ADផ្ទាំងផ្សព្វផ្សាយពាណិជ្ជកម្ម

Picture

បំផ្ទុះ​គ្រាប់បែក ២​កន្លែង ខាងក្រៅ​ព្រ​លាន​ក្រុង​កា​ប៊ុល ស្លាប់​មនុស្ស​យ៉ាង​ហោច ១៣​នាក់

1 ខែ មុន

វ៉ា​ស៊ី​ន​តោន ៖ អ្នកនាំពាក្យ​មន្ទីរ​បញ្ច​កោណ​លោក John Kirby បាន​បញ្ជាក់​នៅ​លើ​បណ្ដាញ​សង្គម Twitter នៅ​ថ្ងៃ​ព្រហស្បតិ៍ ទី​២៦ សីហា…

វ៉ា​ស៊ី​ន​តោន ៖ អ្នកនាំពាក្យ​មន្ទីរ​បញ្ច​កោណ​លោក John Kirby បាន​បញ្ជាក់​នៅ​លើ​បណ្ដាញ​សង្គម Twitter នៅ​ថ្ងៃ​ព្រហស្បតិ៍ ទី​២៦ សីហា ២០២១​នេះ​ថា “​ការ​ផ្ទុះ​នៅ​ឯ​ច្រក Abbe គឺជា​ការ​វាយប្រហារ​អត្តឃាត ដែល​បណ្តាល​ឲ្យ​មាន​អ្នក​ស្លាប់ និង​របួស​ជន​ស៊ី​វិល​អា​មេ​រិ​ក យើង​ក៏​អាច​បញ្ជាក់​បាន​ថា យ៉ាង​ហោច​ណាស់​មានការ​ផ្ទុះ​មួយ​ផ្សេង​ទៀត នៅ​ជិត​សណ្ឋាគារ Baron ដែល​នៅ​មិន​ឆ្ងាយ​ប៉ុន្មាន​ពី​ច្រក Abbey ។ យើង​នឹង​បន្ត​ផ្តល់​ព័ត៌មាន​លម្អិត​បន្ថែម​” ។

អាកាសយានដ្ឋាន​អន្តរជាតិ ហា​មី​ដ​កា​ហ្សៃ (Hamid Karzai) ក្នុង​ទីក្រុង​កា​ប៊ុល ជា​កន្លែង​ដែល​កងកម្លាំង​លោក​ខាងលិច​កំពុង​ប្រញាប់ប្រញាល់​ជម្លៀស​មនុស្ស​ឲ្យ​បាន​ច្រើន​តាម​ដែល​អាច​ធ្វើ​ទៅ​បាន ។

ដោយឡែក ប្រធានាធិបតី​បារាំង ខណៈ​កំពុង​ធ្វើ​ទស្សនកិច្ច​នៅ​ប្រទេស​អៀ​ឡង់ លោក អេ​ម៉ា​នុយ​អែ​ល ម៉ា​ក្រុង បាន​និយាយ នៅ​ថ្ងៃ​ព្រហស្បតិ៍​នេះ​ថា ស្ថានការណ៍​នៅ​អា​ហ្វ​ហ្កា​នី​ស្ថាន​កាន់តែ​យ៉ាប់យ៉ឺន​យ៉ាង​ខ្លាំង ដោយសារ​គ្រាប់បែក​អត្តឃាត ដែល​បាន​ផ្ទុះ​នៅ​ខាងក្រៅ​អាកាសយានដ្ឋាន​ក្រុង​កា​ប៊ុល ហើយ​បាន​សម្លាប់​មនុស្ស​យ៉ាងតិច ១៣​នាក់ ។ ក្មេង​ៗ ត្រូវ​បាន​គេ​រាយការណ៍​ថា ស្ថិត​ក្នុង​ចំណោម​អ្នក​ស្លាប់ ។

លោក Emmanuel Macron បាន​ប្រាប់​សន្និសីទ​សារព័ត៌មាន​រួម​គ្នា ជាមួយ​នាយក​រដ្ឋមន្ត្រី​អៀរ​ឡង់​លោក Micheal Martin ដោយ​អំពាវនាវ​ឲ្យ​មានការ​ប្រុង​ប្រយ័ត្ន​ខ្ពស់ ។

លោក​បាន​បន្ថែម​ថា ឯកអគ្គរដ្ឋទូត​បារាំង​ប្រចាំ​នៅ​អា​ហ្វ​ហ្គា​នី​ស្ថាន នឹង​មិន​បន្ត​នៅ​ក្នុង​ប្រទេស​នេះ​ឡើយ​ដោយ​ហេតុផល​សន្តិសុខ ហើយនឹង​បន្ថែម​កម្លាំង​ពិសេស​របស់​បារាំង នៅ​ឯ​ព្រ​លាន​យន្តហោះ ។

ចំណែកឯ​មន្ត្រី​ស្ថានទូត​អា​មេ​រិ​ក នៅ​ទីក្រុង​កា​ប៊ុល បាន​ចេញ​សេចក្តី​ប្រកាស​ព្រមាន​ពី​សន្តិសុខ​មួយ មុន​ពេល​ការ​ផ្ទុះ​កើតឡើង ដោយ​ប្រាប់​ឱ្យ​ជនជាតិ​អា​មេ​រិ​ក ចៀសវាង​ចូល​ទៅ​អាកាសយានដ្ឋាន តាម​ច្រក Abbey ច្រក​ខាងកើត ឬ​ច្រក​ខាងជើង ឥឡូវនេះ​គួរតែ​ចាកចេញ​ភ្លាម​ៗ ៕
«មានការ​ផ្ទុះ​ដ៏ខ្លាំង នៅ​ខាងក្រៅ​អាកាសយានដ្ឋាន​ក្រុង​កា​ប៊ុល»

Picture
Picture
Picture
Picture