រុស្ស៊ី-លីប៊ី ៖ ការបង្កើនកិច្ចសហប្រតិបត្តិការយោធារវាងលីប៊ី និងរុស្ស៊ី ជាកម្មវត្ថុនៃការពិភាក្សាគ្នានៅក្រុងមូស្គូ នាឱកាសទស្សនកិច្ចរបស់ឧត្ដមសេនីយសាដាមហាហ្វតា អគ្គមេបញ្ជាការរងនៃកងទ័ពជាតិលីប៊ី ដែលត្រួតត្រាភាគខាងកើតប្រទេសនេះ។
ជាមួយបណ្ដាមេដឹកនាំរុស្ស៊ី អគ្គមេបញ្ជាការរងនៃកងទ័ពជាតិលីប៊ីរូបនោះ បានពិភាក្សាគ្នាពីការជួយបណ្ដុះបណ្ដាលបណ្ដាមន្ត្រីយោធា ជួយពង្រឹងសមត្ថភាពរៀបចំការប្រយុទ្ធសម្រាប់កងទ័ពលីប៊ី ។
តាមកងទ័ពជាតិលីប៊ីថា នេះជាការពង្រឹងទំនាក់ទំំនងភាតរភាពដ៏ជ្រាលជ្រៅរវាងប្រទេសទាំង២ ។ តាមបណ្ដាញសង្គមFACEBOOK អគ្គមេបញ្ជាការរងរូបនោះលើកឡើងទៀតថា ការពិភាក្សាគ្នានោះ បើកផ្លូវទៅរកភាពជាដៃគូយុទ្ថសាស្ត្ររវាងប្រទេសទាំង២ ដែលនឹងបម្រើផលប្រយោជន៍រួម ហើយជួយទ្រទ្រង់់ដល់ការខិតខំប្រឹងប្រែងនានាសំដៅថែរក្សាសន្តិសុខនិង
ស្ថេរភាពតំបន់។ ការជួបគ្នានោះ ប្រព្រឹត្តទៅប្រកបដោយផ្លែផ្កា និងអាចគូសបញ្ជាក់ពីសារសំខាន់នៃកិច្ចសហប្រតិបត្តិការលីប៊ី-
រុស្ស៊ីក្នុងវិស័យច្រើនទៀត ។
ចំណែកប្រធានាធិបតីរុស្ស៊ីលោកវ្ល៉ាឌីមៀរ ពូទីនវិញ បានសរសើរដល់តួនាទីរបស់កងទ័ពជាតិលីប៊ី ក្នុងការថែរក្សាសន្តិសុខនិងស្ថេរភាពនៅលីប៊ី និងការខិតខំប្រឹងប្រែងរបស់កងទ័ពនោះដើម្បីអភិវឌ្ឍនិងពង្រឹងសមត្ថភាពរបស់កងទ័ពដែលត្រួតត្រាភាគខាងកើតលីប៊ី ។ ក្រុងមូស្គូអះអាងជាថ្មីម្ដងទៀត ពីមការជួយទ្រទ្រង់របស់ខ្លួនដល់បណ្ដាការខិតខំប្រឹងប្រែង ដែលសំដៅបង្រួបបង្រួមបណ្ដាស្ថាប័នលីប៊ី ពង្រឹងស្ថេរភាពនិងថែរក្សាបូរណភាពដែនដីលីប៊ីដែលហែកហួរដោយសារសង្គ្រាមស៊ីវិល ចាប់តាំងពីការផ្ដួលរំលំរបបលោកមូអាម៉ាកាដាហ្វីមក ។
រយៈពេលប៉ុន្មានឆ្នាំចុងក្រោយនេះ ក្រុងមូស្គូបានរក្សាទំនាក់ទំនងជិតស្និទ្ធជាមួយរដ្ឋអំណាចភាគខាងកើតលីប៊ី ត្រួតត្រាដោយសេនាប្រមុខហាហ្វតាដោយជួយទាំងនយោបាយនិងសម្ភារ ។ ក្រុងមូស្គូបានបង្កើតមូលដ្ឋានយោធានៅក្រុងបេនហ្គាហ្ស៊ី និងនៅភាគខាងត្បូងលីប៊ី ។ វត្តមាននោះអាចឲ្យរុស្ស៊ីការពារផលប្រយោជន៍យុទ្ធសាស្ត្រយោធានិងសេដ្ឋកិច្ច នៅទ្វីបអាហ្វ្រិក។
ទស្សនកិច្ចរបស់ឧត្ដមសេនីយសាដាមហាហ្វតានៅរុស្ស៊ី ធ្វើឡើងក្នុងពេលកំពុងមានបញ្ហាក្នុងប្រទេសលីប៊ី។
នាខូបលើកទី១៥នៃការ ផ្ដួលរំលំរបបលោកមូអាម៉ាកាដាហ្វីដែលរបបនោះធ្លាប់ធ្វើឲ្យលីប៊ីរុងរឿងខ្លាំង អាចជួយដល់បណ្ដាប្រទេសអារ៉ាប់ផ្សេងៗពិសេសពួកប៉ាឡេស្ទីន អំពើហិង្សានានានៅតែកើតមានជាប់រដឹកទាំងនៅភាគខាងកើតទាំងនៅភាគខាងលិចប្រទេសនេះ។ នៅក្រុងបេនហ្គាហ្ស៊ីឧត្តមសេនីយម៉ានស៊ូរី ប្រមុខភ្នាក់ងារស៊ើបការណ៍របស់សេនាប្រមុខខាលីហ្វាហ្វាហ្វតាត្រូវគេធ្វើឃាត ។
នៅភាគខាងលិចត្រួតត្រាដោយរដ្ឋាភិបាលដែលអន្តរជាតិទទួលស្គាល់ មានការវាយប្រហារដោយដ្រូនសំដៅទីតាំងថាមពលសំខាន់នៅហ្សាវីយ៉ាខណៈលីប៊ីត្រូវបានពុះចែកដែនដីត្រូតត្រាជា២ ដោយប៉ែកខាងកើតគ្រប់គ្រងដោយរដ្ឋាភិបាលមួយ ហើយរដ្ឋាភិបាលមួយទៀតដែលកាន់កាប់រដ្ឋធានីទ្រីប៉ូលី ជាអ្នកត្រួតត្រាភាគខាងលិចប្រទេស៕
ចែករំលែកព័តមាននេះ