អង្គការសហប្រជាជាតិ ៖ ក្រុមប្រឹក្សាសន្តិសុខអ.ស.ប កាលពីថ្ងៃទី២១ សីហា បានបោះឆ្នោតជាលើកទី២ សំដៅជ្រើសតាំងអគ្គលេខាធិការថ្មី ក្នុងពេលកំពុងមានការបែកបាក់គ្នាខ្លាំង ក្នុងផ្ទៃនៃអង្គការពិភពលោកនោះ ។
មកដល់ពេលនេះ មានបុរស៣នាក់ និងនារី៥នាក់បានឈរឈ្មោះបេក្ខជន សម្រាប់បន្តវេនពីលោកអានតូនីញ៉ូហ្គូទែររេស ជន ជាតិព័រទុយហ្គាល់ អាយុ៧៧ឆ្នាំ ដែលលោកត្រូវបញ្ចប់អាណត្តិទី២រយៈពេល៥ឆ្នាំ នាថ្ងៃទី៣១ ធ្នូ ខាងមុខ ។ រួមប្រជុំជាសម្ងាត់ចាប់ពីម៉ោង១០ម៉ោង នៅក្រុងញូវយ៉កទៅ សមាជិកទាំង១៥របស់ក្រុមប្រឹក្សាសន្តិសុខអ.ស.ប ត្រូវវាយតម្លៃលើបេក្ខជននីមួយៗ តាមរយៈញត្តិលើកទឹកចិត្ត មិនលើកទឹកចិត្ត ឬគ្មានមតិ។
បន្ទាប់ពីការបោះឆ្នោតជុំទី១ កាលពីថ្ងៃទី៣០ កក្កដា លោកស្រី REBERCA GRYSPAN អតីតអនុប្រធានាធិបតីកូស្តារីកា និងជាប្រមុខទីភ្នាក់ងារអ.ស.ប ទទួលបន្ទុកពាណិជ្ជកម្ម និងការអភិវឌ្ឍ(ONUCED)អាយុ៧០ឆ្នាំ ទទួលបានញត្តិគាំទ្រច្រើនជាងគេ។ ទោះបីយ៉ាងនេះក្ដី បណ្ដាអ្នកការទូតគិតថា សំឡេងអាចមានការផ្លាស់ប្ដូរ បើ់ប្រៀបធៀបទៅនឹងការបោះឆ្នោតកាលពីខែកក្កដា។ វាមានលទ្ធភាពខ្ពស់ដែលក្រោយពីការបោះឆ្នោតនោះ បេក្ខជនមួយចំនួនអាចបោះបង់ការប្រកួតពាក់កណ្ដាលផ្លូវ។
ការបោះឆ្នោតជ្រើសរើសនេះ ប្រព្រឹត្តទៅ ពេលដែលអ.ស.បកំពុងឆ្លងកាត់ដំណាក់កាលដ៏លំបាកបំផុតមួយជាប្រវត្តិសាស្ត្រ ហើយកំពុងប្រឈមមុខនិងការចុះខ្សោយនៃពហុនិយម និងការបែកបាក់គ្នាជាប់ក្នុងក្រុមប្រឹក្សាសន្តិសុខ និងវិបត្តិហិរញ្ញវត្ថុធ្ងន់ធ្ងរ។ ក្រោមការគាបសង្កត់របស់អាមេរិក ក្រោមលោកដូណាល់ត្រាំ ដែលរិះគន់ជាប់ចំពោះតួនាទី និងការផ្គត់ផ្គង់ហិរញ្ញវត្ថុ
អ.ស.បត្រូវប្រឈមមុខចំពោះការកើនឡើងនៃជម្លោះចម្បងៗ ចំណែកការកាត់ផ្ដាច់ថវិកាគំរាមកំហែងដល់បណ្ដាប្រតិបត្តិមនុស្សធម៌និងថែរក្សាសនិ្តភាព ។
ដំណើរការនៃការបោះឆ្នោតជ្រើសតាំងអគ្គលេខាធិការថ្មីអ.ស.ប អាចប្រើពេលច្រើនសប្ដាហ៍ ឬច្រើនខែ ដោយបេក្ខជនម្នាក់ត្រូវទទួលបានសំឡេងយ៉ាងតិច៩ និងគ្មានវេតូរបស់សមាជិកអចិន្ត្រៃយ៍ណាមួយនៃក្រុមប្រឹក្សាសន្តិសុខដែលមាន៥ប្រទេស ។ មានរដ្ឋកាន់តែច្រើនក៏ស្នើដែរ ដើម្បីឲ្យនារីម្នាក់កាន់តំណែងលើកដំបូងជាប្រមុខអ.ស.ប ។ សម្រាប់ពេលនេះ លោកស្រី REBERCA GRYSPANមានសំឡេងនាំមុខអតីតរដ្ឋមន្ត្រីហ្គុយយ៉ានលោកស្រីCALOLYN RODRIGUES BIRKETTអាយុ៥២ឆ្នាំ និងប្រមុខទីភ្នាក់ងារថាមពលបរមាណូអន្តរជាតិ ជនជាតិអាហ្សង់ទីន លោករ៉ាហ្វាអែលហ្គ្រោសស៊ី អាយុ៦៥ឆ្នាំ៕
ចែករំលែកព័តមាននេះ