សោកនា.ដកម្មលើផ្លូវជាតិលេខ៦ ម៉ូតូបើកលឿនបុ.កជាមួយឡានក្រុងដឹកអ្នកដំណើរ ស្លា.ប់បុរស២នាក់
- សៀមរាប
ខេត្តសៀមរាប ៖ បុរស២ នាក់ បើកម៉ូតូ ក្នុងល្បឿនលឿន ចូលចំពីរមុខ រថយន្តក្រុងដឹកអ្នកដំណើរ ខ្វះការប្រុងប្រយ័ត្ន បណ្តាលឱ្យស្លាប់ទាំង២នាក់…
ខេត្តសៀមរាប ៖ បុរស២ នាក់ បើកម៉ូតូ ក្នុងល្បឿនលឿន ចូលចំពីរមុខ រថយន្តក្រុងដឹកអ្នកដំណើរ ខ្វះការប្រុងប្រយ័ត្ន បណ្តាលឱ្យស្លាប់ទាំង២នាក់ ។ រីឯអ្នកបើកបររថយន្តគេចខ្លួនបាត់ បន្សល់ទុករថយន្តនៅកន្លែងកើតហេតុធ្វើឱ្យកកស្ទះចរាចរណ៍ ។ ហេតុការណ៍គ្រោះថ្នាក់ចរាចរណ៍ បណ្តាលឱ្យស្លាប់មនុស្ស២ នោះ បង្កការភ្ញាក់ផ្អើលពេញ ផ្លូវ បានកើតឡើងនៅ វេលាម៉ោ០៥ និង ៣០ នាទីព្រឹក ថ្ងៃទី០៤ ខែមេសា ឆ្នាំ២០២៦ ត្រង់ចំណុច ផ្លូវជាតិលេខ៦ ចន្លោះគីឡូម៉ែត្រលេខ ២៨៤- ២៨៥ ស្ថិតនៅក្នុងភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប ។
បើតាមប្រភពពីសមត្ថកិច្ច ជំនាញ បានប្រាប់ភ្នាក់ងារកោះសន្តិភាពនៅ វេលាម៉ោង ៩ និង ៤៥ នាទីព្រឹក ថ្ងៃទី៥ ខែមេសា ឆ្នាំ២០២៦ នេះថា ពិតជាមានករណីគ្រោះថ្នាក់ចរាចរណ៍ បង្កឡើង ដោយម៉ូតូ១គ្រឿងម៉ាកC125 ហុងដាឌ្រីម ពណ៍ខ្មៅ ពាក់ស្លាកលេខ សៀមរាប 1AU-3938 បើកបរដោយឈ្មោះ សេន សិទ្ធ ភេទប្រុស អាយុ២៨ឆ្នាំ រស់នៅភូមិគោកឬស្សីខាងត្បូង ឃុំដានរុន ស្រុកសូទ្រ និគម ខេត្តសៀមរាប បើកបរក្នុងទិសដៅពីលិចទៅកើតដឹកអ្នករួមដំណើរ០១នាក់ បានបុករថយន្ត ក្រុង០១គ្រឿង CAMBO LINKEXPRESS ម៉ាក់HYUNDAI ពណ៍ក្រហម ពាក់ស្លាកលេខភ្នំពេញ3D-4567 អ្នកបើកបរ រត់គេចខ្លួន(ពុំស្គាល់អត្តសញ្ញាណ) បើកបរ ពីទិសខាង កើតទៅលិច បណ្ដាលឱ្យស្លាប់មនុស្សចំនួន ០២នាក់ រួមមាន ១-ឈ្មោះ សេន សិទ្ធ ភេទប្រុស អាយុ ២៨ឆ្នាំ ទីលំនៅភូមិគោកឬស្សីខាងត្បូង ឃុំដានរុន ស្រុកសូទ្រនិគម ខេត្តសៀមរាប ជា (អ្នកបើកបរម៉ូតូ) ស្លាប់។ ២/ឈ្មោះ ស្មាន សាលេះ ភេទប្រុស អាយុ ៣១ឆ្នាំ ជនជាតិ ឥស្លាម មានទីលំនៅភូមិកំពង់ត្រាចក្រោម ឃុំកំពង់ ត្រាច ស្រុកកំពង់ត្រឡាច ខេត្តកំពង់ឆ្នាំង (ជាអ្នករួមដំណើរជាមួយម៉ូតូ) ស្លាប់ ។
មូលហេតុ :អ្នកបើកបរម៉ូតូបើកបរក្នុងល្បឿនលឿន ខ្វះការប្រុងប្រយ័ត្ន ។
បច្ចុប្បន្ន សាកសព បុរស ទាំងពីរ នាក់ ត្រូវបានកម្លាំងនគរបាលជំនាញ បានរៀបចំ ប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។ ចំពោះ វត្ថុតាង ទាំង ពីរគ្រឿង ត្រូវកម្លាំងនគរបាល នៃអធិការដ្ឋាននគរបាលស្រុកសូទ្រនិគម ខេត្តសៀមរាប យក ទៅរក្សាទុក ដើម្បីរង់ចាំដោះស្រាយ ទៅតាមផ្លូវច្បាប់ ៕
ចែករំលែកព័តមាននេះ