រកាសជាផ្លូវការ កាលពីថ្ងៃទី៦ ខែធ្នូ ដោយបញ្ជាក់ថា រដ្ឋបាលអាមេរិកនឹងមិនរួមចំណែកគាំទ្រ កីឡាអូឡាំពិកក្រុងប៉េកាំងនោះទេ។ ហើយតំណាងការទូត ឬមន្ត្រីខ្លួន នឹងចាត់ទុកការប្រកួតនោះ ជាអាជីវកម្មធម្មតានៅចំពោះមុខការរំលោភបំពានសិទ្ធិមនុស្សដ៏ធ្ងន់ធ្ងរ និងអំពើឃោរឃៅរបស់ចិន លើជនជាតិភាគតិចអ៊ុយហ្គឺ (Uighur) និងជនជាតិភាគតិចមូស្លីមផ្សេងទៀតនៅតំបន់ស៊ីនជាំង។
គួរបញ្ជាក់ថា ព្រឹត្តិការណ៍អូឡាំពិករដូវរងាទីក្រុងប៉េកាំងឆ្នាំ ២០២២ នឹងចាប់ផ្តើមនាថ្ងៃទី៤ ខែកុម្ភៈ រហូតដល់ថ្ងៃទី២០ ខែកុម្ភៈ។ ស្របពេលប៉ារ៉ាឡាំពិកនឹងចាប់ផ្តើមនាថ្ងៃទី៤ ខែមីនា រហូតដល់ថ្ងៃទី១៣ ខែមីនា៕
ចែករំលែកព័តមាននេះ