បុករះខូចខាតរថយន្ត៧គ្រឿង រុញរថយន្តប្រេងបុកបាក់បង្កាន់ដៃស្ពានគីហ្ស៊ូណា
ខេត្តកំពង់ចាម ៖ រថយន្តជាច្រើនគ្រឿងបានកកស្ទះ ចម្ងាយប្រហែលជាង២គីឡូម៉ែត្រ ដោយសារតែមានករណីគ្រោះថ្នាក់ចរាចរនៅលើស្ពានគីហ្ស៊ូណា
ខេត្តកំពង់ចាម ៖ រថយន្តជាច្រើនគ្រឿងបានកកស្ទះ ចម្ងាយប្រហែលជាង២គីឡូម៉ែត្រ ដោយសារតែមានករណីគ្រោះថ្នាក់ចរាចរនៅលើស្ពានគីហ្ស៊ូណា
ខេត្តកំពង់ចាម ៖ រថយន្តជាច្រើនគ្រឿងបានកកស្ទះ ចម្ងាយប្រហែលជាង២គីឡូម៉ែត្រ ដោយសារតែមានករណីគ្រោះថ្នាក់ចរាចរនៅលើស្ពានគីហ្ស៊ូណា ។ ហេតុការណ៏នោះកើតឡើងនៅវេលាម៉ោងប្រហែល៧និង៣០នាទីយប់ថ្ងៃទី០៤ ខែមីនា នៅលើស្ពានគីហ្ស៊ូណា ដោយសារតែរថយន្តធុនធំមួយគ្រឿងដឹកដំឡូងមី បានបុករះរថយន្តចំនួន៧គ្រឿង ថែមទាំងរុញរថយន្តដឹកប្រេងរបស់ក្រុមហ៊ុនថារីជ្រុលទៅបុកបាក់បង្កាន់ដៃស្ពាន ហើយរថយន្តបង្កហេតុបានក្រឡាប់ចាក់ដំឡូងរាយប៉ាយ និងសង្កត់លើរថយន្តកាមរីឆ្លាមមួយគ្រឿងផងដែរ ។
សាក្សីដែលបានឃើញហេតុការណ៏ប្រាប់ឲ្យដឹងថា រូបលោកបានជិះរថយន្តកាមរីឆ្លាមមួយគ្រឿងចេញពីត្រើយខាងលិចឆ្ពោះទៅត្រើយខាងកើត ឆ្លងស្ពានគីហ្ស៊ូណា ដើម្បីទៅចូលរួមមង្គលការគេ ពេលកំពុងតែបើកបររថយន្ត ស្រាប់តែរថយន្តធុនយក្សដឹកដំឡូងមីមួយគ្រឿងពេញសណ្តោងរ៉ឺម៉ក ស្របទិសគ្នាក្នុងល្បឿលឿន មកកៀររថយន្តរបស់គាត់ និងបានបើកវ៉ាគេឯងថែមទៀត ។ សាក្សីបានប្រាប់បន្តថា បន្ទាប់មករថយន្តដឹកដំឡូងបានបុករះ រថយន្ត តូចធំ រហូតដល់ទៅ៧គ្រឿង ក្នុងនោះមានរថយន្តស៊ីទែនដឹកប្រេងរបស់ក្រុមហ៊ុនថារី ឲ្យទៅបុកបង្កាន់ដៃស្ពានគីហ្ស៊ូណាបាក់ថែមទៀត សំណាងល្អរថយន្តមិនបានធ្លាក់ចុះក្រោម ។
ហើយរថយន្តបង្កបានបន្តបុករះទៅខាងមុខទៀត ស្រាប់តែក្រឡាប់ត្រង់ចំណុចក្បាលស្ពានត្រើយខាងកើត ក៏ធ្លាក់ដំឡូងមីសង្កត់លើរថយន្តកាមរីឆ្លាមមួយគ្រឿង ។ សមត្ថកិច្ចដែលការពារស្ពានគីហ្ស៊ូណា ប្រាប់ឲ្យដឹងថា រហូតមកដល់វេលាម៉ោង៩យប់ ចរាចរនៅលើស្ពានគីហ្ស៊ូណានូវតែមានភាពកកស្ទះ ជាមួយនោះសមត្ថកិច្ចក៏បានស្ទូចយករថយន្តដឹកដំឡូងឡើងវិញ ទើបអាចដំណើរការជាធម្មតាវិញ ។
លោកឧត្តមសេនីយ៍ទោ បែន រ័ត្ន ស្នងការនគរបាលខេត្តកំពង់ចាម មានប្រសាសន៍ឲ្យដឹងថា ក្រោយពីទទួលបានសេចក្តីរាយ ការណ៍ពីសមត្ថកិច្ចការពារស្ពានគីហ្ស៊ូណា ភ្លាមៗនោះរូបលោកក៏បានចុះទៅដល់កន្លែងកើតហេតុ ដោយមានការចូលរួមពីស្ថាប័នកងរាជអាវុធហត្ថ ក៏បានឃាត់ខ្លួនអ្នកបើកបរ២នាក់ ម្នាក់ជាអ្នកបើក រថយន្តដឹកសាំង និងម្នាក់ទៀតជាអ្នកបើករថយន្តដឹកដំឡូង ។ កម្លាំងអធិការដ្ឋាននគរបាល ក្រុង កំពង់ចាម និងនគរបាលចរាចរស្រុកត្បូងឃ្មុំ បានជួយសម្រួលចរាចរ ដើម្បីបញ្ចៀសកុំឲ្យមានភាពកកស្ទះ ៕
ចែករំលែកព័តមាននេះ