ខេត្តកំពត ៖ រថយន្តមួយគ្រឿង សង្ស័យអ្នកបើកបរស្រវឹង បានបុករះរបងផ្ទះអ្នកភូមិហើយក្រឡាប់៣ត្រឡប់ទៅបុកដើមដូង បណ្តាលឱ្យរថយន្តរងការខូចខាតយ៉ាងដំណំ ចំណែកអ្នកបើកបររងរបួសស្រាល ។ ហេតុការណ៍ខាងលើនេះបានកើតឡើងកាលពីវេលាម៉ោង7យប់ថ្ងៃទី7 ខែមេសា…
ខេត្តកំពត ៖ រថយន្តមួយគ្រឿង សង្ស័យអ្នកបើកបរស្រវឹង បានបុករះរបងផ្ទះអ្នកភូមិហើយក្រឡាប់៣ត្រឡប់ទៅបុកដើមដូង បណ្តាលឱ្យរថយន្តរងការខូចខាតយ៉ាងដំណំ ចំណែកអ្នកបើកបររងរបួសស្រាល ។
ហេតុការណ៍ខាងលើនេះបានកើតឡើងកាលពីវេលាម៉ោង7យប់ថ្ងៃទី7 ខែមេសា ឆ្នាំ2026 នៅនៅលើផ្លូវជាតិលេខ31 ស្ថិតក្នុងភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។
ប៉ូលិសប៉ុស្លិរប្រាសាទភ្នំខ្យងបាននិយាយអោយដឹងថា មុនពេលកើតហេតុ មានរថយន្តមួយគ្រឿងម៉ាកកាមរី ពណ៍ស បើកបរតែម្នាក់ឯងនៅលើផ្លូវជាតិលេខ31 ក្នុងទិសដៅពីត្បូងទៅជើង ដោយមានអ្នកបើកបរមានស្ថានភាពស្រវឹង ហើយបានរេចង្កូតទៅបុករបងផ្ទះប្រជាពលរដ្ឋនៅខាងលិចផ្លូវ រួចក្រឡាប់បីត្រឡប់ទៅបុកដើមដូង ជ្រុះផ្លែដូងជាច្រើនផ្លែ។
ប៉ូលិសបានឱ្យដឹងបន្តថា អ្នកបើកបរបានស្រែកអោយអ្នកភូមិជួយ និងនិយាយប្រាប់អ្នកភូមិក្នុងស្ថានភាពស្រវឹងស្រាថា រូបគេបានដឹកឥវ៉ាន់ចុះពីលើភ្នំបូកគោទៅកាន់ស្រុកកំណើតនៅតានី ស្រុកអង្គរជ័យ។
បន្ទាប់ពីប៉ូលិសសួរនាំរួចហើយ អ្នកបើករថយន្តរបួសស្រាលត្រូវបានក្រុមសាច់ញាតដឹកទៅកាន់ទៅតានីទាំងយប់ទុករថយន្តចោលនៅជាប់របងផ្ទះអ្នកភូមិជ្រោះតាសោម ។ ពិតជាសំណាងណាស់រថយន្តបើករេចង្កូតមកពីត្បូងពេលបុករះទៅធ្លាក់ខាងឆ្វេងដៃហើយបើមានរថយន្តណាមកពីខាងមុខពិតជាគ្រោះថ្នាក់ជាក់ជាមិនខានឡើយ ៕
ចែករំលែកព័តមាននេះ