ខេត្តកំពង់ស្ពឺ៖ បុរសជាប្ដីបានស្លាប់ភ្លាមៗនៅកន្លែងកើតហេតុ ប្រពន្ធបានរងរបួសធ្ងន់ធ្ងរ ត្រូវបានដឹកយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺ ខណៈដែលជិះម៉ូតូឌុបប្រពន្ធហើយបុកជាមួយរថយន្តរបស់លោកតាវ័យ៧៣ឆ្នាំ កំពុងបើកបរបត់ឆ្លងផ្លូវពេញទំហឹង។
ហេតុការណ៍ម៉ូតូបុកជាមួយរថយន្តបត់ឆ្លងផ្លូវបានកើតឡើងកាលពីវេលាម៉ោង៦និង២០នាទីព្រឹកថ្ងៃទី១៤ ខែមេសា ឆ្នាំ២០២៦ នៅលើកំណាត់ផ្លូវជាតិលេខ៣ ចន្លោះបង្គោលគីឡូម៉ែតលេខ៣៧ ទៅលេខ៣៨ ត្រង់ចំណុចភូមិក្រសាំងជីមែ ឃុំវាល ស្រុកគងពិសី ខេត្តកំពង់ស្ពឺ ។
នគរបាលស្រុកគងពិសីបាននិយាយឱ្យដឹងថា នៅមុនពេលកើតហេតុមានម៉ូតូមួយគ្រឿងម៉ាកហុងដាសេ១២៥(HONDA DREAM )ស៊េរីឆ្នាំ២០១៥ ពណ៌ខ្មៅ ពាក់ផ្លាកលេខ កំពង់ឆ្នាំង1E-4250 បើកបរដោយឈ្មោះ សេង រិទ្ធ ភេទប្រុស អាយុប្រហែល៤០ឆ្នាំ មុខរបរកសិករ(ពាក់មួកសុវត្ថិភាព) រស់នៅក្នុងភូមិវត្តថ្មី ឃុំត្រចេស ស្រុកកំពង់ត្រឡាច់ ខេត្តកំពង់ឆ្នាំង(បានស្លាប់ភ្លាមៗនៅកន្លែងកើតហេតុ) អ្នករួមដំណើរ ឈ្មោះ ឡុង ស្ដើង ភេទស្រី អាយុប្រហែល៤០ឆ្នាំ ត្រូវជាប្រពន្ធ (បានរងរបួសធ្ងន់ធ្ងរ) (ពាក់មួកសុវត្ថិភាព) បុរសពីរនាក់ប្ដីប្រពន្ធ បានបើកបរតាមបណ្ដោយផ្លូវជាតិលេខ៣ ពីទិសខាងជើងទៅខាងត្បូង លុះពេលធ្វើដំណើរមកដល់ចំណុចកើតហេតុខាងលើបានបុកជាមួយរថយន្តម៉ាកតូយ៉ូតាកូរ៉ូឡា( Toyota Corolla )ស៊េរីឆ្នាំ១៩៩៤ ពណ៌បៃតងក្រម៉ៅ ពាក់ផ្លាកលេខកណ្ដាល 2A-8045 កំពុងបត់ឆ្លងផ្លូវជាតិលេខ៣ ដែលបើកបរដោយឈ្មោះ គិត ណុប ភេទប្រុស អាយុ៧៣ឆ្នាំ រស់នៅក្នុងភូមិព្រៃឃ្លៃ ឃុំស្រែចែង ស្រុកជុំគិរី ខេត្តកំពត មុខរបរកសិករ (បើកបរពីទិសខាងជើងទៅទិសខាងត្បូងរថយន្តបាន បត់ចូលតាមផ្លូវ ១២៧ ចំហៀងរថយន្តយ៉ាង ពេញទំហឹងបណ្ដាលឱ្យស្លាប់មនុស្ស ១ នាក់អ្នកបើកបរម៉ូតូឈ្មោះសេង រិទ្ធ នៅកន្លែងកើតហេតុ ប្រពន្ធរងរបួសធ្ងន់ធ្ងរ ។
នគរបាលស្រុកគងពិសីបានបន្តអត់ដឹងទេថាក្រោយកើតហេតុនគរបាលជំនាញបានចុះធ្វើការរបស់វែងនៅកន្លែងកើតហេតុចំពោះសពប្រុសជនរងគ្រោះនគរបាលជំនាញ។បានប្រគល់ជូនសាច់ញ្ញាតិក្រុមគ្រួសារយកទៅធ្វើបុណ្យតាមប្រពៃណី)។ ដោយឡែកអ្នកបើកបររថយន្ដលោកតាវ័យ៧៣ឆ្នាំ ត្រូវបានសមត្ថកិច្ចនាំយកមកអធិកាដ្ឋាននគរបាលស្រុកគងពិសីដើម្បីសួរនាំ។
នគរបាលស្រុកគងពិសីបានបញ្ជាក់ថា ចំពោះរថយន្ដនិងម៉ូតូត្រូវបានសម្ថកិច្ចនគរបាលជំនាញយកទៅរក្សាទុកនៅប៉ុស្ដិ៍នគរបាលរដ្ឋបាលឃុំវាលបណ្តោះអាសន្នសិន រង់ចាំកសាងសំណុំរឿងបញ្ជូន ដើម្បីចាត់ការបន្ដតាមផ្លូវច្បាប់៕
ចែករំលែកព័តមាននេះ