ខេត្តកំពង់ចាម ៖ ចៅក្រមស៊ើបសួរ សោ សុតា នៃសាលាដំបូងខេត្ត កាលពីថ្ងៃទី៨ មីនា ២០១៦ បានចេញដីកាឃុំខ្លួនអ្នកបើកបររថយន្តធុនធំដឹកដំឡូងមីម្នាក់ឈ្មោះសេង សុខលាង ហៅសុខ ណេង ភេទប្រុស អាយុ១៩ឆ្នាំ មានទីលំនៅក្នុងភូមិបុសខ្នុរ ឃុំបុសខ្នុរ
ខេត្តកំពង់ចាម ៖ ចៅក្រមស៊ើបសួរ សោ សុតា នៃសាលាដំបូងខេត្ត កាលពីថ្ងៃទី៨ មីនា ២០១៦ បានចេញដីកាឃុំខ្លួនអ្នកបើកបររថយន្តធុនធំដឹកដំឡូងមីម្នាក់ឈ្មោះសេង សុខលាង ហៅសុខ ណេង ភេទប្រុស អាយុ១៩ឆ្នាំ មានទីលំនៅក្នុងភូមិបុសខ្នុរ ឃុំបុសខ្នុរ ស្រុកចំការលើ ដោយត្រូវចោទពីបទបើកបរគ្មានប័ណ្ណ និងធ្វើឱ្យខូចខាតតាមមាត្រាទី៧៥ និង៤០នៃច្បាប់ចរាចរណ៍ និងក្រមព្រហ្មទណ្ឌ ហើយត្រូវសមត្ថកិច្ចនាំនៅដាក់ពន្ធនាគារខេត្តហើយ ។ បុករះខូចខាតរថយន្ត៧គ្រឿង រុញរថយន្តប្រេងបុកបាក់បង្កាន់ដៃស្ពានគីហ្ស៊ូណា
មន្ត្រីនគរបាលចរាចរណ៍ក្រុងកំពង់ចាមបានបញ្ជាក់ថា ចំពោះបង្កាន់ដៃស្ពានគីហ្សុណា ដែលរងការខូចខាតបាក់ប្រេះប្រវែងប្រហែល១០ម៉ែត្រនោះ ត្រូវបានមន្ទីរសាធារណៈការខេត្តកំពង់ចាម ប្តឹងទាមទារចំនួនជិត៣០.០០០ដុល្លារ ពីម្ចាស់រថយន្តដឹកដំឡូងមីស្រស់ខាងលើ ។ ចំណែកឯអ្នកបើកបរបង្ក ត្រូវបាននគរបាលចរាចរក្រុងកំពង់ចាម នាំទៅដាក់ពន្ធនាគារខេត្តជាបណ្តោះអាសន្ន កាលពីថ្ងៃទី៨ មីនា ដើម្បីរង់ចាំការដោះស្រាយតាមច្បាប់ ។
ចែករំលែកព័តមាននេះ